Biblica® Open Sorani Kurdish Book of Life
ڕۆما 5
ڕزگاربوون له‌تووڕه‌یی خودا
كه‌واته خودا له‌سه‌ر بناغه‌ی باوه‌ڕ بێ‌تاوانی كردین، به‌هۆی عیسای مه‌سیحی خوداوه‌ند له‌گه‌ڵ خودا ئاشتبووینه‌وه. جا به‌هۆی عیساوه بوو ده‌رگای باوه‌ڕمان بۆ كرایه‌وه‌و به‌ر ئه‌و به‌ره‌كه‌ته كه‌وتین كه ئێستا تیایداین، ئێمه شانازی ده‌كه‌ین به‌و هیوایه‌ی هه‌مانه له‌شكۆمه‌ندی خودا. به‌ته‌نها ئه‌مه نا، به‌ڵكو له‌كاتی ته‌نگانه‌شدا شانازی ده‌كه‌ین، چونكه ئێمه ده‌زانین ته‌نگانه دان به‌خۆگرتنمان تیا دروست ده‌كات، دان به‌خۆگرتنیش ئه‌زمون، ئه‌زمونیش هیوامان تیا دروست ده‌كات، هیواش نابێته هۆی شه‌رمه‌زاری، چونكه خودا دڵمانی پڕكردووه له‌خۆشه‌ویستی خۆی به‌و ڕۆحه پیرۆزه‌ی بهئێمهی به‌خشیوه.
كاتێ هێشتا لاواز بووین، له‌كاتی پێویست، مه‌سیح له‌پێناوی خوانه‌ناسان مرد. به‌ده‌گمه‌ن یه‌كێك له‌پێناوی مرۆڤێكی ڕاستودروست ده‌مرێ، له‌وانه‌یه له‌پێناوی مرۆڤێكی باش یه‌كێك بوێرێ بمرێ. به‌ڵام خودا خۆشه‌ویستی خۆی بۆ ده‌رخستین، به‌وه‌ی مه‌سیح له‌پێناوی ئێمه‌دا مرد، كاتێ هێشتا گوناهبار بووین.
جا له‌به‌رئه‌وه‌ی ئێستا به‌خوێنی ئه‌و بێ‌تاوان بووین، له‌وه‌ش زیاتر به‌هۆی ئه‌و ڕزگار ده‌بین له‌تووڕه‌یی خودا! ئه‌گه‌ر خودا ئاشتیكردینهوه له‌گه‌ڵ خۆی بهمردنی ڕۆڵه‌كه‌ی كاتێ ئێمه دوژمنی بووین، چه‌ند زیاتر ئێمه كه ئاشتبووینه‌وه ڕزگارمان ده‌بێ به‌ژیانی ئه‌و! نه‌ك ته‌نها به‌م شێوه‌یه به‌ڵكو شادومانین به‌خودا، چونكه ئێستا به‌هۆی خوداوه‌ندمان عیسای مه‌سیح له‌گه‌ڵ خودا ئاشتبووینه‌وه.
ئادهمو مه‌سیح
له‌به‌رئه‌مه، چۆن به‌هۆی یه‌كێك گوناه هاته جیهان، به‌هۆی گوناهیش مــردن، به‌هـه‌مان شێوه‌یه مردنیش بۆ هه‌مــوو مــرۆڤێك هـات، چونكه هه‌موویان گوناهیان كرد. چــونكه گوناه لهجیهان بڵاوببۆوه پێش هاتنی شه‌ریعه‌ت، به‌ڵام حساب بۆ گوناه نه‌ده‌كرا، چونكه شه‌ریعه‌ت نه‌بوو. به‌ڵام مردن لهئادهمهوه تا موسا حوكمڕانی ده‌كرد، ته‌نانه‌ت به‌سه‌ر ئه‌وانه‌ش كه بهشێوهی ئاده‌م گوناهیان نه‌كردبوو، ئه‌و ئاده‌مه‌ی نموونه‌ی ئه‌و كه‌سه بوو كه دوای دێت. به‌ڵام دیاری خودا وه‌ك گوناهی ئاده‌م نییه، چونكه مردن زۆر مرۆڤی گرته‌وه به‌هۆی گوناهی یه‌كێك، جا چه‌ند زیاتر به‌هۆی مرۆڤێك كه عیسای مه‌سیحه زۆر لهخهڵكی به‌ره‌كه‌تی خوداو دیاری به‌ره‌كه‌ت بهدهستدههێنن. لێره جیاوازی هه‌یه لهنێوان ئه‌نجامی دیاری خوداو گوناهی مرۆڤێك! چونكه گوناهی یه‌كێك مرۆڤی به‌ره‌و له‌ناوبردن برد، به‌ڵام دیاری خودا پاش چه‌نده‌ها گوناه مرۆڤی به‌ره‌و بێ‌تاوانی برد. گه‌ر مردن به‌هۆی گوناهی یه‌كێك حوكمڕانی ده‌كرد، ئیتر چه‌ند زیاتر ئه‌وانه‌ی پڕی بهرهكهتو دیاری ڕاستودروستیان وه‌رگرتووه‌و حوكمڕانی ده‌كه‌ن له‌م ژیانه به‌هۆی یه‌كێك كـه عیسای مه‌سیحه.
كه‌واته، چۆن یه‌ك گوناه هه‌موو مرۆڤێكی تاوانباركرد، به‌هه‌مان شێوه یه‌ك كاری ڕاستودروست هه‌موو كه‌سێكی بێتاوانكرد بۆ ژیان. چونكه چۆن به یاخیبوونی یه‌كێك زۆر كه‌س گوناهبار بوو، به‌هه‌مان شێوه به‌گوێڕایه‌ڵی یه‌كێك زۆر كه‌س بێ‌تاوان ده‌بێ.
ئیتر شه‌ریعه‌ت هاته‌كایه‌وه تا زۆری گوناه ده‌ربخات، به‌ڵام له‌گه‌ڵ زۆربوونی گوناه به‌ره‌كه‌ت زۆر زیاتربوو. جا چۆن گوناه به‌هۆی مردن حوكمڕانی كرد، به‌هه‌مان شێوه به‌هۆی بێتاوانبوون به‌ره‌كه‌ت حوكمڕانی ده‌كات بۆ ژیانی هه‌تاهه‌تایی به‌هۆی عیسای مه‌سیحی خوداوه‌ندمان.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.