Biblica® Open Sorani Kurdish Book of Life
مەرقۆس 3
چاكردنهوهی نه‌خۆش لهشهممه
دیسان عیسا گه‌ڕایه‌وه بۆ كه‌نیشت. له‌وێ پیاوێكی لێبوو ده‌ستی ووشك بوو، هه‌ندێ له‌وان سهیریانكرد بۆ ئه‌وه‌ی بزانن ئایا عیسا له‌ڕۆژی شه‌ممه ئه‌و پیاوه چاكدهكاتهوه، تاكو به‌مه تاوانباری بكه‌ن. جا عیسا به‌پیاوه‌كه‌ی ووت ئه‌وه‌ی كه‌ده‌ستی ووشك بوو بوو: (وه‌ره ئێره.)
ئینجا لێیپرسین: (ئایا له‌ڕۆژانی شه‌ممه‌دا، كامه‌یان دروسته، كاری چاك یاخود كاری خراپ؟ ڕزگاركردن یاخود كوشتن؟) هه‌موو بهبێدهنگی مانه‌وه.
عیسا به‌تووڕه‌ییه‌وه سهیریكردنو غه‌مباربوو له‌به‌ر دڵ ڕه‌قییان، به‌پیاوه‌كه‌ی ووت: (ده‌ستت درێژكه.) ئه‌ویش ده‌ستی درێژكردو دهستبهجێ ده‌ستی چاك بووه‌وه. ئینجا فه‌ریسیه‌كان له‌گه‌ڵ پیاوانی هیرۆدس له‌خه‌ڵكه‌كه دووركه‌وتنه‌وه‌و ته‌گبیریان لێكرد بیكوژن. دوای ئه‌مه عیساو قوتابیه‌كانی به‌ره‌و ده‌ریاچه‌كه كشان، خه‌ڵكێكی زۆر له‌ناوچه‌ی جهلیلو یه‌هودیه‌و قودسو ئادومیه‌و پشتی ئوردونه‌وه دوای كه‌وتن. هه‌روه‌ها ژماره‌یه‌كی زۆر له‌ناوچه‌ی سورو سه‌یدا، كاتێ هه‌واڵی ئه‌و كارانه‌یان بیست كه عیسا كردوویه‌تی، هاتن بۆ لای. عیسا فهرمانیدا به‌قوتابیه‌كانی، به‌له‌مێكی بچووكی بۆ ئاماده‌بكه‌ن، بۆ ئه‌وه‌ی خه‌ڵكه‌كه پاڵه‌په‌ستۆی له‌سه‌ر نه‌كه‌ن. چونكه خه‌ڵكێكی زۆری چـاككـردبـووهوه، وای لێهاتبوو هـه‌ر كـه‌سێ نه‌خۆشییه‌كی هـه‌بووایه، خێرا ده‌چوو بۆ لای تاده‌ستی لێ‌بدات ئه‌وانه‌ی ڕۆحی پیسیان تیابوو كاتێ ده‌یانبینی كڕنووشیان بۆ ده‌بردو هاواریان ده‌كرد : (تۆ ڕۆڵه‌ی خودای.) ئه‌ویش به‌توندی فه‌رمانی پێ‌ده‌دان كه ئاشكرای نه‌كه‌ن.
دوانزه نێرراوه‌كه
دوایی عیسا چووه سه‌ر شاخێك، ئه‌وانه‌ی ده‌یویست بانگیكردن، ئه‌وانیش چوونه لای. دوانزه قوتابی لێ دیاریكردن، بۆ ئه‌وه‌ی له‌گه‌ڵی بنو بیاننێرێ بۆ بڵاوكردنه‌وه‌ی ووشه‌ی خودا.
هه‌روه‌ها ده‌سه‌ڵاتی پێدان بۆ ده‌ركردنی ڕۆحه پیسه‌كان. ئه‌و دوانزه قوتابیه‌ی دیاریكرد ئه‌مانه‌ن: شه‌معون كه به‌په‌ترۆس ناوی ده‌برد، یاقوبی كوڕی زهبدیو یۆحه‌ننای برای، كه ناوی لێنابوون (بوانرجس) واته كوڕانی هه‌وره‌گرمه، ئهندهراوسو فیلیپۆسو بهرتۆلماوسو مه‌تتاو تۆماو یاقوبی كوڕی حهلهفیو تهداوسو شه‌معونی قانه‌وی، هه‌روه‌ها یه‌هوزای ئه‌سخه‌ریوتی ئه‌وه‌ی عیسای دا به‌ده‌سته‌وه. ئینجا عیسا گه‌ڕایه‌وه بۆ ماڵه‌وه.
عیساو سه‌رۆكی شه‌یتان
دیسان له‌وێش خه‌ڵكێكی زۆریان لێكۆبووهوه، به‌شێوه‌یه‌ك نه‌یانتوانی نان بخۆن. كاتێ كه‌سوكاری ئه‌مه‌یان بیست، هاتن له‌گه‌ڵ خۆیان بیبه‌ن، چونكه وا بڵاوبوو بووه‌وه كه مێشكی تێكچووه. هه‌ندێ له‌مامۆستایانی شه‌ریعه‌ت له‌قودسه‌وه هاتبوون، ووتیان: (به‌عله‌زبولی تێدایه، به‌سه‌رۆكی ڕۆحه پیسه‌كان، ڕۆحه پیسه‌كان ده‌رده‌كا.) ئینجا عیسا بانگیكردنو به‌نموونه قسه‌ی بۆكردنو ووتی: (شه‌یتان چۆن ده‌توانێ شه‌یتان ده‌ربكا؟ هه‌ر ووڵاتێك دووبه‌ره‌كی تیابێت، ناتوانێت خۆی ڕابگرێ، هه‌ر ماڵێكیش دووبه‌ره‌كی تیابێت، خۆی ڕاناگرێ. گه‌ر شه‌یتان به‌سه‌ر خۆی هه‌ڵگه‌ڕایه‌وه‌و بوو به‌دوو به‌شه‌وه، خۆی ڕاناگرێت، به‌ڵكو به‌ره‌و كۆتایی ده‌چێ. كه‌س ناتوانێ بچێته ماڵی كابرایه‌كی ئازاو شته‌كانی تاڵان بكا، گه‌ر له‌پێشا كابرای ئازای نه‌به‌ستبێته‌وه، ئینجا ماڵه‌كه‌ی تاڵان بكات.
ڕاستیتان پێدهڵێم: هه‌موو گوناهێكو كفركردنێكی نه‌وه‌ی مرۆڤ ده‌به‌خشرێ، به‌ڵام ئه‌وه‌ی كفر بكات به‌رامبه‌ر به‌ڕۆحی پیرۆز، هه‌رگیز نابه‌خشرێ، به‌ڵكو ده‌كه‌وێته ژێر حوكمی هه‌تاهه‌تاییه‌وه.) ئه‌مه‌ی ووت، چونكه به‌عیسایان ووت: ڕۆحی پیسی تیایه.
خێزانی ڕاسته‌قینه‌ی عیسا
دوای ئه‌وه دایكو براكانی عیسا هاتن، له‌ده‌ره‌وه وهستانو ناردیان به‌شوێنی. له‌وكاته‌دا خه‌ڵكێكی زۆر له‌ده‌وروبه‌ری دانیشتبوون، یه‌كێ هات پێیووت: (ئه‌وه‌تا دایكتو براكانت له‌ده‌ره‌وه ڕاوه‌ستاون بانگت ده‌كه‌ن.) عیساش ووتی: (دایكم كێیه‌و براكانم كێن؟) ئینجا سه‌یرێكی ئه‌وانه‌یكرد كه له‌ده‌وروپشتی دانیشتبوونو ووتی: (ئا ئه‌مانه‌ن دایكو برای من، هه‌ر كه‌سێ به‌خواستی خودا هه‌ڵسوكه‌وت بكات، ئه‌و براو خوشكو دایكمه.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.