Biblica® Open Sorani Kurdish Book of Life
لۆقا 2
له‌دایك بوونی عیسا
له‌و سه‌رده‌مه‌دا له ئوغستۆسی قه‌یسه‌ره‌وه فه‌رمان ده‌رچوو تا هه‌موو دانیشتوانی ووڵاته‌كه‌ی ناونووس بكرێت. ئه‌م ناونووسكردنهش یه‌كه‌مجاری بوو، لهكاتێكدا كیرینیۆس فه‌رمانڕه‌وای سوریا بوو. خـه‌ڵكی ڕۆیشتن، هـه‌ر یه‌كه بۆ شـاری خۆی هه‌تا ناونووس بكـرێن. جـا یوسف لهشــاری ناسـیره‌وه كـه له‌ناوچــه‌ی جـه‌لیل بوو، به‌ره‌و شـاره‌كـه‌ی داود ڕۆیشت كـه ناوی به‌یت له‌حـم بوو له‌ناوچـه‌ی یه‌هـودیا. چـونكه ئه‌و له‌بنه‌ماڵه‌و هۆزی داود بوو. تاكو لـه‌گـه‌ڵ مریه‌مـی ده‌زگـیرانی كـه له‌و كاته‌دا سكی هه‌بوو، له‌وێ ناونووس بكرێن. هه‌ر له‌و كـاته‌دا ئه‌مـان لـه‌وێ بوون، كاتی منداڵ بوونی هـات. لـهبهرئهوهی لـهمیوانخانه شـوێنیان ده‌ست نه‌كـه‌وت چــوونه ته‌ویلـه‌یه‌ك لـهوناوه، ئـینجا له‌وێدا كوڕه نۆبهرهكـهیبوو، پێچـایه‌وه‌و لهئاخـوڕی ته‌ویله‌كه‌دا خه‌واندی.
فریشته‌یه‌ك مزگێنییده‌دا
له‌و ناوچه‌یه شوان هه‌بوون لهدهشت ده‌مانه‌وه‌و بهنۆبه ئێشكی مێگه‌لیان ده‌گرت. فریشته‌یه‌ك له‌لایه‌ن خوداوه‌نده‌وه هاته لایان، شكۆمه‌ندی خودا دره‌وشایه‌وه له‌ده‌ورو پشتیان، به‌مه ترسێكی زۆریان لـێ‌نیشت. فریشته‌كه پێی ووتن: (مه‌ترسن، ئه‌وا من مژده‌یه‌كی خۆشو مه‌زنتان پێ‌ده‌ده‌م كه بۆ هه‌موو گه‌له. ئه‌مڕۆ له‌شاری داود ڕزگاركه‌رێك بۆ ئێوه لهدایكبوو، ئه‌ویش مه‌سیحی خوداوه‌نده. ئه‌مه‌ش نیشانه بێ بۆتان، له‌وێ منداڵێكی پێچراوه‌ی نووستو لهئاخوڕێكدا ده‌بینن.) له‌پڕێكدا له‌گه‌ڵ فریشته‌كه كۆمه‌ڵێ هێزی ئاسمانی ده‌ركه‌وتن، ستایشی خودایان ده‌كردو ده‌یان ووت: (شكۆمه‌ندی بۆ خودا له‌به‌رزایی، بۆ سه‌ر زه‌ویش ئاشتی، بۆ ئه‌وانه‌ی جێی ڕه‌زامه‌ندی ئه‌ون.) كاتێ فریشته‌كه لای شوانه‌كان به‌ره‌و ئاسمان ڕۆیشت، بهیهكتریان ووت: (كه‌واته بابڕۆین بۆ بهیتلهحم تا ئه‌و ڕووداوه ببینین كه‌وا خوداوه‌ند پێیڕاگهیاندین.( به‌خێرایی هاتن شوێنه‌كه‌یان دۆزیه‌وه، منداڵه‌كه‌یان بهنووستویی له‌ئاخوڕه‌كه‌دا بینی له‌گه‌ڵ مریهمو یوسف. كاتێ ئه‌مه‌یان بینی، دهستیانكرد بهبڵاوكردنهوهی ئه‌و هه‌واڵه‌ی لهبارهی ئه‌و منداڵه‌وه پێیان ووترابوو. هه‌موو ئه‌وانه‌ی گوێیان لهمهبوو، سه‌ریان سوڕما له‌وه‌ی شوانه‌كان ده‌یان ووت. به‌ڵام مریه‌م ئه‌م شتانه‌ی هه‌موو له‌بیری خۆی داده‌ناو لهدڵی خۆی لێكیده‌دایه‌وه. دوای ئه‌وه شوانه‌كان گه‌ڕانه‌وه شوێنی خۆیان، ده‌م بهستایشی خوداوه بۆ هه‌موو ئه‌وه‌ی بیستیانو بینییان، به‌و شێوه‌یه‌ی پێیان ووترا بوو.
خه‌ته‌نه‌كردنی عیسا
كاتی خه‌ته‌نه‌كردنی منداڵه‌كه، دوای به‌سه‌رچوونی هه‌شت ڕۆژ به‌سه‌ر له‌دایك بوونی، ناوینرا عیسا هه‌روه‌ك چۆن له‌سه‌ر زمانی فریشته‌كه پێشتر ناونرا، پێش ئه‌وه‌ی دایكی سكی پێی هه‌بێ.
دوای ئه‌وه‌ی ڕۆژانی پاكبوونهوهی ته‌واوبوو، به‌پێی شه‌ریعه‌تی موسا، یوسفو مریه‌م بردیان بۆ قودس، تاكو پێشكه‌شی خوداوه‌ندی بكه‌ن. هه‌روه‌ك چۆن له‌شه‌ریعه‌تی خوداوه‌ند نووسراوه: [[هه‌موو كوڕێكی نۆبه‌ره كه سكی دایك ده‌كاته‌وه پێی ده‌ووترێ پیرۆزی خوداوه‌ند.]] هه‌روه‌ها بۆ پێشكه‌ش كردنی قوربانی، وه‌ك له‌شه‌ریعه‌تی خوداوه‌ند ووتراوه: [[جووتێ كوكوختی یان جووتێ بێچووه كۆتر.]]
له‌قودس پیاوێك هه‌بوو ناوی شه‌معون بوو، پیاوێكی چاكو له‌خواترس بوو، چاوه‌ڕێی دڵدانه‌وه بوو بۆ ئیسرائیل، ڕۆحی پیرۆزیشی تێدابوو. ڕۆحی پیرۆز ئاگاداری كردبوو، كه نامرێ تا مه‌سیحی خوداوه‌ند نه‌بینێ. به‌هۆی ڕۆحه‌وه هاتبوو بۆ په‌رستگا. كاتێ دایكو باوكی عیسا منداڵه‌كه‌یان هێنا تا به‌پێی شه‌ریعه‌ت ئه‌وه‌ی پێویسته بیكه‌ن بۆی. شه‌معون منداڵه‌كه‌ی خسته سه‌ر هه‌ردوو دهستیو ستایشی خودایكردو ووتی:
(ئه‌ی خوداوه‌ند ئێستا به‌نده‌ی خۆت با به‌ئاشتی چاولێك بنێ به‌پێی به‌ڵێنی خۆت.
ئه‌وا چاوم ڕزگاری تۆی بینی،
ئه‌وه‌ی ئاماده‌ت كردووه بۆ هه‌موو گه‌لان، ڕووناكی بێت بۆ نهتهوهكانو شكۆمه‌ندی بێت بۆ ئیسرائیل.)
دایكو باوكی سه‌رسام بوون له‌وه‌ی ده‌رباره‌ی منداڵه‌كه ووترا. شه‌معون داوای پیرۆزی بۆ كردنو به مریه‌می دایكی منداڵه‌كه‌ی ووت: (به‌هۆی ئه‌م منداڵه‌وه كه‌سانێكی زۆر له‌ئیسرائیل دهكهونو زۆریش هه‌ڵده‌ستنه‌وه، ده‌بێ به‌نیشانه‌یه‌ك به‌ربه‌ره‌كانی ده‌كرێ، تا نیازی دڵی زۆركهس ئاشكرابێ. شمشێرێكیش جه‌رگی تۆ ده‌بڕێ.)
ژنێك به‌ووشه‌ی خودا ده‌دوا ناوی حه‌ننه بوو كچی فه‌نۆئیلی پێ ده‌وترا، سه‌ر بهتیرهی ئه‌شیر بوو، زۆر به‌ساڵدا چوو بوو، ته‌نها حه‌وت ساڵ له‌گه‌ڵ مێرده‌كه‌ی ژیابوو. پاشان به‌بێوه‌ژنی مابووه‌وه تا ته‌مه‌نی گه‌یشتبووه هه‌شتاو چوار ساڵی. په‌رستگاكه‌ی به‌جێ نه‌ده‌هێشت، شه‌و و ڕۆژ خودای ده‌په‌رست، بهنوێژو ڕۆژوگرتن. لهوكاتهدا ئاماده‌بوو، ده‌ستیكرد بهسوپاسكردنی خوداو باسی عیسای له‌گه‌ڵ هه‌موو ئه‌وانه‌دا كرد كه له‌قودس چاوه‌ڕوانی ڕزگاركهربوون. دوای تهواوبووی هه‌موو ئه‌وانه‌ی شه‌ریعه‌تی خوداوه‌ند داوای ده‌كات، دایك و باوكی عیسا گه‌ڕانه‌وه بۆ شاره‌كه‌یان كه ناوی ناسیره بوو لهجهلیل. منداڵه‌كه نه‌شونمای ده‌كردو به‌هێز ده‌بوو، پڕدهبوو لهداناییو به‌ره‌كه‌تی خودای له‌سه‌ر بوو.
عیسا له په‌رستگادا
دایكو باوكی هه‌موو ساڵێك لهجهژنی تێ‌په‌ڕبوون ده‌چوون بۆ قودس. كاتێ عیسا ته‌مه‌نی گه‌یشته دوانزه ساڵ، وه‌ك هه‌موو ساڵانی تر لهجهژندا به‌ره‌و قودس ڕۆیشتن. دوای تهواوبوونی ڕۆژانی جه‌ژن گه‌ڕانه‌وه، عیسای منداڵ له‌قودس مایه‌وه بێ‌ئه‌وه‌ی ئه‌وان بزانن. وایان ده‌زانی كه له‌گه‌ڵ هاوڕێكانیاندایه بهڕێگاوه، ڕۆژه ڕێگایه‌ك ڕۆیشتن، دوای ئه‌وه دهستیانكرد به‌گه‌ڕان به‌دوایدا له‌نێوان خزمو ناسیاوه‌كانیان. كاتێ نه‌یان دۆزیه‌وه گه‌ڕانه‌وه بۆ قودس تا به‌دوایدا بگه‌ڕێن. دوای سێ ڕۆژ گه‌ڕان له‌په‌رستگادا دۆزیانه‌وه، سهیریانكرد دانیشتووه له‌نێوان مامۆستایانی شه‌ریعه‌ت، گوێی بۆ ڕاگرتوونو پرسیاریان لـێ‌ده‌كات. هه‌موو ئه‌وانه‌ی گوێیان لێیبوو، سه‌رسام بوون له تێگهیشتنو وه‌ڵامدانه‌وه‌ی. كاتێ بینییان سه‌ریان سوڕما، ئینجا دایكی پێی ووت: (كوڕم بۆ وات لـێ‌كردین؟ منو باوكت به بێ ئارامی به‌دواتدا ده‌گه‌ڕاین.) وه‌ڵامی دانه‌وه، ووتی: (بۆچی بهدوامدا ده‌گه‌ڕان؟ ئایا نه‌تانزانی پێویسته لهسهرم، له‌ماڵی باوكم بم؟) به‌ڵام ئه‌وه‌ی ئه‌و ووتی، ئه‌وان تێینه‌گه‌یشتن. ئینجا له‌گه‌ڵیان گه‌ڕایه‌وه به‌ره‌و شاری ناسیره‌و گوێڕایه‌ڵیان بوو، مریه‌می دایكیشی ئه‌مانه‌ی هه‌موو ده‌خسته دڵیه‌وه. عیساش لهداناییو بهژنو باڵا گه‌وره ده‌بوو، جێی ڕه‌زامه‌ندی خوداو خه‌ڵكی بوو.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.