Biblica® Open Sorani Kurdish Book of Life
لۆقا 3
یه‌حیای لهئاوههڵكێش
له‌ساڵی پانزه‌هه‌مینی فه‌رمانڕه‌وایی تێباریۆسی قه‌یسه‌ر، كاتێ بونتیۆس پیلاتۆس لـێپرسراوی یه‌هودیا بوو، هه‌روه‌ها هێرۆدس لـێپرسراوی جه‌لیل و براكه‌شی فیلیپۆس لێپرسراوی ئیتۆریهو ته‌راخونیتس بوو، لیسانیوسیش لێپرسراوی ئیبیلیه بوو، له‌سه‌رده‌می حه‌نان و قه‌یافای سه‌رۆك كاهینه‌كان، كاتێ یه‌حیا لهدهشتودهر بوو ووشه‌ی خودای بۆ هاته خواره‌وه. ئینجا هات بۆ هه‌موو ناوچه‌كانی سه‌ر ڕووباری ئوردن تا له‌ئاوهه‌ڵكێشانی تۆبه‌كردن بۆ گوناه به‌خشین ڕابگه‌ێنێ. هه‌روه‌ك له په‌رتووكی ئه‌شعیا پێغه‌مبه‌ر نووسراوه: [[ده‌نگێك لهدهشتودهر بانگه‌واز ده‌كات، ڕێگا بۆ خوداوه‌ند ئاماده‌بكه‌ن، ڕێڕه‌وی ڕێك بخه‌ن.]] هه‌موو دۆڵێك پڕ دهكرێتهوهو هه‌موو چیاو گردۆڵكه‌یه‌كیش نزم ده‌بێته‌وه، هه‌موو شوێنه پێچاوپێچهكان ڕاست ده‌بنه‌وه‌و شوێنه چاڵه‌كان ده‌بنه ڕێگای ڕێكوڕهوان، هه‌موو كه‌سێ ڕزگاری خودا ده‌بینێ!)
یه‌حیا بهههموو ئه‌وانه‌ی هاتبوون بۆ له‌ئاوهه‌ڵكێشان له‌سه‌رده‌ستی، ده‌یووت: (ئه‌ی بێچووه ماران، كێ فێری هه‌ڵاتنیكردوون له‌ده‌ست تووڕه‌یی داهاتوو؟ به‌رووبوومێ بده‌ن شایانی تۆبه‌كردن بێت، به‌خۆتان مه‌ڵێن: (ئێمه ئیبراهیمی باوكمان هه‌یه.) من پێتان ده‌ڵێم، خودا توانای ئه‌وه‌ی هه‌یه ئا له‌م به‌ردانه نه‌وه بۆ ئیبراهیم دروست بكات. ئه‌وا ته‌ور خراوه‌ته سه‌ر قه‌دی دار، هه‌ر دارێك به‌رووبوومی باش نه‌دات ده‌بڕێته‌وه‌و فڕێ ده‌درێته ناو ئاگر.) خه‌ڵكه‌كه پرسیاریان لـێ‌كرد: (كه‌واته چی بكه‌ین؟) وه‌ڵامی دانه‌وه: (ئه‌وه‌ی دوو كراسی هه‌یه، با یه‌كێكیان بدا به‌وه‌ی كه نییه‌تی، ئه‌وه‌ش كه نانی هه‌یه، با هه‌مان شت بكات.) هــه‌نــدێ لــهباجگرانیش هاتبوون بـۆ لـهئـاوهـهڵكێشـان، پرسیاریان لـێ‌كرد: (مامۆستا، ئه‌ی ئێمه چی بكه‌ین؟) پێی ووتن: (له‌وه‌ی بۆتان دانراوه زیاتر وه‌رمه‌گرن.) هه‌روه‌ها هه‌ندێ ســه‌ربـاز پرسیاریان لـێ‌كرد: (ئه‌ی ئێمه چی بكه‌ین؟) وه‌ڵامی دانه‌وه: (زۆرداری لهكهس مه‌كه‌ن، بهدرۆ كه‌س تـاوانبار مـه‌كـه‌ن، به‌مـووچه‌كانتان ڕازیبن.(
له‌به‌رئه‌وه‌ی گه‌ل چاوه‌ڕێی مه‌سیحیان ده‌كرد، هه‌موو لهخۆیان ده‌پرسی: (تۆ بڵێی یه‌حیا، مه‌سیحی چاوه‌ڕێ كراو بێ؟) یه‌حیا وه‌ڵامی خه‌ڵكه‌كه‌ی دایه‌وه: (من له‌ئاو ههڵتاندهكێشم، به‌ڵام ئه‌وه‌ی دێت لهمن بهتواناتره، ئه‌وه‌ی من ته‌نانه‌ت شایسته‌ی كردنه‌وه‌ی قه‌یتانی پێڵاوه‌كانی نیم، ئه‌و لهڕۆحی پیرۆزو لهئاگر ههڵتاندهكێشێ. ئه‌و شه‌نی بهدهستهوهیه بۆ پاككردنهوهی خه‌رمانه‌كه‌ی بهتهواوی، گه‌نمه‌كه له‌عه‌مباردا كۆده‌كاته‌وه‌و كایه‌كه‌ش ده‌سوتێنێ بهئاگرێك كه ناكوژێته‌وه.) دیسان به‌زۆر شتی تر، ئامۆژگاری گه‌له‌كه‌ی ده‌كردو مژده‌ی ده‌دانێ. به‌ڵام هێرۆدس كه فه‌رمانڕه‌وای ناوچه‌كه بوو، له‌لایه‌ن یه‌حیاوه سه‌رزه‌نشت كرا به‌هۆی هێرۆدیای براژنیه‌وه، هه‌روه‌ها له‌به‌ر هه‌موو ئه‌و خراپانه‌ی كه ده‌یكرد، خراپه‌یه‌كی تریشی خسته پاڵ خراپه‌كانی پێشووی ئه‌ویش بهزیندانكردنی یه‌حیا.
له‌ئاوهه‌ڵكێشانی عیسا
كاتێ گه‌ل هه‌موو لهئاوههڵكێشران، عیساش لهئاوههڵكێشرا، لهكاتێكدا نوێژی ده‌كرد، ئاسمانكرایهوه، ڕۆحی پیرۆز لهشێوهی لـه‌شی كـۆترێك له‌سه‌ری نیشته‌وه، ده‌نگێك لـهئاسمانهوه هـاتو ووتی: (تۆی ڕۆڵه‌ی خۆشه‌ویستم، من پێت دڵشاد بووم.(
بنه‌چه‌ی عیسا
كاتێ عیسا ده‌ستی به‌خزمه‌ته‌كه‌ی كرد، ته‌مه‌نی نزیكه‌ی سی ساڵ بوو، خه‌ڵكی وایانده‌زانی كوڕی یوسفی كوڕی هالی، كوڕی مه‌تسات كوڕی لاوی، كوڕی موڵكی كوڕی یه‌ننا، كوڕی یوسف. كوڕی مه‌تتاسیا، كوڕی عاموس كوڕی ناحوم، كوڕی حه‌سلی كوڕی نه‌جای، كوڕی ماس كوڕی مه‌تاسیا، كوڕی شه‌معی كوڕی یوسف، كوڕی یه‌هوزا، كوڕی یۆحه‌ننا، كوڕی ڕیسا كوڕی زه‌ربابل، كوڕی شالتیئیل كوڕی نیری، كوڕی موڵكی كوڕی ئادی، كوڕی قوسه‌م كوڕی ئه‌لمودام كوڕی عیری، كوڕی یوسی، كوڕی ئه‌لیعازه‌ر كوڕی یوریم، كوڕی مه‌تسات كوڕی لاوی، كوڕی شه‌معون كوڕی یه‌هوزا، كوڕی یوسفكوڕی یۆنان، كوڕی ئه‌لیاقیم، كوڕی مه‌لیا كوڕی مه‌ینان، كوڕی مه‌تاسا كوڕی ناسان، كوڕی داود، كوڕی یه‌سا، كوڕی عوبێد كوڕی بوعه‌ز، كوڕی سه‌لمون كوڕی نه‌حشون، كوڕی عه‌میناداب كوڕی ئارام، كوڕی حه‌سرون، كوڕی فارس كوڕی یه‌هوزا، كوڕی یاقوب كوڕی ئیسحاق، كوڕی ئیبراهیم كوڕی تارح، كوڕی ناحور، كوڕی سه‌روج، كوڕی ڕه‌عو كوڕی فالج، كوڕی عابر كوڕی شالح، كوڕی قینان كوڕی ئه‌رفه‌كشاد، كوڕی سام كوڕی نوح، كوڕی لامه‌ك، كوڕی مه‌توشالح، كوڕی ئه‌خنوخ كوڕی یارد، كوڕی مههللئیل كوڕی قینان، كوڕی ئه‌نوش كوڕی شیت، كوڕی ئاده‌م كه له خودایه.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.