Biblica® Open Sorani Kurdish Book of Life
لۆقا 19
عیسا ده‌بێته میوانی زه‌كا
ئینجا عیسا چوو بۆ ئه‌ریحاو به‌ناو شاره‌كه تێده‌په‌ڕی. له‌وێ كابرایه‌ك هه‌بوو ناوی زه‌كا بوو. گه‌وره‌ی باجگره‌كان بوو، كابرایه‌كی پاره‌داریش بوو. ده‌یویست عیسا ببینێتو بزانێ چۆنه، به‌ڵام نه‌یتوانی چونكه باڵای كورت بوو. به‌ڕاكردن ڕۆیشتو بهدارێكی ئه‌و ناوه‌دا هه‌ڵگه‌ڕا بههیوای ئه‌وه‌ی له‌ناو خه‌ڵكه‌كه‌دا عیسا ببینێت، كاتێ به‌وێدا ده‌ڕوات.
كه عیسا گه‌یشته ئه‌و شوێنه، چاوی هه‌ڵبڕیو زه‌كای بینی، پێی ووت: (زه‌كا، خێرا وه‌ره خواره‌وه، چونكه من ئه‌مڕۆ میوانی تۆم.) زه‌كاش به‌خێرایی هاته خواره‌وه‌و به‌خۆشیه‌وه پێشوازی لـێ‌كرد. كاتێ خه‌ڵكه‌كه ئهمهیانبینی، دهستیانكرد به بۆڵهبۆڵكردنو ووتیان: (ئه‌وه‌تا ده‌چێته ماڵی كه‌سێكی گوناهبار.) زه‌كا لـه‌به‌رده‌می عیسادا ڕاوه‌ستاو پێی ووت: (گه‌وره‌م من ده‌مه‌وێ نیوه‌ی سامانم دابهشكهم به‌سه‌ر ههژارانو ئه‌وه‌ی زۆرم لـێ‌سه‌ندوه‌و شتێكم لێـیداگیركردووه به‌چوار قات بۆی ده‌گه‌ڕێنمه‌وه.) ئینجا عیسا پێی ووت: (ئه‌وا ئه‌مڕۆ ئه‌م ماڵو خێزانه ڕزگاریان بوو، له‌به‌رئه‌وه‌ی ئه‌م پیاوه‌ش له‌نه‌وه‌ی ئیبراهیمه. چونكه ڕۆڵه‌ی مرۆڤ، هاتووه بۆ دۆزینه‌وه‌ی وونبووهكانو ڕزگاركردنیان.)
نموونه‌ی به‌شه زیو
كاتێ خه‌ڵكه‌كه گوێیان گرتبوو، باسی نموونه‌یه‌كی بۆ كردن چونكه خه‌ریك بوو لهشاری قودس نزیك ده‌بووه‌وه، زۆریش باوه‌ڕیان بهوهبوو كه پادشاهێتی خودا خه‌ریكه وا ده‌رده‌كه‌وێ. عیسا ووتی: (گه‌وره پیاوێك ڕۆیشت بۆ شارێكی دوور، بۆ وه‌رگرتنی حوكمڕانی ئینجا بگه‌ڕێته‌وه. پێش ئه‌وه‌ی بڕوات ده ئیشكه‌ری خۆی بانگكردو به‌هه‌ر یه‌كێكیان ده به‌شه زیوی دانێ‌و ووتی: (بازرگانی به‌م دراوانه‌وه بكه‌ن تا ده‌گه‌ڕێمه‌وه. دانیشتوانی ئه‌و ناوچه‌یه كابرایان خۆش نه‌ده‌ویست، دوابه‌دوای ئه‌و خه‌ڵكیان نارد تاكو له‌وێ بڵێن: ئێمه نامانه‌وێ ئه‌م كابرایه فه‌رمانڕه‌وایمان به‌سه‌ردا بكات. به‌ڵام ئه‌و فه‌رمانڕه‌وایی ناوچه‌كه‌ی وه‌رگرت. كاتێ گه‌ڕایه‌وه، فه‌رمانیدا ئه‌و ده كه‌سه‌ی پاره‌كه‌ی دابوونێ بێنه لای، تابزانێ هه‌ر یه‌كه له‌و پاره‌یه‌ی كه لایه‌تی چه‌ندی قازانج كردووه. یه‌كه‌میان هاته پێشه‌وه‌و ووتی: گه‌وره‌م ده به‌شه زیوه‌كه‌ت ده به‌شی تری قازانج كردووه. ئه‌ویش پێی ووت: ئافه‌رین ئه‌ی ئیشكه‌ری چاك، له‌به‌رئه‌وه‌ی له‌م پاره كه‌مه ده‌ست پاك بوویت، بڕۆ فه‌رمانڕه‌وابه به‌سه‌ر ده شاری ناوچه‌كه‌م. دووه‌میان هاته پێشه‌وه‌و ووتی: گه‌وره‌م ده به‌شه زیوه‌كه‌ت پێنج به‌شیتری قازانج كردووه. به‌مه‌شیانی ووت: بڕۆ ببه بـه فـه‌رمــانڕه‌وا بــه‌ســه‌ر پێنـج شاردا.
ئینجا یهكێكیتریان هاته پێشه‌وه‌و ووتی: گه‌وره‌م ئا ئه‌وه‌تا ده به‌شه زیوه‌كه‌ت بهپێچراوهیی له‌م ده‌سته‌سڕه‌دا پارێزگاریم كردووه، له‌ڕاستیدا لێت ده‌ترسم چونكه تۆ مرۆڤێكی توندوتیژی، ده‌یبه‌یت له‌وه‌ی داتنهناوهو دروێنه ده‌كه‌یت له‌وه‌ی نهتچاندووه. ئه‌ویش پێی ووت: ئه‌ی ئیشكه‌ری به‌دكار هه‌ر به‌قسه‌كانت تاوانبارت ده‌كه‌م، تۆ كه زانیت من كابرایه‌كی توندوتیژم، ئه‌وه‌ی دام نه‌ناوه دهیبهمو ئه‌وه‌ی نهمچاندووه دروێنه‌ی ده‌كه‌م. بۆچی نه‌چوویت پاره‌كه‌م ببه‌یته لای پاره گۆڕه‌وه‌كان، تاكو لهكاتی گه‌ڕانه‌وه‌م خۆیو قازانجه‌كه‌شیم وه‌ربگرتایه. ئینجا به‌وانه‌ی ووت كه له‌وێدا ڕاوه‌ستاون. هه‌ر ده به‌شه زیوه‌كه‌ی لێ‌بسه‌ننه‌وه‌و بیده‌ن به‌وه‌ی ده به‌شه‌كه‌ی قازانجكردووه. ئه‌وانیش پێیان ووت: گه‌وره‌م ئه‌و ده به‌شه زیـوی تریشی پێیه، ئه‌ویش ووتی: مــن پێتان ده‌ڵێم ئــه‌وه‌ی هه‌یه‌تی زیاتری پێ‌ده‌درێ، ئه‌وه‌ش كه نیه‌تی، ئه‌وه‌ی لایه‌تـی لێیده‌سه‌نـرێته‌وه. دوژمنه‌كانیشم، ئه‌وانه‌ی نه‌یان ده‌ویست به‌سه‌ریان فه‌رمانڕه‌وایی بكه‌م، بیانهێنن بۆ ئێره‌و له‌به‌رده‌مم بیانكوژن.)
عیسا بۆ قودس ده‌ڕوات
دوای ئه‌وه‌ی عیسا ئه‌م قسانه‌ی ته‌واوكرد، كه‌وته ڕێ به‌ره‌و قودس. كاتێ لهدێی بهیتفاجیو لهدێی بهیتعهنیا نزیك بووه‌وه، لای ئه‌و شاخه به‌ناوبانگه‌ی شاخی زه‌یتونی پێ‌ده‌وترێ، دووان لهقوتابیهكانی ناردو پێی ووتن: (بڕۆن بۆ ئه‌و دێیه‌ی به‌رامبه‌ر، كاتێ ده‌چنه ناو دێكه ده‌بینن جاشكێك به‌ستراوه‌ته‌وه، ئه‌و جاشكه تا ئێستا هیچ كه‌سێك سواری نه‌بووه، گوریسه‌كه‌ی بكهنهوهو بیهێنن بۆ ئێره. گه‌ر یه‌كێ پرسیاری لـێ‌كردن، بۆچی گوریسه‌كه‌ی ده‌كه‌نه‌وه؟ پێی بڵێن، گه‌وره‌مان پێویستی پێی هه‌یه.) دوو قوتابیه‌كه ڕۆیشتن، عیسا چی پێ ووتبوون بینییان. كاتێ گوریسی جاشكه‌كه‌یان ده‌كرده‌وه، خاوه‌نه‌كه‌ی لێیانی پرسی: (بۆچی گوریسی ئه‌و جاشكه ده‌كه‌نه‌وه؟) ووتیان: (گه‌وره‌مان پێویستی پێیه‌تی.) ئینجا هێنایان بۆ عیساو كراسه‌كانیان خسته سه‌ر پشتیو عیسایان سواركرد. له‌وكاته‌دا كه عیسا بهڕێوهبوو، خه‌ڵكه‌كه كراسـیان داده‌كه‌ند، له‌سه‌ر ئه‌و ڕێگایه‌ی كه پیایدا ده‌ڕۆیشت ڕایان ده‌خست. كاتێ له‌لێژایی شاخی زه‌یتون نزیك بووه‌وه، قوتابیه‌كانی هه‌موو زۆر بهشادیهوه به‌ده‌نگی به‌رز ستایشی خودایان ده‌كرد بۆ ئه‌و هه‌موو كاره سه‌رسوڕهێنه‌رانه‌ی كه لهعیسایان بینی بوو، ده‌یان ووت: (پیرۆزه ئه‌و پادشایه‌ی به‌ناوی خوداوه‌نده‌وه دێت، ئاشتی لهئاسمانو شكۆ له‌به‌رزایی.) به‌ڵام فهریسیهكانو هه‌ندێ لهخهڵكهكه، بهعیسایان ووت: (مامۆستا قوتابیه‌كانت بێ‌ده‌نگ بكه.) ئه‌ویش ووتی: (با پێتان بڵێم: ئه‌گه‌ر ئه‌وانیش بێ‌ده‌نگ بن، به‌رده‌كان دێنه هاواركردن.)
عیسا به‌زه‌یی به قودس دێته‌وه
كاتێ عیسا لهشاری قودس نزیك بووه‌وه‌و بینی، بۆی گریاو ووتی: (خۆزگه بتزانییایه ته‌نانه‌ت ئه‌مڕۆش، چییه ئاشتیت بۆ ده‌هێنێت. به‌ڵام نه‌خێر، ئه‌مه شاراوه‌یه له‌به‌رچاوت. ڕۆژێ دێت، دوژمنه‌كانت بهچهكو تفاقه‌وه، لهههموو لایه‌كه‌وه ئابڵۆقه‌ت دهدهنو چاوتتێدهبڕن. ده‌تڕوخێنن به‌سه‌ر دانیشتوانتو به‌ردت به‌سه‌ر به‌ردته‌وه ناهێڵن، چونكه نه‌تزانی خودا كه‌ی به‌سه‌رت ده‌كاته‌وه.)
عیسا په‌رستگا پاك ده‌كاته‌وه
كاتێ عیسا چووه په‌رستگا، ده‌ستی كرد به‌ده‌ركردنی ئه‌و كه‌سانه‌ی تیایدا خه‌ریكی كڕینو فرۆشتن بوون. پێی ووتن: (خودا له‌كتێبی پیرۆزدا فه‌رموویه‌تی: {ماڵم، ماڵی نوێژكردنه} كه‌چی ئێوه كردووتانه به {ئه‌شكه‌وتی دزان.})
دوای ئه‌مه عیسا هه‌موو ڕۆژێ له‌په‌رستگادا، خه‌ریكی فێركردن بوو، هه‌رچه‌نده سه‌رۆك كاهینهكانو مامۆستایانی شهریعهتو گه‌وره پیاوانی گه‌ل ده‌یانویست بیكوژن. به‌ڵام نه‌یانتوانی، چونكه خه‌ڵكێكی زۆر لهدهوروپشتی بوون بۆ گوێگرتن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.