Biblica® Open Sorani Kurdish Book of Life
لۆقا 20
پرسیاری بێ وه‌ڵام
ڕۆژێكیان عیسا له‌په‌رستگادا خه‌ڵكی فێرده‌كردو مزگێنی ده‌دانێ، سه‌رۆك كاهینهكانو مامۆستایانی شهریعهتو پیرانی گه‌ل هاتنه لای، ووتیان: (پێمان بڵێ، به‌چ ده‌سه‌ڵاتێك ئه‌م كارانه ده‌كه‌یت؟ یان كێیه ئه‌م ده‌سه‌ڵاته‌ی داوه‌پێت؟)
عیسا وه‌ڵامی دانه‌وه‌و ووتی: (منیش پرسیارێكم هه‌یه لێتان، وه‌ڵامی بده‌نه‌وه، خه‌ڵك له‌ئاوهه‌ڵكێشانی یه‌حیا، له‌ئاسمانه‌وه بوو یان له‌خه‌ڵكه‌وه؟) ئینجا ئه‌وان لهنێوان خۆیاندا كه‌وتنه ڕاوێژو ووتیان: (ئه‌گه‌ر بڵێین له‌ئاسمانه‌وه بوو، ده‌ڵێت باشه بۆ باوه‌ڕتان پێ‌نه‌كرد؟ ئه‌گه‌ر بڵێین له‌خه‌ڵكه‌وه بوو، ئه‌وسا خه‌ڵكه‌كه ده‌كه‌ونه بهردبارانمان، چونكه یه‌حیا به‌پێغه‌مبه‌ر داده‌نێن.) وهڵامیاندایهوه: (نازانین له‌كوێوه‌یه.) عیساش پێی ووتن: (كه‌واته منیش پێتان ناڵێم به‌چ ده‌سه‌ڵاتێك ئه‌مانه ده‌كه‌م.)
نموونه‌ی ڕه‌زه‌وانه‌كان
دیسان كه‌وته‌وه قسه‌كردن بۆ خه‌ڵكه‌كه‌و ئه‌م نموونه‌یه‌ی بۆ گێڕانه‌وه، ووتی: (كابرایه‌ك ڕه‌زێكی ترێی چاندو دایه ده‌ست چه‌ند ڕه‌زه‌وانێك، بۆ ماوه‌یه‌كی دوورو درێژ ئه‌وێی به‌جێ هێشت. لهوهرزی به‌رووبووم كۆكردنه‌وه‌دا، ئیشكه‌رێكی خۆی نارد بۆ لای ڕه‌زه‌وانه‌كان، تاكو به‌رووبوومی ڕه‌زه‌كه‌ی بۆ بهێنێ. به‌ڵام ڕه‌زه‌وانه‌كان لێیانداو به‌ده‌ستی به‌تاڵ ناردیانه‌وه. كابرا ئیشكهرێكیكهی نارد. به‌ڵام له‌ویشیانداو به‌ده‌ستی به‌تاڵ ناردیانه‌وه. دیسان كابرا ئیشكه‌رێكی تری نارد، كه‌چی ئه‌میشیان برینداریان كردو فڕێیاندایه ده‌ره‌وه‌ی ڕه‌زه‌كه.
(كابرای خاوه‌ن ڕه‌ز ووتی: باشه من چی بكه‌م؟ له‌دوایدا ووتی: كوڕه‌كه‌م ده‌نێرم، له‌وانه‌یه سڵی لـێ‌بكه‌نه‌وه‌و لێی بترسن. هه‌ركه ڕه‌زه‌وانه‌كان كوڕه‌كه‌یان بینی، خێرا لهنێوان خۆیان كه‌وتنه ڕاوێژكردنو ووتیان: ئه‌وه‌تا ئه‌وه‌ی ڕه‌زه‌كه‌ی بۆ ده‌مێنێته‌وه به‌میرات، باهه‌ستین بیكوژین، تاكو بكه‌وێته ده‌ستی خۆمان. ئینجا ههستانوكوڕهیان برده ده‌ره‌وه‌ی ڕه‌زه‌كه‌و كوشتیان. ئایا كابرای خاوه‌ن ڕه‌ز ده‌بێ چیان لـێ‌بكات؟ دێتو هه‌موویان دهكوژێتو ڕه‌زه‌كه ده‌دا به‌ڕه‌زه‌وانانی تر.)
كاتێ گوێیان لهمهبوو هه‌ندێكیان ووتیان: (خودا نه‌كات!)
ئه‌ویش سه‌یری كردنو ووتی: (كه‌واته ئه‌وه‌ی له‌كتێبی پیرۆزدا نووسراون مانای چییه؟ {ئه‌و به‌رده‌ی وه‌ستاكان ڕه‌تیانكرده‌وه، بوو بهبهردی بناغه.} ئه‌وه‌ی بكه‌وێته سه‌ر ئه‌و به‌رده شكست ده‌بێت، ئه‌وه‌ش كهبهردهكهی به‌سه‌ردا ده‌كه‌وێت بهتهواوی پانی ده‌كاته‌وه.)
سه‌رۆك كاهینهكانو مامۆستایانی شه‌ریعه‌ت، ده‌یانویست له‌وكاته‌دا عیسا بگرن، چونكه زانییان مه‌به‌ستی ئه‌وانه له‌و نموونه‌یه، به‌ڵام له گه‌ل ده‌ترسان.
سه‌رانه‌دان بهقهیسهر
ئینجا عیسایان خسته ژێر چاودێرییه‌وه، سیخوڕیان بڵا وكرده‌وه له‌ده‌وروبه‌ری، خۆیان به پیاوچاك ده‌رده‌خست، تا بهووشهیهك بیگرنو بیده‌نه ده‌ستی فه‌رمانڕه‌وایانه‌وه. ده‌ستیانكرد به‌پرسیاركردن لێی به‌م شێوه‌یه: (مامۆستا ئێمه ده‌زانین تۆ له‌سه‌ر ڕاستی دهڕۆیتو ڕاستیش فێری خه‌ڵكی ده‌كه‌یت، گوێ ناده‌یته هیچ كه‌سێ، هه‌وڵدانت ته‌نها بۆ فێركردنی ڕاستی ڕێگای خودایه. جا لێت ده‌پرسین، ئایا دروسته ئێمه سه‌رانه بهقهیسهر بده‌ین یان نا؟) عیسا بهفێڵهكهیانی زانیو ووتی: (دینارێكم بده‌نێ، ئا ئه‌م نووسینه‌و ئه‌م وێنه‌یه‌ی لهسهریكراوه، هی كێیه؟) ووتیان: (وێنه‌ی قه‌یسه‌ر.) ئه‌ویش پێی ووتن: (ده‌كه‌واته ئه‌وه‌ی هی قه‌یسه‌ره بیده‌ن بهقهیسهر، ئه‌وه‌ش هی خودایه بیده‌ن به‌خودا.) لێره‌دا نه‌یانتوانی به‌هیچ شێوه‌یه‌ك، تاوانباریكهن له‌به‌رده‌م گه‌ل، ئیتر سه‌رسام بوون له‌وه‌ڵامدانه‌وه‌كه‌یو بێ‌ده‌نگ بوون.
زیندووبوونه‌وه
هه‌ندێ له‌سه‌دوقیه‌كان، ئه‌وانه‌ی باوه‌ڕ بهزیندووبوونهوه ناكه‌ن، لهعیسا هاتنه پێشه‌وه‌و پرسییان: (ئه‌ی مامۆستا، موسا بۆی نووسیوین، ئه‌گه‌ر یه‌كێ برایه‌كی خێزانداری مردو منداڵی نه‌بوو، له‌سه‌ری پێویسته براژنه‌كه‌ی بهێنێتو به‌ناوی براكه‌یه‌وه وه‌چه بخاته‌وه. جا حه‌وت برا هـه‌بوون، یه‌كـه‌میان ژنی هێناو مرد بێ‌ئه‌وه‌ی منداڵ به‌جێ‌بهێڵێت. دوایی برای دووه‌م ژنه‌كـه‌ی هـێناو ئه‌ویش مـرد. ئـینجا برای سێهـه‌م هـه‌تا گه‌یشـت به‌برای حـه‌وته‌م ئیتر هـه‌مـوو مردن بێ‌ئه‌وه‌ی نه‌وه بخه‌نه‌وه. له‌دوایدا ژنه‌كه‌ش مرد. ئایا لهڕۆژی زیندووبوونه‌وه‌دا، ئافره‌ته‌كه ده‌بێ به‌ژنی كامیان؟ چونكه ژنی هه‌ر حه‌وتیان بووه.) عیسا وه‌ڵامی دانه‌وه‌و ووتی: (مرۆڤی ئه‌م سه‌رده‌مه‌ی ئێستا، ژن دههێننو شووده‌كه‌ن. به‌ڵام ئه‌وانه‌ی لهڕیزی به‌شدارانی سه‌رده‌می داهاتوودان دوای زیندووبوونه‌وه، ژن ناهێننو شووناكه‌ن. ئیتر ئه‌وان نامرن، چونكه وه‌ك فریشته‌ن، ئه‌وان ڕۆڵه‌ی خودان، ڕۆڵه‌ی زیندووبوونه‌وه‌ن. به‌ڵام ده‌رباره‌ی زیندووبوونه‌وه‌ی مردووان، ته‌نانه‌ت موســاش پێشـانی داوه له‌ده‌وه‌نه‌كه، كاتێ خــوداوه‌ندی بانگكرد به [[خودای ئیبراهیمو خـودای ئیسحاقو خــودای یاقــوب.]] ئه‌و خـودای مردووان نییه، به‌ڵكو خـودای زیندووانه، لای ئه‌و هـه‌مــوو زیندووده‌بنه‌وه.) هـه‌ندێ له‌مـامۆستایانی شه‌ریعه‌ت ووتیان: (مـامۆستا، به‌ڕاستی باشـت ووت.) ئیتر دوای ئه‌مه كه‌سیان نه‌یانوێرا هیچی تری لـێ‌بپرسن.
عیساو داود
ئینجا عیسا پرسیو ووتی: (باشه چۆن ئێوه ده‌ڵێن: مه‌سیح ڕۆڵه‌ی داوده، كاتێ داود خۆی له‌زه‌بوورا ده‌ڵێ: [[خوداوه‌ند به‌خوداوه‌ندمی فه‌رموو: له‌لای ده‌ستی ڕاستمه‌وه دانیشه تا دوژمنانت بخه‌مه ژێر پێته‌وه.]] ئه‌وه‌تا داود بهخوداوهندی خۆی دایدهنێت، ئیتر چۆن ده‌بێته كوڕی؟)
ئاگاداركردنه‌وه
له‌وكاته‌دا كه خه‌ڵكه‌كه هه‌موو گوێیان گرتبوو، به‌قوتابیه‌كانی ووت: (ئاگاداری مامۆستایانی شه‌ریعه‌ت بن، ئه‌وانه‌ی به‌جلی جوانی بریسكه‌داره‌وه دهگهڕێنو حه‌زده‌كه‌ن له‌گۆڕه‌پانه‌كانی شار سڵاویان لـێبكرێتو له‌كه‌نیشته‌كاندا ڕیزی پێشه‌وه ده‌گرن، هه‌روه‌ها ڕیزی یه‌كه‌میش له‌كاتی بانگكردن بۆ نانخواردن. ماڵی بێوه‌ژن دهخۆنو بۆ خۆده‌رخستن درێژه به‌نوێژه‌كانیان ده‌ده‌ن. جا ئه‌وانه توندترین سزا ده‌درێن.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.