Biblica® Open Sorani Kurdish Book of Life
لۆقا 18
نموونه‌ی بێوهژنێكو دادوه‌رێك
عیسا نموونه‌یه‌كی بۆ باسكردن، بۆ ئه‌وه‌ی به‌به‌رده‌وامی نوێژبكه‌ن به‌بێ بێزاری، ووتی: (له شارێكدا دادوه‌رێك هه‌بوو نه لهخوادهترسا نه لهمرۆڤ. هه‌ر له‌و شـاره‌ش بێوه‌ژنێك هـه‌بوو زۆر ده‌چووه لای بۆ داواكردنی مافێكی خۆی له‌ناحه‌زه‌كانی. ئه‌ویش داواكارییه‌كه‌ی به‌رده‌وام پشتگوێ ده‌خست. به‌ڵام دادوه‌ره‌كه دوای ماوه‌یه‌ك لهدڵی خۆی ووتی: باشه من وه‌ك له‌خوداو لهكهس ناترسم، با هیچ نه‌بێ له‌به‌رئه‌وه‌ی ئه‌و بێوه‌ژنه ئه‌وه‌نده بێزاری كردووم، با مافی بۆ وه‌رگرم، ئه‌گینا وازناهێنێ‌و ههردێتو سه‌رم ده‌هێنێته ئێش.)
خوداوه‌ند ووتی: (گوێ‌بگرن ئه‌م دادوه‌ره زۆرداره چی ده‌ڵێ، چۆن خودا ماف وه‌رناگرێ بۆ هه‌ڵبژێراوانی ئه‌وانه‌ی شه‌وو ڕۆژ لێیده‌پاڕێنه‌وه؟ ئایا دره‌نگ وه‌ڵامیان ده‌داته‌وه؟ پێتان ده‌ڵێم: ئه‌و خێرا مافیان بۆ وه‌رده‌گرێ. به‌ڵام كاتێ ڕۆڵه‌ی مرۆڤ ده‌گه‌ڕێته‌وه، ئایا باوه‌ڕ ده‌بینێ له‌سه‌ر زه‌وی؟)
نموونه‌ی فه‌ریسیو باجگر
ئه‌م نموونه‌یه‌ی هێنایه‌وه بۆ ئه‌وانه‌ی خۆیان به‌پیاوچاك دادهنێنو ڕقیان له‌خه‌ڵكی دیكه‌یه. ووتی: (دوو كه‌س چوونه په‌رستگا بۆ نوێژكردن یه‌كێكیان فه‌ریسی بوو، ئه‌وی كه‌شیان باجگر بوو. فه‌ریسیه‌كه لهدڵی خۆی ووتی: سوپاس بۆ تۆ ئه‌ی خودا من وه‌ك خهڵكیتر نیم، ئه‌وانه‌ی چاوبرسیو گوناهبارو داوێن پیسن، هه‌روه‌ها وه‌ك ئه‌م باجگره‌ش نیم. لهههفتهیهكدا دووجار به‌ڕۆژوو ده‌بم، ده‌یه‌كی ئه‌وه‌ی ده‌ستم ده‌كه‌وێ دهیبهخشم.
به‌ڵام باجگره‌كه له‌دووره‌وه ڕاوه‌ستاو نه‌یتوانی ڕوو به‌رزكاته‌وه بۆ ئاسمان، به‌ڵكو له‌سنگی خۆیداو ووتی: ئه‌ی خودا تووڕه‌یی خۆت له‌سه‌ر منی گوناهبار لاده. با من پێتان بڵێم، ئه‌م باجگره گه‌ڕایه‌وه بۆ ماڵه‌وه به بێ‌تاوانی، بهپێچهوانهی كابرای فه‌ریسی. ئه‌وه‌ی خۆی به‌رز بگرێ نزم ده‌كرێته‌وه، ئه‌وه‌ش خۆی نزم ده‌كاته‌وه به‌رزده‌كرێته‌وه.)
منداڵ شتێكی پیرۆزه
ئینجا هه‌ندێ كه‌س منداڵانیان هێنا بۆ لای عیسا، تاكو ده‌ستیان لێدات، به‌ڵام قوتابیه‌كان ڕێیان لـێ‌گرتن. جا عیسا منداڵه‌كانی بانگكرد بۆ لای خۆیو ووتی: (واز له‌منداڵان بهێنن با بێن بۆ لام، ڕێیان لـێ‌مه‌گرن، چونكه پادشاهێتی خودا بۆ ئه‌وانه‌یه كه وه‌كو ئه‌مانن. ڕاستیتان پێ‌ده‌ڵێم: ئه‌وه‌ی وه‌ك منداڵێك پادشاهێتی خودا وه‌رنه‌گرێ ناچێته ناوی.)
ده‌وڵه‌مه‌ندیو ژیانی هه‌تاهه‌تایی
دوای ئه‌مه، كابرایه‌كی ده‌سه‌ڵاتدار، پرسیاری لـێ‌كردو ووتی: (ئه‌ی مامۆستای باش، چیبكهم هه‌تا ژیانی هه‌تاهه‌تایی به‌ده‌ست بهێنم؟) عیسا وه‌ڵامیدایه‌وه: (بۆچی بانگم ده‌كه‌یت باش؟ كه‌س باش نییه ته‌نها خودا نه‌بێ. تۆ ڕاسپارده‌كان ده‌زانیت: داوێن پیسی مه‌كه، خه‌ڵكی مه‌كوژه، دزی مه‌كه، شایه‌تی درۆ مه‌ده، ڕێزی دایكو باوكت بگره.) ئینجا كابرا ووتی: (ئه‌مانه هه‌مووی لهمنداڵیهوه زانیومه‌و له‌سه‌ری ڕۆیشتووم.) كاتێ عیسا گوێی له‌مه بوو، بهكابرای ووت: (كه‌واته ته‌نها شتێكت ماوه، چیت هه‌یه بیفرۆشهو به‌شیكه به‌سه‌ر هه‌ژاران، تاكو لهئاسمان گه‌نجینه‌ی خۆت دانێیت، ئینجا وه‌ره دوامكهوه.) به‌ڵام كاتێ كابرا ئه‌مه‌ی بیست، خه‌فه‌تێكی زۆری خوارد له‌به‌رئه‌وه‌ی زۆر ده‌وڵه‌مه‌ند بوو. كاتێ عیسا ئه‌مه‌ی لهكابرا بینی، ووتی: (ئای چه‌ند گرانه، چوونه ژووره‌وه‌ی ده‌وڵه‌مه‌نده‌كان بۆ ناو پادشاهێتی خودا. چوونه ژووره‌وه‌ی حوشترێ لهكونی ده‌رزیه‌وه، ئاسانتره له‌چوونه ژووره‌وه‌ی ده‌وڵه‌مه‌ندێ بۆ پادشاهێتی خودا.) ئه‌وانه‌ی له‌وێ بوونو گوێیان له‌مه بوو، ووتیان: (كه‌واته كێ ڕزگاری ده‌بێت؟ عیساش ووتی: (ئه‌وه‌ی لای خه‌ڵكی نابێت، لای خودا ده‌بێت.) ئینجا په‌ترۆس ووتی: (ئه‌وه‌تا ئێمه هه‌موو شتێكمان به‌جێ‌هێشتووه‌و دواتكهوتووین.) ئه‌ویش پێی ووتن: (ڕاستیتان پێ ده‌ڵێم: كه‌س نییه ماڵ، یاخود ژن، یاخود براو باوكو دایكی یان منداڵی لهپێناوی پادشاهێتی خودا به‌جێ‌هێشتبێ‌و دوو ئه‌وه‌نده‌ی ئه‌وه‌ی به‌جێیهێشتووه هه‌ر له‌م جیهانه‌دا وه‌رنه‌گرێته‌وه‌و له جیهانی داهاتووش ژیانی هه‌تاهه‌تایی.)
باسی مردنو هه‌ستانه‌وه‌ی عیسا
عیسا دوای ئه‌مه، هه‌ر دوانزه قوتابیه‌كه‌ی بانگكردو پێی ووتن: (ئه‌وا ئێمه به‌ره‌و قودس ده‌ڕۆین، هه‌رچی پێغه‌مبه‌ران له‌باره‌ی ڕۆڵه‌ی مرۆڤه‌وه نووسیویانه، هه‌مووی دێته‌دی. ئه‌و ده‌درێته ده‌ستی ناجوولهكهكانو گاڵته‌ی پێ‌ده‌كرێ‌و جوێنی پێدهدرێو تفیشی لـێ‌ده‌كه‌ن. دوای ئه‌وه‌ی بهقامچی لێی ده‌ده‌ن، ده‌یكوژن. ئینجا لهڕۆژی سێهه‌مدا زیندووده‌بێته‌وه.) به‌ڵام ئه‌وان هیچ له‌مه نه‌گه‌یشتن، چونكه ئه‌م باسه جارێ لایان شاراوه بوو.
عیسا كوێرێك چاك ده‌كاته‌وه
كاتێ عیسا گه‌یشته ده‌وروپشتی ئه‌ریحا، كابرایه‌كی كوێری بینی له‌سه‌ر ڕێگا دانیشتبوو، سواڵی ده‌كرد. كابراكه كه گوێی لهڕۆیشتنی خه‌ڵكه‌كه بوو، پرسیاری كرد، ئه‌مه چیه؟ پێیان ووت: (عیسای ناسیری لێره‌وه تێ‌ده‌پــه‌ڕێ.) ئینجا كابرا خێرا هاواریكردو ووتی: (ئه‌ی عیسای ڕۆڵه‌ی داود، به‌زه‌ییت پێمدابێته‌وه.) ئه‌وانه‌ی له‌پێشه‌وه‌بوون سهرزهنشتیانكردو داوایان لـێ‌كرد بێ‌ده‌نگ بێت، به‌ڵام ئه‌و زیاتر هاواری ده‌كردو ده‌یقیڕاند: (ئه‌ی ڕۆڵه‌ی داود، به‌زه‌ییت پێمدابێته‌وه.) عیسا ڕاوه‌ستاو فه‌رمانیدا بیهێنن بۆ لای. كاتێ نزیك بووه‌وه، لێیپرسی: (چیت له‌من ده‌وێ بۆتی بكه‌م؟) كابرا ووتی: (گه‌وره‌م ڕووناكی بگه‌ڕێنه‌وه بۆ چاوم.) ئینجا عیسا پێی ووت: (چاوت بكه‌وه، باوه‌ڕت چاكی كردیته‌وه.) دهستبهجێ كابرا چاوی كرده‌وه‌و ڕووناكی تێ‌كه‌وت، دوای ئه‌مه كابرا بهستایش كردنی خوداوه دوای كه‌وت. خه‌ڵكه‌كه‌ش كه ئه‌مه‌یان بینی، دهستیانكرد بهستایشكردنی خودا.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.