Biblica® Open Sorani Kurdish Book of Life
یۆحەنا 1
ووشه‌ی خودا
له‌سه‌ره‌تاوه ووشه‌كه* بوو، ووشه‌كه لای خودا بوو، ووشه‌كه‌ش خۆی خودا بوو. ئه‌و هه‌ر له‌سه‌ره‌تاوه لای خودا بوو. به‌و هه‌موو شتێ دروستبووه، بێئهو هیچ شتێك دروست نه‌بووه له‌مانه‌ی كه دروست بوون. ژیان لهئهوا بوو، ئه‌و ژیانه‌ش ڕووناكی مرۆڤ بوو، ڕووناكیش تاریكی ڕووناك ده‌كاته‌وه‌و تاریكی ناتوانێ ڕووناكی ببه‌زێنێ.
مرۆڤێك هات كه خودا ناردبووی، ناوی یه‌حیا بوو، ئه‌و هات شایه‌تی بۆ ڕووناكی بدات، تاوه‌كو هه‌مووان به‌هۆی ئه‌وه‌وه باوه‌ڕبهێنن. یه‌حیا خۆی ڕووناكییه‌كه نه‌بوو، به‌ڵكو شایه‌تی ڕووناكییه‌كه بوو. ئه‌و ڕووناكیه ڕاسته‌ی هه‌موو خه‌ڵكی ڕووناك ده‌كاته‌وه هاته جیهان، ئه‌و له‌جیهاندا بوو، به‌ویش جیهان دروست بوو، كه‌چی جیهان نه‌یناسی. ئه‌و بۆ لای گه‌له‌كه‌ی هات، كه‌چی ئه‌وان پێشوازیان لێ‌نه‌كرد. به‌ڵام هه‌موو ئه‌وانه‌ی پێشوازیان لێ‌كرد، ئه‌وانه‌ی باوه‌ڕیان به‌ناوی هێنا، ده‌سه‌ڵاتی پێدان ببن به‌ڕۆڵه‌ی خودا*، ئه‌وانه‌ی نه‌به‌خوێن، نه‌به‌ویستی له‌ش، نه‌به‌ویستی پیاو، به‌ڵكو له‌خوداوه بوون.
ئینجا ووشه‌كه بوو بهلهشو لهناوماندا نیشته‌جێ‌بوو، ئێمه شكۆی ئه‌ومان بینی، شكۆی تاقانه‌ی باوك، ئه‌وه‌ی پڕبوو لهبهرهكهتو ڕاستی. یه‌حیا شایه‌تی بۆده‌داو هاواری ده‌كرد: (ئه‌مه ئه‌وه‌یه كه باسم كردو ووتم: ئه‌وه‌ی له‌دوای من دێت لهپێش من بوونی هه‌یه، چونكه ئه‌و بووه پێش ئه‌وه‌ی من ببم.) هه‌موومان لهپڕی ئه‌و به‌ره‌كه‌ت* له‌دوای به‌ره‌كه‌تمان وه‌رگرت، چونكه شه‌ریعه‌ت به‌هۆی موساوه درا، به‌ڵام بهرهكهتو ڕاستی به‌هۆی عیسای مه‌سیحه‌وه هاتن. هه‌رگیز كه‌س خودای نه‌بینیوه، به‌ڵام تاقانه‌ی خودا، ئه‌وه‌ی له‌باوه‌شی باوكدایه، ئه‌و خودای بۆ ئێمه ده‌رخست.
شایه‌تیدانی حه‌زره‌تی یه‌حیا
ئه‌مه‌ش شایه‌تییه‌كه‌ی یه‌حیایه، كاتێ جووله‌كه‌كانی قودس هه‌ندێ كاهینو لاوییان نارد پرسیاری لـێ‌بكه‌ن: (تۆ كێیت؟) ئه‌و به بێ دوودڵی دانی پیاناو ووتی: (من مه‌سیح نیم.) ئینجا لێیان پرسی: (ئه‌ی تۆ كێیت؟ ئه‌لیاسی؟) ووتی: (نه‌خێر! ئه‌و نیم.) ووتیان: (ئایا پێغه‌مبه‌ره‌كه‌ی1؟) ووتی: (نه‌خێر.) له‌كۆتاییدا ووتیان: (باشه تۆ كێیت، تا وه‌ڵامه‌كه بده‌ینه‌وه به‌و كه‌سانه‌ی ئێمه‌یان ناردووه؟ چی ده‌ڵێیت ده‌رباره‌ی خۆت؟) ئه‌ویش ووتی: )من [[ده‌نگێكم لهدهشتودهر هاوار ده‌كه‌م: ڕێگای خوداوه‌ند ڕێكو ئاماده‌كه‌ن]]، هه‌روه‌ك چۆن ئه‌شعیای پێغه‌مبه‌ر ووتویه‌تی.( ئه‌وانه‌ی لهلایهن فه‌ریسیه‌كانه‌وه نێررابوون، دیسان پرسییان: (باشه گه‌ر تۆ مه‌سیح نیتو ئه‌لیاس نیتو پێغه‌مبه‌ره‌كه نیت، ئیتر بۆچی خه‌ڵكی له‌ئاوهه‌ڵده‌كێشیت؟) وه‌ڵامی دایه‌وه: (من خه‌ڵكی له‌ئاوهه‌ڵده‌كێشم، به‌ڵام لهنێوانتاندا یه‌كێك هه‌یه كه نایناسن، ئه‌و دوای من دێت، من شایانی ئه‌وه نیم قه‌یتانی پێڵاوه‌كانی بۆ بكه‌مه‌وه.)
ئه‌مه‌ش لهدێی بهیتعهنیا ڕوویدا، له‌وبه‌ری ڕووباری ئوردونه‌وه، له‌و شوێنه‌ی یه‌حیا خه‌ڵكی له‌ئاوهه‌ڵده‌كێشا.
به‌رخی قوربانی خودا
ڕۆژێ دوای ئه‌وه یه‌حیا عیسای بینی وا به‌ره‌و ڕووی دێت، ووتی: (ئا ئه‌وه‌تا به‌رخی خودا[]، ئه‌و قوربانییه‌ی گوناهی جیهان ههڵدهگرێت. ئه‌مه ئه‌و كه‌سه‌یه كه ده‌رباره‌ی ووتم، ئه‌وه‌ی له‌دوای من دێت لهپێش من بوونی هه‌یه، چونكه ئه‌و هه‌بووه پێش بوونی من. منیش نهمدهناسی، به‌ڵام هاتووم بۆ له‌ئاوهه‌ڵكێشان تا ئه‌و بۆ ئیسرائیل ده‌ركه‌وێ.) ئینجا یه‌حیا شایه‌تیداو ووتی: (ڕۆحی پیرۆزم* له‌شێوه‌ی كۆترێك بینی لهئاسمانهوه هاته‌خواره‌وه‌و له‌سه‌ر عیسا نیشته‌وه. من نهمدهناسی، به‌ڵام ئه‌وه‌ی منی ناردووه خه‌ڵك له‌ئاوهه‌ڵكێشم، ئه‌و پێیووتم: ئه‌وه‌ی ده‌یبینیت ڕۆح دێته‌خواره‌وه‌و له‌سه‌ری جێگیر ده‌بێ، ئه‌و خه‌ڵكی به‌ڕۆحی پیرۆز هه‌ڵده‌كێشێ. له‌به‌رئه‌وه‌ی ئه‌مه‌م دیووه، شایه‌تی ده‌ده‌م ئه‌و ڕۆڵه‌ی خودایه.(
قوتابیه یه‌كه‌مینه‌كان
بۆ به‌یانی یه‌حیا له‌گه‌ڵ دوو قوتابی خۆی دیسان هه‌ر له‌وێ ڕاوه‌ستا بوو، كه عیسا به‌وێدا ڕۆیشت سه‌یریكردو ووتی: (ئا ئه‌وه‌تا به‌رخی خودا2.) كاتێ دوو قوتابیه‌كه گوێیان له‌مه بوو، دوای عیسا كه‌وتن. عیسا ئاوڕیدایه‌وه‌و سه‌یریكرد ئه‌وان بهدوایهوهن، لێیپرسین: (چیتان ده‌وێت؟) ووتیان: (ڕابی، (واته مامۆستا) له‌كوێ ده‌ژیت؟) وه‌ڵامی دانه‌وه‌و ووتی: (وه‌رن، ببینن.) ئینجا له‌گه‌ڵی ڕۆیشتنو ئه‌و شوێنه‌یان بینی كه تیایدا ده‌ژیا، كات نزیكه‌ی چواری پاش نیوه‌ڕۆ بوو، ئه‌و ڕۆژه له‌گه‌ڵی مانه‌وه. ئه‌نده‌راوس كه برای شه‌معون په‌ترۆس بوو، یه‌كێ بوو له‌و دووانه‌ی دوای عیسا كه‌وتن، دوای ئه‌وه‌ی گوێیان له‌قسه‌ی یه‌حیا بوو. هه‌ر كه ئه‌نده‌راوس شه‌معونی برای دۆزییه‌وه، پێی ووت: (مه‌سیحمان دۆزیه‌وه) واته دهستنیشانكراو. ئینجا بردی بۆ لای عیسا، عیسا بهووردی تێیڕوانی و ووتی: (تۆ شه‌معونی كوڕی یۆنای، به‌ڵام من بانگت ده‌كه‌م كێفا3، واته په‌ترۆس.)
بۆ به‌یانی عیسا بڕیاریدا بڕوات بۆ ناوچه‌ی جه‌لیل، كاتێ فیلیپۆسی دۆزیه‌وه، پێی ووت: (دوام كه‌وه!) فیلیپۆس وه‌ك ئهندهراوسو په‌ترۆس خه‌ڵكی شاری به‌یت سه‌یدا بوو. ئینجا فیلیپۆس نه‌سه‌نائیلی دۆزیه‌وه پێی ووت: (ئه‌وه‌ی موسا لهتهوراتدا له‌سه‌ری نووسیوه‌و پێغه‌مبه‌رانیش له‌په‌رتووكه‌كانیان، دۆزیمانه‌وه. ئه‌و كه‌سه عیسای كوڕی یوسفی خه‌ڵكی ناسیره‌یه.) نه‌سه‌نائیل ووتی: (ئایا لهشاری ناسیره شتی چاك ههڵدهكهوێ؟) فیلیپۆس پێی ووت: (وه‌ره سه‌یركه!)
كه عیسا نه‌سه‌نائیلی بینی وا به‌ره‌و ڕووی دێت، ووتی: (بێ‌گومان ئه‌مه ئیسرائیلییه‌كی بێ‌غه‌لوغه‌شه!) نه‌سه‌نائیل له‌عیسای پرسی: (له‌كوێ دهمناسیت؟) عیسا لهوهڵامدا ووتی: (كاتێ له‌ژێر دارهه‌نجیره‌كه بوویت تۆم بینی، پێش ئه‌وه‌ی فیلیپۆس بانگتبكات.) ئینجا نه‌سه‌نائیل هاواری كردو ووتی: (ئه‌ی مامۆستا، تۆ ڕۆڵه‌ی خودایت! تۆ پادشای ئیسرائیلیت!) عیسا پێی ووت: (ئایا باوه‌ڕت هێنا چونكه پێم ووتیت تۆم له‌ژێر دارهه‌نجیره‌كه بینی؟ بزانه كاری له‌مه‌ش مه‌زنتر ده‌بینیت!) دیسان ووتی: (ڕاستی ڕاستیتان پێ‌ده‌ڵێم، ئێوه ئاسمان به‌كراوه‌یی دهبیننو فریشته‌ی خودا ده‌بینن له‌به‌رزبوونه‌وه‌و هاتنه‌خواره‌وه‌یان له‌سه‌ر ڕۆڵه‌ی مرۆڤ.)
Source notes (3)
- Footnote پێغه‌مبه‌ره‌كه‌ی: مه‌به‌ستی له‌و پێغه‌مبه‌ره‌یه كه موسا باسی ده‌كات. بڕوانه یۆحه یۆحەنا 1:45
- Footnote به‌رخی خودا: بڕوانه ووشه‌ی كه‌فاره‌ت له ڕوونكردنه‌وه‌ی زاراوه‌كان.
- Footnote كێفا : ووشه‌یه‌كی ئارامیه به‌واتای تاشه‌به‌رد، به یۆنانیش پێی ده‌ووترێ په‌ترۆس.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.