Biblica® Open Sorani Kurdish Book of Life
کۆلۆسی 3
باوه‌ڕدارو مه‌سیح
گه‌ر ئێوه له‌گه‌ڵ مه‌سیح هه‌ستاونه‌ته‌وه، ههوڵبدهن بۆ كاروباری ئاسمانی، مه‌سیح له‌وێ لهلای ده‌سته ڕاستی خودا دانیشتووه. بایه‌خ به‌كاروباری ئاسمانی بده‌ن، نه‌ك به‌كاروباری سه‌ر زه‌وی، چونكه ئێوه مردن، هه‌روه‌ها ژیانتان شارراوه‌ته‌وه له‌گه‌ڵ مه‌سیح لای خودا. كاتێ عیسا ئه‌وه‌ی ژیانتانه ده‌ركه‌وت، ئه‌وسا ئێوه‌ش به‌شكۆمه‌ندی له‌گه‌ڵی ده‌رده‌كه‌ون.
كه‌واته ده‌بێ هه‌رچی شتی ئه‌م جیهانه هه‌یه تیاتان بیمرێنن وه‌ك: داوێنپیسی، گڵاوی، ئاره‌زووی خراپ، خواستی به‌د، چاوبرسێتی، ئه‌مانه جۆرێكن له بت په‌رستی، چونكه به‌هۆی ئه‌و شتانه‌وه تووڕه‌یی خودا دێته‌خواره‌وه. هه‌روه‌ها ئێوه‌ش جاران وا ده‌ژیان. به‌ڵام ئێستا هه‌موو ئه‌وانه فڕێ‌بده‌ن: تووڕه‌یی، ڕقوكینه، بوختان، قسه‌ی ناشیرین، درۆ مه‌كه‌ن له‌گه‌ڵ یه‌كتری، چونكه مرۆڤه كۆنه‌كه‌و هه‌موو كرداره‌كانیتان داكه‌ندوه‌و مرۆڤێكی نوێتان له‌به‌ركردوه، ئه‌وه‌ی له‌نوێ‌بوونه‌وه‌یه له‌ناسین به‌پێی وێنه‌ی دروستكه‌ری. جووله‌كه‌و یۆنانی، خه‌ته‌نه‌كراو و خهتهنهنهكراو، بهربهریو سكیسی، كۆیلهو ئازاد نییه، به‌ڵكو مه‌سیح خۆی هه‌موو شتێكه‌و له‌هه‌موو شتێكدایه.
باوه‌ڕدارو كۆمه‌ڵه
ئێوه‌ی پیرۆزكراو، خۆشه‌ویست، هه‌ڵبژێرراو له‌لایه‌ن خودا :به‌زه‌یی، زمانشیرینی، ڕۆح سووكی، ساكاری، ئارام گرتن له‌به‌ر بكه‌ن. له‌یه‌كتری قه‌بووڵ بكه‌ن، له یه‌كتر خۆشبن، گه‌ر یه‌كێكتان شكاتی دژی ئه‌ویكه هه‌بوو، ده‌بێ لیێ خۆشبێت هه‌روه‌ك مه‌سیح لێتان خۆش بووه. به‌ڵام له‌سه‌رووی ئه‌مانه هه‌موو به‌رگی خۆشه‌ویستی له‌به‌ر بكه‌ن، چونكه هه‌موو شتێك به‌ته‌واوی به‌یه‌كه‌وه ده‌به‌ستێت.
با ئاشتی مه‌سیح دهستبگرێ به‌سه‌ر دڵتان، ئه‌وه‌ی ئێوه‌ی بۆ بانگكراوه تا ببن به یه‌ك له‌ش، هه‌روه‌ها ده‌م بهسوپاسبن.
با ووشه‌ی مه‌سیح به‌ده‌وڵه‌مه‌ندی لهدڵتان جێگیر بێت، یه‌كتری فێر بكهنو ڕێ‌نیشانی یه‌كتری بده‌ن به هه‌موو داناییه‌وه، زه‌بوورو سروودو گۆرانی ڕۆحی بڵێن، به‌ناخی دڵ سوپاسی خودا بكه‌ن. هه‌ر شتێك دهڵێنو ده‌یكه‌ن با بهناوی عیسای خوداوه‌ند بێت، بهئهو سوپاسی خودای باوك بكه‌ن.
باوه‌ڕدارو خێزان
ئه‌ی ئافره‌تان ملكه‌چ بكه‌ن بۆ مێرده‌كانتان، بهشێوهیهك لێوه‌شاوه بێت لهخوداوهند.
ئه‌ی پیاوان، ژنه‌كانتان خۆشبوێ، له‌گه‌ڵیان ڕهقمهبن. ئه‌ی منداڵان، گوێڕایه‌ڵی دایكو بــاوكـتان بن له‌هه‌موو شتێك، چونكه ئه‌مه مایه‌ی ڕه‌زامه‌ندی خوداوه‌نده.
ئه‌ی باوكان، منداڵه‌كانتان تووڕه مه‌كه‌ن، تا ترسنۆكو سه‌رنه‌كه‌وتوو ده‌رنه‌چن.
باوه‌ڕدار له كاركردن
ئه‌ی كۆیله‌كان، له‌هه‌موو شتێك ملكه‌چی گه‌وره‌كانتان بن له‌م جیهانه، به‌دڵسۆزی كار مه‌كه‌ن ته‌نها كاتێ چاویان لێتانه هه‌روه‌ك بتانه‌وێ خه‌ڵكی ڕازی بكه‌ن، به‌ڵكو به دڵسۆزیو به‌ترسی خوداوه‌ند بیكه‌ن. هه‌ر چییه‌ك ده‌كه‌ن، بهههموو دڵ بیكه‌ن، هه‌روه‌ك بۆ خوداوه‌ندی بكه‌ن نه‌ك بۆ خه‌ڵكی. بزانن له‌خوداوه‌نده‌وه میرات به‌پاداشت وه‌رده‌گرن، چونكه ئێوه خزمه‌تی مه‌سیحی خوداوه‌ند ده‌كه‌ن. به‌ڵام ئه‌وه‌ی كاری خراپ بكات سزای خراپه‌ی خۆی وه‌رده‌گرێ، گرنگ نییه بــه‌لای خودا ئه‌و كه‌سه كێ بێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.