Biblica® Open Sorani Kurdish Book of Life
کۆلۆسی 2
ده‌مه‌وێ بزانن من چه‌ند تێده‌كۆشم لهپێناوتانو لهپێناوی ئه‌وانه‌ی لهشاری لاودكیه‌ن، هه‌روه‌ها ئه‌وانه‌ی منیان ڕووبه‌ڕوو نه‌بینیوه، تاوه‌كو ووره‌یان به‌رزبێته‌وه، یهكبگرن به خۆشه‌ویستیو داناییو تێگه‌یشتنی ته‌واویان هه‌بێت بۆ ناسینی نهێنی خودا كه مه‌سیحه، ئه‌وه‌ی هه‌موو گه‌نجینه‌ی داناییو زانستی تیادا شارراوه‌ته‌وه.
ئه‌مه‌تان پێ‌ده‌ڵێم تا كه‌س به قسه‌ی دره‌وشاوه هه‌ڵتان نه‌خه‌ڵه‌تێنێ. هه‌رچه‌نده به له‌ش له‌ناوتان نیم، به‌ڵام به ڕۆح له‌گه‌ڵتانم، دڵشاد ده‌بم كاتێ باوه‌ڕی چه‌سپاو و ته‌واوتان بهعیسای مه‌سیح ببینم.
تێرو پڕی مه‌سیح
جا چۆن عیسای مه‌سیحتان قه‌بووڵ كرد وه‌ك خوداوه‌ندی خۆتان، له‌ئه‌ویش بژین، با ڕه‌گتان لهئهو پنج داكوتێ، باوه‌ڕتان به‌هێزو چه‌سپاو بێت به‌و شێوه‌یه‌ی فێربوون، هه‌میشه ده‌م بهسوپاسبن.
ئاگاداربن كه‌س نه‌تانخاته داوی فه‌لسه‌فـه‌و چه‌واشه‌ی به خۆڕایی، ئه‌وه‌ی له‌سه‌ر خووڕه‌وشتی خهڵكیو یاسای سه‌ره‌كی ئه‌م گه‌ردوونه وه‌ستاوه نه‌ك له‌سه‌ر مه‌سیح. چونكه خودا به هه‌موو پڕی خۆی له له‌شی مه‌سیح نیشته‌جێ بووه، ئێوه‌ش به ئه‌و پڕ ده‌بن له‌ژیان، ئه‌وه‌ی سه‌ری هه‌موو پێشه‌واو حوكمڕانێكه. له‌عیساوه خه‌ته‌نه‌یه‌ك كراون به‌ده‌ست نه‌كراوه، به‌ڵكو به‌داماڵینی سروشتی گوناهبار به خه‌ته‌نه‌كردنی مه‌سیح. كاتێ له‌ئاوهه‌ڵكێشران به‌ناوی عیسا، ئه‌وا له‌گه‌ڵ ئه‌و نێژرانو له‌گه‌ڵی زیندووبوونه‌وه، چونكه باوه‌ڕتان بهكرداری خودا كرد كه له‌ناو مردووان زیندووی كرده‌وه.
ئێوه به‌هۆی گوناه‌و به‌هۆی خه‌ته‌نه نه‌كردنی له‌شی گوناهبارتان مردبوون، به‌ڵام خودا له‌گه‌ڵ عیسا زیندوویكردنه‌وه‌و لهههموو گوناهتان خۆش بوو. ئه‌و شكاتنامه‌یه‌ی له‌سـه‌رمــان نــووسرابوو، ئــه‌وه‌ی دژی ئێمه بوو، عیسا سڕییه‌وه‌و بهخاچهوه بزماركوتی كرد. سهرۆكو حوكمڕانه‌كانی چهككردو كردنی به‌په‌ند، له‌خۆپیشاندانه سه‌ركه‌وتووه‌كه‌ی وه‌ك دیل ڕاپێچیكردن.
باكه‌س حوكمی خواردنو خواردنه‌وه‌و جۆری هه‌ڵسوكه‌وتی جهژنو سه‌ری مانگانو شه‌ممانتان به‌سه‌ر نه‌دات. ئه‌مانه هه‌مووی سێبه‌ری داهاتوون، به‌ڵام ڕاستیه‌كه‌ی ته‌نها لای مه‌سیحه. باكه‌س مافتان لێ‌داگیر نه‌كات به‌وه‌ی داوای ساكاریو په‌رستنی فریشته‌كانتان لێ‌بكات، به‌و بینینانه‌ی خۆی ده‌یبینێ، خۆی به زل ده‌زانێ به‌خه‌یاڵه مرۆڤانیه پووچه‌كانی. بێ‌ئه‌وه‌ی بایه‌خ بدات به سه‌ر، ئه‌وه‌ی هه‌موو له‌ش خواردنی لـێوهردهگرێو ده‌یبه‌ستێت به هه‌موو جومگه‌و پارچه‌كانی له‌شه‌وه، تا نه‌شونما بكات به‌و شێوه‌یه‌ی خودا ده‌یه‌وێ.
گه‌ر ئێوه مردوون له‌گه‌ڵ مه‌سیح سه‌باره‌ت به‌یاسا سه‌ره‌كیه‌كانی ئه‌م جیهانه، كه‌واته بۆچی وا ده‌ژین هه‌روه‌ك سه‌ربه‌م جیهانه بن؟ بۆچی ملكه‌چ ده‌كه‌ن بۆ ئه‌م ڕاسپاردانه: (مه‌یگره! تامی مه‌كه! ده‌ستی لێمهده!)؟ ئه‌م ڕاسپاردانه هه‌موویان شتێكن به به‌كارهێنان له‌ناوده‌چن، چونكه به‌گوێره‌ی فێركردنهكانو ڕاسپارده‌كانی مرۆڤن. بهڕواڵهت دانایی ده‌رده‌خات، چونكه په‌رستنێكی تایبهتیو ملكه‌چیو توندوتیژی تیادایه سه‌باره‌ت به‌له‌ش. به‌ڵام نرخێكی وای نییه لهدامركاندنی ئاره‌زوو و داواكاری له‌ش.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.