Biblica® Open Sorani Kurdish Book of Life
کۆلۆسی 4
ئه‌ی گه‌وره‌كان، به‌دادپه‌روه‌ریو یه‌كسانی هه‌ڵسوكه‌وت بكه‌ن له‌گه‌ڵ كۆیله‌كانتان، بزانن ئێوه‌ش گه‌وره‌یه‌كتان هه‌یه له ئاسمان.
هاندان بۆ نوێژكردن
به‌رده‌وام بن له‌سه‌ر نوێژكردن، ئاگاداربن له‌كاتی نوێژ سوپاس بكه‌ن، له‌هه‌مان كات بۆ ئێمه‌ش نوێژ بكه‌ن، بۆ ئه‌وه‌ی خودا ده‌رگای قسه‌كردنمان بۆ بكاته‌وه‌و نهێنی مه‌سیح ڕابگه‌ێنین، ئه‌وه‌ی من له‌پێناویدا به‌ندكراوم. تا ئاشكرای بكه‌م لای خه‌ڵكی به‌و شێوه‌یه‌ی پێویسته له‌سه‌رم بدوێم. به‌ژیرانه هه‌ڵسوكه‌وت بكه‌ن له‌گه‌ڵ ئه‌وانه‌ی باوه‌ڕدار نین، هه‌موو هه‌لێك بقۆزنه‌وه. باههمیشه قسه‌تان به‌ره‌كه‌تدار بێت، به‌خوێ سوێر كرابێ، ئه‌وسا ده‌زانن چۆن وه‌ڵامی خه‌ڵكی ده‌ده‌نه‌وه.
سڵاوی كۆتایی
تیخیكۆس هه‌موو هه‌واڵێكی منتان ده‌داتێ، برای خۆشهویستو خزمه‌تكاری سهرڕاستو كۆیله‌ی هاوڕێم لهخوداوهند. به‌تایبه‌تی ئه‌وم نارده لاتان بۆ ئه‌م مه‌به‌سته تا هه‌واڵی ئێمه‌تان پێ بگهینێتو ووره‌تان به‌رز بكاته‌وه، له‌گه‌ڵ ئۆنسیمۆس برای خۆشهویستو سه‌رڕاست، خه‌ڵكی لای خۆتانه، هه‌ردووكیان هه‌واڵی هه‌موو شتێكتان ده‌ده‌نێ كه لێره ڕوویداوه. ئه‌رسته‌رخۆس هاورێی به‌ندیخانه‌م سڵاوتان لـێ‌ده‌كات، له‌گه‌ڵ مه‌رقۆسی ئامۆزای به‌رنابا، ئه‌وه‌ی ڕامسپاردن به‌گه‌رمی پێشوازی لـێ‌بكه‌ن كاتێ هات بۆ لاتان، هه‌روه‌ها یه‌سوع كه به‌یستۆس ناوده‌برێ. ته‌نها ئه‌مانه جووله‌كه‌ن لـه‌نێوان ئه‌و یارمه‌تیده‌ره ئیشكه‌رانه‌م بۆ پادشاهێتی خودا، ئه‌وان بوونه هۆی دڵخۆشییه‌كی زۆر بۆم. ئه‌په‌فراسی به‌نده‌ی عیسای مه‌سیح، خه‌ڵكی لای خۆتانه سڵاوتان لـێ‌ده‌كات، هه‌موو كاتێ لای خودا لـه‌پێناوتان تێده‌كۆشێ له‌نوێژ تاباوهڕتان چه‌سپاو بێتو پێگه‌یشتوو بنو هه‌موو كاتێ پڕ بن له‌هه‌موو خواستی خودا. من شایه‌تی بۆ ده‌ده‌م ئه‌و زۆر ماندوو ده‌بێت له‌و كارانه‌ی ده‌یكات له‌پێناوی ئێوه‌و ئه‌وانه‌ی لهلاودكیهو هیراپۆلیسن. هه‌روه‌ها لۆقای پزیشكی خۆشهویستو دیماس سڵاوتان لـێ ده‌كه‌ن. سڵاو لهخوشكو برایان بكه‌ن لهلاودكیهو لهخوشكه نهمفاسو ئه‌و كۆمه‌ڵه باوه‌ڕداره‌ی كۆده‌بنه‌وه لهماڵهكهی.
دوای ئه‌وه‌ی ئه‌م نامه‌یه‌تان بۆ خوێنرایه‌وه، بینێرن بۆ كۆمه‌ڵه باوه‌ڕدارانی لاودكیه تا ئه‌وانیش بیخوێننه‌وه، ئینجا ئێوه‌ش ئه‌و نامه‌یه‌ی لایانه لێیان وهرگرنو بیخوێننه‌وه.
به ئه‌رخیپۆس بڵێن: (ئه‌و خزمه‌ته‌ی خوداوه‌ند داویه‌تی پێی با بهتهواوی بیهێنیته‌دی.)
من پۆڵسم، سڵاوی منتان لـێ‌بێت، بهخهتی خۆم بۆتان ده‌نووسم. یادی كۆتو زنجیره‌كانم بكه‌ن. با به‌ره‌كه‌تی خوداتان له‌گه‌ڵ بێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.