Biblica® Open Sorani Kurdish Book of Life
کردار 2
هاتنی رۆحی پیرۆز
كه ڕۆژی په‌نجاهه‌مین* هات، هه‌موو باوه‌ڕداران لهیهك شوێن كۆبوونه‌وه، له‌پڕێكدا ده‌نگێك لهئاسمانهوه په‌یدا بوو وه‌ك ڕه‌شه‌با، ئه‌و ماڵه‌ی پڕكرد كه تیایدا دانیشتبوون. ئینجا چه‌ند زمانێك هه‌روه‌ك لهئاگر بێت ده‌ركه‌وت بۆیان، دابه‌ش بوو بهسهریانو هه‌ر یه‌كه زمانێكی له‌سه‌ر نیشته‌وه. ئه‌وسا هه‌موویان پڕبوون لهڕۆحی پیرۆز، دهستیانكرد به‌قسه‌كردن به‌زمانی جۆراوجۆر، به‌ووشێوه‌یه‌ی ڕۆح پێی به‌خشیبوون.
له‌وكـاته‌دا ژماره‌یه‌كی زۆر لهجوولهكه له‌خودا ترسه‌كانی هه‌موو نه‌ته‌وه‌كانی جیهان له قودس نیشتهجـێبوون. كاتێ ئه‌و ده‌نگـه ڕوویدا، خه‌ڵــكه‌كه هاتنه لایان، هه‌موو سه‌ریان سوڕما له‌به‌رئه‌وه‌ی هه‌ر یه‌كه‌یان گوێیان لـێ‌بوو به زمانی خۆیان ده‌دوێن. سه‌رسامی دایگرتنو دهستیانكرد به پرسیاركردن: (ئایا هه‌موو ئه‌وانه‌ی قسه ده‌كه‌ن دانیشتوانی جه‌لیل نین؟ ئیتر چۆن هه‌ر یه‌ك لهئێمه گوێی لهزمانی ئه‌و ووڵاته ده‌بێ كه تیایدا لهدایك بووه؟ ئێمه خه‌ڵكی په‌رتیاو میدیاو ئیلامین، هه‌ندێكیشمان لهدانیشتوانی نێوان دجله‌و فوراتین یاخود له‌ناوچه‌ی یههودیهو كه‌پدوكیه‌و پونتسو ئاسیا، یان له‌فریجیه‌و په‌مفیلیه‌و میسرو ناوچه‌ی لیبیای دراوسێی قه‌یره‌وان، هه‌روه‌ها له‌گه‌ڵمان خه‌ڵكی ڕۆماش هه‌یه به‌سه‌ردان هاتوون، له‌گه‌ڵ جووله‌كه‌و ئه‌وانه‌ی بوو بوون بهجوولهكه، هه‌روه‌ها هه‌ندێ لهكیریتیهكانو عه‌ره‌ب. جا ئه‌وه‌تا گوێمان لێیانه به‌زمانی خۆمان قسه ده‌كه‌ن ده‌رباره‌ی كرداره مه‌زنه‌كانی خودا.) خه‌ڵكه‌كه به‌سه‌رسامیه‌وه دهستیانكرد به پرسیاركردن له‌یه‌كتری: (ئه‌مانه هه‌مووی چی ده‌گه‌ێنێ؟) به‌ڵام هه‌ندێكیان به‌گاڵته پێ‌كردنه‌وه ووتیان: (ئه‌وانه سه‌رخۆشن.)
یه‌كه‌م ووتاری په‌ترۆس
جا په‌ترۆس له‌گه‌ڵ دوانزه نێرراوه‌كه ڕاوه‌ستا، به‌ده‌نگێكی به‌رز قسه‌ی بۆ ئاماده‌بووان كردو ووتی:
(ئه‌ی پیاوانی جووله‌كه‌و هه‌موو دانیشتوانی قودس، گوێ‌بگرن بۆ قسه‌كانم تائه‌وه‌ی پێتان ده‌ڵێم زانراوبێ لاتان، چونكه ئه‌وانه سه‌رخۆش نین وه‌ك بیرده‌كه‌نه‌وه، هێشتا كاژێر نۆی به‌یانییه. به‌ڵام ئه‌وه‌ی ووتراوه به‌زمانی پێغه‌مبه‌ر یۆئیله‌وه: [[خودا ده‌ڵێ: له‌ڕۆژانی كۆتاییدا ڕۆحم ده‌ڕێژم به‌سه‌ر هه‌موو مرۆڤداو كوڕانو كچانتان به‌ووشه‌ی خودا ده‌دوێن. هه‌روه‌ها گه‌نجه‌كانتان بینین دهبیننو پیره‌كانتان خه‌ون ده‌بینن. له‌و ڕۆژانه‌دا ڕۆحی خۆم ده‌ڕێژم به‌سه‌ر هه‌موو دهستو پێوه‌نده‌كانم، لهژنو له‌پیاو، جا هه‌موویان به‌ووشه‌ی خودا ده‌دوێن. لهئاسمانو زه‌وی كارو نیشانه‌ی سه‌رسوڕهێنه‌ر ده‌كه‌م، تیایدا ئاگرو خوێنو دووكه‌ڵ ده‌بینن. ئینجا پێش ئه‌وه‌ی ڕۆژی خوداوه‌ند بێ، ئه‌و ڕۆژه مه‌زنه به‌ناوبانگه، ڕۆژ تاریك ده‌بێ، مانگیش وه‌ك خوێنی لێدێت. هه‌ر كه‌سێكیش به‌ناوی خوداوه‌ند بانگبكات ڕزگاری ده‌بێ.]]
(ئه‌ی ڕۆڵه‌كانی ئیسرائیل، گوێ له‌م قسانه بگرن: عیسای ناسیری پیاوێكـه خــودا لایه‌نگیری كردووه به‌و نیشانه‌و كاره سه‌یرو سه‌رسوڕهێنه‌رانه‌ی له‌سه‌ر ده‌ستی له‌نێوانتان كراوه، هه‌روه‌ك ده‌زانن. له‌گه‌ڵ ئه‌وه‌شدا خودا ڕێگه‌یدا، به‌پێی خواستو ڕه‌زامه‌ندی بڕیار له‌سه‌ردراوی خۆی كه له‌پێشا ده‌یزانی، كه‌وا ئێوه بیگرنو لهخاچیبدهنو بیكوژن به‌ده‌ستی گوناهباران. به‌ڵام خودا زیندووی كرده‌وه له‌نێوان مردووانداو له ئازاری مردن ئازادیكرد، له‌به‌رئه‌وه‌ی مردن نه‌یتوانی له‌داوی خۆی بیهێڵێته‌وه. چونكه داود ده‌رباره‌ی ئه‌و ده‌ڵێ: [[هه‌میشه خوداوه‌ندم له‌به‌رچاوه، ئه‌و له‌لای ده‌سته ڕاستمه‌وه‌یه نه‌وه‌ك باوه‌ڕم لاواز بێ. بۆیه دڵشادمو زارم له‌هه‌لهه‌له‌دایه، ته‌نانه‌ت له‌شیشم له‌هیوادا نیشته‌جێیه. چونكه تۆ گیانم له‌دونیای مردووان به‌جێ‌ناهێڵی، هه‌روه‌ها نایه‌ڵی تاقه پیرۆزی خۆت گه‌نده‌ڵی ببینێت. ڕێگای ژیانت پێناساندم، دڵت پڕكردووم لهشادی به بینینی ڕوخسارت.]] ئه‌ی برایان، ڕێگام بده‌ن به‌ئاشكرا پێتان بڵێم داودی باوكمان مردو نێژرا، هێشتا گۆڕه‌كه‌ی تا ئه‌مڕۆ لامانه. به‌ڵام داود پێغه‌مبه‌ر بوو، ده‌یزانی خودا سوێندی بۆ خواردووه كه‌وا مه‌سیح لهنهوهی ئه‌و په‌یداده‌بێ‌و له‌سه‌ر ته‌ختی ئه‌و داده‌نیشێ، دیسان باسی هه‌ستانه‌وه‌ی مه‌سیحی كردووه هه‌روه‌ك له‌پێشه‌وه بینیویه‌تی، ده‌رباره‌ی ئه‌و ده‌ڵێ: [[گیانی له‌ناو دونیای مردووان نامێنێته‌وه، هه‌روه‌ها له‌شی گه‌نده‌ڵی نابینێت.]] ئه‌و عیسایه‌ی خودا له‌نێو مردووان زیندوویكرده‌وه، ئێمه هه‌موو بۆ ئه‌وه شایه‌تین. ئه‌و به‌رزكرایه‌وه بۆ لای ده‌سته ڕاستی خودا، ئه‌و ڕۆحه پیرۆزه‌ی به‌ڵێنی پێ‌درا بوو لهباوكهوه وهرگیراو ڕژا به‌سه‌رمان. ئه‌وه‌ی ئێستا دهیبینینو گوێتان لێیده‌بێت ئه‌نجامی ئه‌وه‌یه. داود به‌رزنه‌كرایه‌وه بۆ ئاسمان، به‌ڵام ئه‌و خۆی ده‌ڵێ: [[خودا به خوداوه‌ندمی ووت: له‌لای ده‌سته ڕاستم دانیشه، هه‌تا دوژمنه‌كانت بخه‌مه ژێر پێته‌وه.]] كه‌واته باهه‌موو ڕۆڵه‌كانی ئیسرائیل به‌ته‌واوی بزانن، ئه‌و عیسایه‌ی ئێوه لهخاچتاندا، خودا كردی بهمهسیحو بهخوداوهند.)
باوه‌ڕداره یه‌كه‌مه‌كان
كاتێ ئاماده‌بووان گوێیان له‌م قسانه بوو، كاری كرده سه‌ر دڵیان، پرسیاریان لهپهترۆسو نێرراوه‌كانی تر كرد: (ئه‌ی برایان ئێستا ئێمه چیبكهین؟) په‌ترۆس وه‌ڵامیدانه‌وه: (تۆبهبكهن، با هه‌ر یه‌كه‌تان به‌ناوی عیسای مه‌سیحه‌وه له‌ئاوهه‌ڵبكێشرێ بۆ لێخۆشبوونی گوناه‌و به‌خشینی ڕۆحی پیرۆزتان ده‌سكه‌وێ، چونكه ئه‌م به‌ڵێنه بۆ خۆتانو منداڵه‌كانتانه، هه‌روه‌ها بۆ هه‌موو ئه‌وانه‌ی خوداوه‌ند خودامان بانگیان ده‌كات.) په‌ترۆس به‌زۆر ووشهیتر شایه‌تی بۆ دانو ووره‌ی به‌رزكردنه‌وه، دهیووت: (خۆتان ڕزگار بكه‌ن له‌م نه‌وه لارو چه‌وته.) ئه‌وانه‌ی باوه‌ڕیان به قسهكهیكردو له‌ئاوهه‌ڵكێشران، نزیكه‌ی سێ هه‌زار كهسبوون له‌و ڕۆژه‌دا.
ئیتر ئه‌وانه بهردهوامبوون له‌سه‌ر فێركردنی نێرراوانو ژیانی خوشكو برایهتیو لهتكردنی نانو نوێژكردن. هه‌روه‌ها كاتێ كارو نیشانه‌ی سه‌رسوڕهێنه‌ری زۆر له‌سه‌ر ده‌ستی نێرراوان كرا، هه‌موو ترسیان لـێ‌نیشت. باوه‌ڕداره‌كان هه‌موو به‌یه‌كه‌وه یهكیانگرتبوو، لهههموو شتێك كه ههیانبوو به‌شداری یه‌كتریان ده‌كرد، هه‌روه‌ها ئه‌وه‌ی ههیانبوو دهیانفرۆشتو نرخه‌كه‌یان دابه‌ش ده‌كرد به‌سه‌ر ئه‌وانه‌ی پێویستیان پێیبوو، هه‌موو ڕۆژێك به‌یه‌ك دڵ به‌رده‌وام لهپهرستگا ئاماده ده‌بوون، له‌ماڵه‌كان نانیان له‌ت ده‌كرد، هه‌روه‌ها به‌یه‌كه‌وه نانیان به دڵخۆشیو دڵپاكییه‌وه ده‌خوارد، ستایشی خودایان ده‌كرد، خه‌ڵكه‌كه هه‌موو به‌چاوی ڕێزه‌وه سه‌یریان ده‌كردن. هه‌موو ڕۆژێكیش خوداوه‌ند ژماره‌ی ڕزگاربووانی زیاتر ده‌كرد.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.