Biblica® Open Sorani Kurdish Book of Life
دووەم تیمۆساوس 4
ووشه‌ی خودا ڕابگه‌ێنه
له‌به‌رده‌م خوداو عیسای مه‌سیحی خوداوه‌ند، ئه‌وه‌ی حوكم به‌سه‌ر زیندووانو مردووان ده‌دات، لهكاتی گه‌ڕانه‌وه‌ی پادشاهێتیه‌كه‌ی، داوات لـێ‌ده‌كه‌م: ووشه‌ی خودا ڕابگه‌ێنه، خۆتی بۆ ته‌رخان بكه لهكاتی باشو خراپ، خه‌ڵكی ڕاسته‌ڕێ بكه، سه‌رزه‌نشت بكه، ووره‌یان بهرزبكهوه بهئارامگرتنو فێركردن. چونكه كاتێك دێت خه‌ڵكی نایانه‌وێ هیچ ده‌رباره‌ی فێركردنی ڕاست بزانن، به‌ڵكو به‌پێی ئاره‌زووی تایبه‌تی خۆیان مامۆستایه‌ك هه‌ڵده‌بژێرن كه‌وا به‌شێوه‌یه‌ك له‌گه‌ڵیان بدوێ ئه‌وان حه‌ز بكه‌ن گوێی لـێ بگرن. ئه‌وانه نایانه‌وێ ڕاستی ببیستن، چه‌واشه ده‌بن به‌ئه‌فسانه‌و شتی هیچو پووچ. به‌ڵام تۆ، له هه‌موو شتێك ووریابه، لهئازاردا دانبگره، به‌كاری مزگێنیدهر هه‌سته، به‌كاری خۆت هه‌سته به‌ته‌واوی. له‌باره‌ی من، كاتی ئه‌وه هاتووه ژیانم بكه‌م به قوربانی، كاتی كۆچكردنم نزیكبووهتهوه. تێكۆشانیكی باش تێكۆشاوم، قوناغی خۆم بڕیوه، پارێزگاری باوه‌ڕم كردووه. ئێستا تاجی ڕاستودروستی چاوه‌ڕێم ده‌كات، ئه‌وه‌ی خوداوه‌ند كه دادوه‌ری ڕاستودروسته له‌و ڕۆژه ده‌مداتێ، ئه‌مه‌ش ته‌نها بۆ من نییه، به‌ڵكو بۆ هه‌موو ئه‌وانه‌یه كه به‌دڵ ئاره‌زووی هاتنه‌وه‌ی ده‌كه‌ن.
دوا ڕاسپارده
هه‌وڵ بده به‌خێرایی بۆ لام بێیت، چونكه دیماس له‌به‌ر خۆشه‌ویستی ئه‌م جیهانه منی بهجێهێشتو بۆ شاری ته‌سالۆنیكی ڕۆیشت، كریسكیسیش بۆ ناوچه‌ی غه‌ڵاتیه ڕۆیشتو تیتۆسیش بۆ دلماتیه. له لۆقا زیاتر كه‌سی ترم لا نییه. بڕۆ بۆ لای مهرقۆسو له‌گه‌ڵ خۆت بیهێنه، چونكه زۆر سوودی لـێ‌وه‌رده‌گرم له‌خزمه‌تكردن. تیخیكۆسم ناردووه بۆ ئه‌فه‌سۆس. كاتێ هاتی له‌گه‌ڵ خۆت عه‌باكه‌م بۆ بهێنه، ئه‌وه‌ی لهشاری ترواس لای كارپۆس به‌جێم هێشتووه، هه‌روه‌ها په‌رتووكه‌كانم به‌تایبه‌تی ئه‌و ده‌ستخه‌تانه‌ی له‌سه‌ر چه‌رم نووسراون.
ئه‌سكه‌نده‌ری مسگه‌ر زۆر خراپه‌ی به‌رامبه‌ر كردم، خوداوه‌ند تۆڵه‌ی لـێ‌ده‌كاته‌وه له‌سه‌ر ئه‌و كارانه‌ی. تۆش خۆت لێی بپارێزه، چونكه زۆر به‌توندی به‌رهه‌ڵستی قسه‌كانمانی كرد.
كاتێ یه‌كه‌مجار به‌رگریم لهخۆم كرد كه‌س له‌گه‌ڵم نه‌هات، به‌ڵكو هه‌موویان بهجێیانهێشتم، خودا له‌سه‌ر ئه‌مه بیانبهخشێت. به‌ڵام خوداوه‌ند له‌گه‌ڵم بوو به‌هێزی كردم، به‌مه‌ش توانیم مزگێنی ڕابگه‌ێنم تا هه‌موو گه‌لان ببیستن، ئه‌وه بوو ڕزگاری كردم له ده‌می شێر، هه‌ر خوداوه‌ندیش ڕزگارم ده‌كات له هه‌موو خراپهیهكو ده‌مپارێزێت بۆ پادشاهێتی ئاسمانی خۆی. بۆ ئه‌وه شكۆمه‌ندی تاهه‌تایه! ئامین.
سڵاو له پریسكلاو ئه‌كیلاو خێزانی ئۆنیسیفورس بكه. ئه‌راستۆس لهكۆرنسۆس مایه‌وه، به‌ڵام تروفیمۆس بهنهخۆشی لهشاری میلیتس بهجێمهێشت. خێرابه لههاتن پێش ئه‌وه‌ی زستان بێت. ئوپولۆسو پودیسو لینۆسو كلودیاو هه‌موو خوشكو برایانی ئێره سڵاوت لـێ‌ده‌كه‌ن.
خوداوه‌ند له‌گه‌ڵ ڕۆحت بێتو به‌ره‌كه‌ت له‌گه‌ڵ هه‌مووتان بێت. ئامین.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.