Biblica® Open Sorani Kurdish Book of Life
یەکەم تیمۆساوس 6
مه‌سه‌له‌ی كۆیله
با هه‌موو ئه‌وانه‌ی له‌ژێر نیری كۆیلایه‌تین، ئه‌وپه‌ڕی ڕێز له‌گه‌وره‌كانیان بگرن، تا قسهی خراپ نه‌خرێته پاڵ ناوی خوداو فـێركــردنـه‌كــه‌ی. ئـه‌وانـه‌ی گه‌وره‌كانیان باوه‌ڕداره نابێ به‌سووكی سه‌یریان بكه‌ن، چونكه بران له‌باوه‌ڕ، به‌ڵكو به‌پێچه‌وانه‌وه ده‌بێ به‌ملكه‌چی خزمه‌تیان بكه‌ن، چونكه ئه‌وانه‌ی خزمه‌تیان ده‌كه‌ن باوه‌ڕدارو خۆشه‌ویستن. جا هه‌مووان فێری ئه‌م شتانه بكه‌و ئاگاداریان بكه‌وه.
خۆشه‌ویستی پاره
گه‌ر یه‌كێك فێركردنیكی تری فێركرد كه نه‌گونجێت له‌گه‌ڵ ووشه‌ی ڕاستی عیسای مه‌سیحی خوداوهندمانو له‌گه‌ڵ ئه‌و فێركردنه‌ی له‌سه‌ر خوداترسی وه‌ستاوه. ئه‌وه یه‌كێكه لووتبهرزی كوێری كردووه‌و هیچ شتێك تێناگات، حه‌ز لهشهڕهقسهو دهمدهمانێ ده‌كات كه ده‌بێته هۆی چاوپیسی، ململانێ، جنێو، بیری خراپو جۆره‌ها ناكۆكی، ئه‌مانه‌ش ئه‌و كه‌سانه ده‌یكه‌ن كه بیریان خراپ بووه‌و ڕاستییان وونكردووه، خواترسی بهبازرگانی داده‌نێن. ڕاسته خواترسی گه‌ر بهقهناعهتهوه بێت قازانجێكی گه‌وره‌یه، چونكه هیچمان نه‌هێناوه بۆ جیهان، ئاشكرایه ناتوانین هیچیشی لـێببهینه ده‌ره‌وه. جا گه‌ر خواردنو به‌رگمان هه‌بوو با پێی ڕازیبین. به‌ڵام ئه‌وانه‌ی حه‌ز ده‌كه‌ن ده‌وڵه‌مه‌ند بن، ده‌كه‌ونه تاقیكردنه‌وه‌و داو، هه‌روه‌ها ده‌كه‌ونه زۆر ئاره‌زووی كوێرانه‌ی زیانبه‌خش كه‌وا ده‌كات مرۆڤ تێبكهوێتو له‌ناوبچێ. چونكه خۆشه‌ویستی پاره سه‌رچاوه‌ی هه‌موو خراپه‌یه‌كه، گه‌ر خه‌ڵكی به‌دوایدا بگه‌رێن ووندهبن لهباوهڕیانو خۆیان تووشی ئازارێكی زۆر ده‌كه‌ن.
تێكۆشانی باوه‌ڕ
به‌ڵام تۆ، ئه‌ی پیاوی خودا له‌م شتانه دووربكه‌وه، شوێنی ڕاستودروستیو لهخواترسیو باوه‌ڕ، خۆشهویستیو ئارامگرتنو زمان شیرینی بكه‌وه. تێكۆشانێكی باش تێ‌بكۆشه له‌باوه‌ڕدا، ده‌ست بهژیانی هه‌تاهه‌تاییه‌وه بگره، ئه‌وه‌ی خودا بانگی كردووی بۆی، كاتێ زۆر باش دانتپیاناوه له‌به‌رده‌م شایه‌تی زۆر. ڕاتدهسپێرم له‌به‌رده‌م ئه‌و خودایه‌ی ژیان به هه‌مووان دهداتو له‌به‌رده‌م عیسای مه‌سیح، ئه‌وه‌ی باشترین شایه‌تیدا له‌لای پیلاتۆسی پونتی، كه‌وا له‌سه‌ر ئه‌و ڕاسپاردانه بڕۆیت بهپاكیو بێكهموكوڕی هه‌تا ڕۆژی ده‌ركه‌وتنی عیسای مه‌سیحی خوداوه‌ندمان. ئه‌وه‌ی خودا له‌كاتی دیاریكراو ده‌ریده‌خات، پیرۆزو تاقه سه‌رۆك، پادشای پادشایان، گه‌وره‌ی گه‌وره‌كان، ته‌نها ئه‌و نه‌مره، له‌ڕووناكی نیشته‌جێ‌یه‌و كه‌س لـێی نزیك نابێته‌وه، ئه‌وه‌ی كه‌س نه‌یبینیوه‌و ناتوانێ بیبینێت، بۆ ئه‌وه ڕێزو توانای هه‌تاهه‌تایی! ئامین. ده‌وڵه‌مه‌نده‌كانی ئه‌م جیهانه ڕاسپێره لووتبه‌رز نهبنو هیوایان به‌سامانی له‌ناوچوو نه‌بێت، به‌ڵكو بهخودا كه هه‌موو شتێكمان بهتێروپڕی ده‌داتێ هه‌تا خۆشی لـێ‌ببینین. با چاكه بكهنو لهكاری چاكه ده‌وڵه‌مه‌ند بن، له‌به‌خشین دڵفراوان بن، ئاماده‌بن به‌شی خه‌ڵكیتر لهسامانیان بده‌ن، به‌م شێوه‌یه گه‌نجینه‌و بناغه‌یه‌كی چاك بۆ دواڕۆژ دادهنێنو ژیانی ڕاسته‌قینه به‌ده‌ست ده‌هێنن.
تیمۆساوسی خۆشه‌ویست، بهباشی پارێزگاری ئه‌و شته بكه كه خودا داویه‌تی پێت، خۆت دووربخه‌وه لهههموو ووته‌یه‌كی هیچو پووچو له‌و ووته بێكهڵكانهی خه‌ڵكی ناویانناوه زانست، جا هه‌ندێك هه‌ن باوه‌ڕیان لهدهستچووه، چونكه دوای ئه‌و زانسته كه‌وتوون.
به‌ره‌كه‌تتان له‌گه‌ڵ بێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.