Biblica® Open Sorani Kurdish Book of Life
یەکەم کۆرنسۆس 5
حوكمدان به‌سه‌ر داوێنپیس
له‌ڕاستیدا بڵاوبووه‌ته‌وه كه له‌نێوانتان داوێنپیسی هه‌یه. جۆره داوێنپیسیهك ته‌نانه‌ت له‌لای بتپهرستانیش نییه، پیاو له‌گه‌ڵ باوه‌ژنی خۆی ده‌ست تێكه‌ڵ ده‌كات. له‌گه‌ڵ ئه‌وه‌ش بهلووتبهرزیهوه شانازی به‌خۆتان ده‌كه‌ن! ئایا له‌جیاتی ئه‌مه باشتر نییه ماتهمداربن هه‌تا ئه‌وه‌ی ئه‌م كاره‌ی كردووه له‌نێوانتان نه‌مێنێ؟ من بهلهش لێتان دوورم، به‌ڵام به‌ڕۆح له‌گه‌ڵتانم، حوكمم داوه به‌سه‌ر ئه‌و كه‌سه‌ی ئه‌و كاره‌ی كردووه هه‌روه‌ك له‌وێ بووبم. به‌ناوی خوداوه‌ندمان عیسا كۆببنه‌وه له‌سه‌ر ئه‌و كه‌سه‌ی ئه‌م شتانه‌ی كردووه، ئه‌وسا منیش به‌ڕۆح له‌گه‌ڵتان ده‌بم. به‌هۆی هێزو توانای خوداوه‌ندمان عیسا، ئه‌و پیاوه بده‌نه ده‌ستی شه‌یتان تا له‌شی بفه‌وتێ، بۆ ئه‌وه‌ی ڕۆحی ڕزگاری بێ له‌ڕۆژی لـێپرسینه‌وه‌ی خوداوه‌ند عیسا. باش نییه ئێوه شانازی به‌خۆتانه‌وه بكه‌ن. ئایا نازانن هه‌ویرترشێكی بچووك هه‌موو هه‌ویره‌كه هه‌ڵدێنێ؟ جا خۆتان پاكبكهنهوه له هه‌ویرترشی كۆن هه‌تا ببن به هه‌ویرێكی تازه، چونكه ئێوه نانێكن هه‌ویرترشی تیا نییه. له‌به‌ر ئه‌وه‌ی مه‌سیح به‌رخی جه‌ژنی تێپه‌ڕبوونی ئێمه‌یه‌و كرا به قوربانی. كه‌واته ئێمه باجهژن بكه‌ین، به‌ڵام نه‌ك به‌نانی هه‌ویرترشی كۆن، هه‌ویرترشی چاوپیسیو خراپه، به‌ڵكو به‌نانی فه‌تیره‌ی پاكیو ڕاستی. من پێشتر بۆم نووسیون تێكه‌ڵ بهداوێنپیسان مه‌بن، مه‌به‌ستم له داوێنپیسو چاوچنۆكو دزو بتپه‌رستانی ئه‌م جیهانه نییه، ئه‌گینا ئێوه ناچار ده‌بوون له‌م جیهانه بچنه ده‌ره‌وه. به‌ڵكو بۆ ئه‌وه بۆم نووسیون تێكه‌ڵ بهیهكێك مه‌بن، خۆی ناوناوه برا لهباوهڕ، به‌ڵام لهههمان كات گوناهباره به داوێنپیسی یان چاوچنۆكی یاخود بتپهرستیو جنێوفرۆشی یان سه‌رخۆشیو دزی. ئه‌م جۆره كه‌سانه ته‌نانه‌ت بۆ نان خواردنیش له‌گه‌ڵیان دامه‌نیشن. ئایا كاری منه حوكم به‌سه‌ر ئه‌وانه بده‌م كه له‌ده‌ره‌وه‌ی كۆمه‌ڵه‌ی باوه‌ڕدارانن؟ ئایا ئێوه نین حوكم ده‌ده‌ن به‌سه‌ر ئه‌وانه‌ی له‌ناو كۆمه‌ڵه‌ن؟ چونكه ئه‌وانه‌ی له‌ده‌ره‌وه‌ی كۆمه‌ڵه‌ن، خودا حوكمیان به‌سه‌ر ده‌دات. [[له‌ناو خۆتان خراپه‌كار ده‌ربكه‌ن.]]
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.