Konda Porja Bible
ପାର୍ତୁମ୍ 10
ନୋହଦି ମାରିନ୍କା କୁଟୁମ୍
ସେମ, ହାମ, ଜେପତ୍ ଦରୁଦି ନୋହଦି କଡ଼ରି କୁଟୁମ୍ ଇକା । ଗାଲିପିରୁ ୱେନେକା ୱାରି ଇୟାୱିଜେରେ କଡ଼ର୍ ଜନମ୍ଆତାର୍, ଗୋମର ମାରି ମାଗୋଗ୍ ମାରି ମାଦୟ ମାରି ଜବନ ମାରି ତୁବଲ ମାରି ମେସକ୍ ମାରି ତିରସ୍, ଇୟାକାର୍ ଜେପତ୍ଦି କଡ଼ର୍ । ଅସ୍କିନସ୍ ମାରି ରିପତ୍ ମାରି ତୋଗର୍ମ, ଇୟାକାର୍ ଗୋମରଦି କଡ଼ର୍ ମାରି ଇଲିସା ମାରି ତର୍ଶିଶ ମାରି କିତିମ ମାରି ଦୋଦାନିମ, ଇୟାକାର୍ ଜବନଦି କଡ଼ର୍ । ଇୟା ୱେରିମାଣାନ୍କୁ ଆଇ ଦେସ୍ତି ସାମ୍ଦୁର୍ତି ନାଣିମି ବାସାତି ଲୋକୁ ନିଜେଦି ରାଜି ଆଇରାଜି ନିଜେ ନିଜେ ବାସାଦାନ୍ ୱେଙ୍ଗିଁଜି ନିଜେ ନିଜେ କୁଟୁମ୍ ମାରି କୁଡ଼ା ଇସାପ୍ତାନ୍ ବାଟା ଆତାର୍ ।
କୁସ୍, ମିସର୍ ମାରି ପୁଟ୍ ମାରି କିଣାନ୍, ଇୟାକାର୍ ହାମଦି କଡ଼ର୍ । ସବା, ହବିଲା, ସପ୍ତା ମାରି ରୟମା ମାରି ସପ୍ତକା, ଇୟାକାର୍ କୁସଦି କଡ଼ର୍ । ସିବା ମାରି ଦଦାନ, ଇୟାକାର୍ ରୟମାଦି କଡ଼ର୍ । ନିମ୍ରୋଦ କୁସଦି ମାରିସି; ୱାନ୍ ଦୁନିଆଦି ମାଡ଼ାନ୍ ପେରି ସାକ୍ତିସାଲି ଆଦେଙ୍ଗ୍ ଆସ୍ତାନ୍ । ୱାନ୍ ସଦାପ୍ରବୁଦି ଆଗିଡ଼ି ପେରି ବନୁୱାଦୁ ସାକ୍ତି ଆତାନ୍; ଆବେଟ୍ ଲୋକୁ ଇୟାସାନ୍ଦି ଇୟା କାତା ୱେର୍ନାର୍, “ମାପୁରୁ ମିଙ୍ଗିଁ ନିମ୍ରୋଦ ପେରି ବନୁୱା ସଦାପ୍ରବୁଦି ଆଗିଡ଼ି ପେରି ବନୁୱା ନିମ୍ରୋଦ ୱାଜା !” ମାରି, ସିନିୟ ଦେସ୍ତୁ ବାବିଲ୍ ମାରି ଏରକ ମାରି ଅକ୍କଦ୍ ମାରି କଲନେ, ଇୟାୱିଜୁ ଗାଡ଼୍କୁ ୱାନି ପାର୍ତୁମ୍ ରାଜିଙ୍ଗ୍ ଆତାତ୍ । ଆୟା ଦେସ୍ତାନ୍ ଅସୁରୁ ସୋସି ନିନିବି ମାରି ରାହୋବତ୍ ପୁରି ମାରି କେଲହ, ମାରି, ନିନିବି ନି କେଲହଦି ନାଣିମି ରେସନ୍ ଗାଡ଼୍ ତିଆର୍ କିତାନ୍; ଇୟା ରେସନ୍ ପେରିଗାଡ଼୍ ।
ମାରି, ଲୁଦିୟ ମାରି ଅନାମିୟ ମାରି ଲହାବିୟ ମାରି ନପ୍ତୁହିୟ ମାରି ପତ୍ରସିୟ ମାରି ପଲେସ୍ଟିୟରି ପୁର୍ବେଦିବୁବାର୍ କସ୍ଲୁହିୟ ମାରି କପ୍ତୋରିୟ, ଇୟାକାର୍ ମିସରଦି କଡ଼ର୍ ।
ମାରି, କିଣାନ୍ଦି ପେରି ମାରିସି ସିଦୋନ୍ରି ବୁବା ମାର୍ହାନ୍ ମାରି ୱାନି ରିଏର୍ ମାରିସିର୍ ହେତଦି ବୁବାସି ମାର୍ହାନ୍ । ମାରି ଜିବୁସିୟ ମାରି ଇମୋରିୟ ମାରି ଗିର୍ଗାସିୟ ମାରି ହିଦିୟ ମାରି ଅର୍କିୟ ମାରି ସିନିୟ ମାରି ଅର୍ବଦିୟ ମାରି ସମାରିୟ ମାରି ହମାତିୟ; ତାନିୱେନ୍କା କିଣାନିୟରି କୁଟୁମ୍ ୱେଙ୍ଗିଁତା ସରାର୍ । ଆବେଟ୍କୁ ସିଦୋନ ମାଡ଼ାନ୍ ଗରାର୍ ତରିନ୍ ଗସା ସାନ୍ଦି, ମାରି ସଦୋମ ମାରି ହମରା ମାରି ଅଦ୍ମା ନି ସବୋୟିମ ତୋରିନ୍ ଲେସା ସାନ୍ଦି କିଣାନିୟରିଙ୍ଗ୍ ବାସାନି ସାନ୍ଦି ମାର୍ହାତ୍ । ନିଜେ ନିଜେ ଦେସ୍ ମାରି କୁଡ଼ାଦୁ ୱାରି କୁଟୁମ୍ ମାରି ବାସା ଇସାପ୍ତାନ୍ ଇୟାକାର୍ ୱିଜେରେ ହାମଦି କଡ଼ର୍ ।
ଜେପ୍ତି ପେରି ତୋଡ଼ାନ୍ ସେମଦି ବା କଡ଼ର୍ ଆଇଲିକ୍ ମାର୍ହେ, ମାରି, ୱାନ୍ ଏବରଦି କଡ଼ରି ପୁର୍ବେଦିବୁବାର୍ ମାର୍ହାର୍ । ସେମଦି ଇୟାୱିଜୁ କଡ଼ର୍, ଏଲମ ନି ଅସୁର ମାରି ଅର୍ପକ୍ଷଦ ମାରି ଲୁଦ ନି ଅରାମ । ଅରାମର୍ କଡ଼ର୍ ଇୟାକାର୍ ଉସ୍ ନି ହୁଲ ମାରି ଗେତର ନି ମସ୍ । ମାରି, ଅର୍ପକ୍ଷଦି ମାରିନ୍ ସେଲହ ମାରି ସେଲହର ମାରିନ୍ ଏବର । ଏବରଦି ରିଏର୍ କଡ଼ର୍; ଅରେନ୍ୱାନି ଦରୁ ପେଲଗ୍, ଇରିଙ୍ଗ୍ ଆୟା ବେଡ଼ାଦୁ ଦୁନିଆ ବାଗ୍ ଆତାତ୍; ୱାନି ତଡ଼ାନ୍ତି ଦରୁ ଜକ୍ତନ୍ । ମାରି, ଜକ୍ତନଦି କଡ଼ର୍ ଅଲମଦଦ ମାରି ସେଲପ୍ ନି ହତ୍ସର୍ମାବତ୍ ମାରି ଜେରହ ମାରି ହଦୋରାମ ମାରି ଉସଲ ମାରି ଦିକ୍ଲା ମାରି ଓବଲ ନି ଅବିମାୟେଲ୍ ମାରି ସିବା ମାରି ଓପିର୍ ନି ହବିଲା ମାରି ଜୋବବ୍, ଇୟା ୱିଜେରେ ଜକ୍ତନଦି କଡ଼ର୍ । ମେସାଦି ମକମ୍ ତୋରିଟି ସପାର୍ ଗୋରନ୍ ସାନ୍ଦି ୱାରି ସାନ୍ଦି ମାର୍ହାତ୍ । ନିଜେ ନିଜେଦି ଦେସ୍ତୁ ୱାରି କୁଟୁମ୍ ମାରି ବାସା ମାରି କୁଡ଼ା ଇସାପ୍ତାନ୍ ଇୟା ୱିଜେରେ ସେମଦି କଡ଼ର୍ । ନିଜେ ନିଜେଦି କୁଡ଼ାଦୁ ୱାରି କୁଟୁମ୍ ଇସାବ୍ତାନ୍ ଇୟାକାର୍ ନୋହଦି ମାରିସିରି କୁଟୁମ୍ ମାର୍ହାର୍; ମାରି, ପିରୁଗାଲି ୱେନେକା ୱେରିମାଡ଼ାନ୍କୁ ଜନମ୍ ଆତି କୁଡ଼ା ଦୁନିଆଦୁ ବାଗ୍ ଆତାର୍ ।
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.