ଏଜ୍ରା
Ezra
Introduction from this edition
ଏଜ୍ରାଙ୍କ ଲିଖିତ ପୁସ୍ତକ
ଏଜ୍ରା
ଏଜ୍ରା ବଇ ବିସୟ୍ତାନ୍ ମାଟା
ଏଜ୍ରା ନି ନିହିମିୟାଦି ବଇଦୁ ରାସାତା ମାନାତ୍ ଜେ ପାରସ୍ୟ ନି ବାବିଲତୁ ତରାୟ୍ଆତି ୱେନ୍କା ଇସ୍ରାଏଲ୍ ଲୋକାଙ୍ଗ୍ ଏଣ୍ତେସ୍ ଇସ୍ରାଏଲ୍ତୁ ଡ଼େସି ୱାଦେଙ୍ଗ୍ ପୁଟ୍ତାତ୍ ? ୱାର୍ ଏଣ୍ତେସ୍ ଜିରୁସାଲାମ୍ତୁ ମାପୁରୁଦି ପାର୍ତନା ଇଲୁ ପୁନା ତିଆର୍ କିତାର୍ ତାନି ୱେନ୍କା ତାନି ମୁସ୍କୁ ଏଜ୍ରା ମନ୍ ସିଏନ୍ ମାର୍ହାନ୍ । ଏସ ଲୋକ୍ ବିସ୍ବାସ୍ କିନାର୍ ଜେ ଏଜ୍ରା ୧ ନି ୨ ବଂଶାବଲି ବଇ ମାରି ନିହିମିୟାଦି ବଇ ରାସ୍ତା ମାର୍ହାନ୍ ମାରି ଅଡ଼୍ବିତା ମାର୍ହାନ୍ । ଜଦି ଏଜ୍ରା ଆଏତିଙ୍ଗ୍ ଇକା ଆନାତ୍ ଅରେନ୍ ଲୋକୁ ଇୟା ସାମାନ୍ ବଇ ରାସ୍ତାମାନାନ୍ । ଏଜ୍ରା ବଇ ୪୪୦ ବାର୍ସେକ୍ ଆଗ୍ଡ଼ି ରାସାତାମାନାତ୍, ମାତର୍ ବଇଦି ଏସ ବାଗ୍ ଆଇ ବେଡ଼ାଦୁ ରାସାନା ତେବାନାତ୍ ।
ଏଜ୍ରା ବଇଦୁ ନେସ୍ତେଙ୍ଗ୍ ଆଜିନାତ୍ ଜେ ମାପୁରୁ ଏଣ୍ତେସ୍ ପାରସ୍ୟଦି ରାଜା କୋରସ୍ ଇସ୍ରାଏଲ୍ ଲୋକାଙ୍ଗ୍ ନିଜେଦି ଦେସ୍ତୁ ଡ଼େସି ପାର୍ତନା ଇଲୁ ପୁନା ତିଆର୍ କିଦେଙ୍ଗ୍ ଆଦେସ୍ ସିତାନ୍ । ଇକାବା ଜିରିମିୟଦି ବବିସତ୍ମାଟାଦି ଉନ୍ଡ୍ରି ପୁରା ଆନିକା ମାର୍ହାତ୍, ଜିରିମିୟ ୨୯:୧୦-୧୪ । ୱାରି ଏସ ସାତ୍ରୁର୍ ମାର୍ହାର୍ ଆମାକାର୍ ପାର୍ତନା ଇଲୁଦିଙ୍ଗ୍ ପୁନା ତିଆର୍ କିଦେଙ୍ଗ୍ ବିରୁଦ୍ କିଜିମାର୍ହାର୍ ମାରି ଇୟା ପାଣି ଏସ ସମୟ ଉଣ୍ତିଙ୍ଗ୍ ତେବାତା ମାର୍ହାତ୍, ମାତର୍ ୱେନ୍କା ଇସ୍ରାଏଲ୍ ଲୋକୁ ମାପୁରୁଦି ସାକାଦାନ୍ ତେନିଙ୍ଗ୍ ପୁନା ତିଆର୍ କିଦେଙ୍ଗ୍ ଆଟ୍ତା ମାର୍ହାର୍ । ଏଜ୍ରାଦି ମାଣାନ୍ ଇସ୍ରାଏଲ୍ ଲୋକୁ ବା ୱାରି ପାପ୍ତାନ୍ ମନତିଙ୍ଗ୍ ଡ଼େପ୍ତାର୍ । ମାପୁରୁଦି ନିୟମ୍ ମାନାନି ଉଣ୍ତିଙ୍ଗ୍ ୱାରି ମାଟାଦି ଇକା ଉନ୍ଡ୍ରି ପୁନିକାନେ ।
ଏଜ୍ରାଦି ବଇଦୁ ମାନିକା
୧ ମାରି ୨ ରାସାତାମାନାତ୍ ଜେ ରାଜା କୋରସ୍ ଏଣ୍ତେସ୍ ଇସ୍ରାଏଲ୍ ଲୋକାଙ୍ଗ୍ ନିଜେଦି ଦେସ୍ତୁ ଡ଼େସିୱାନି ଉଣ୍ତିଙ୍ଗ୍ ସାରି ସିତାନ୍ ମାରି ଆମା କୁଟୁମ୍ତି ଲୋକୁ ଡ଼େସିୱାତାର୍ ଆକା ଇସାବ୍କିତାନ୍ ।
୩ ଦାନ୍ ୬ ସାନ୍ଦି ରାସ୍ନାନ୍ ଜିରୁସାଲାମ୍ତୁ ମାପୁରୁଦି ପାର୍ତନା ଇଲୁ ଏଣ୍ତେସ୍ ପୁନା ତିଆର୍ କିଆୟ୍ଆତାତ୍ ।
୭ ମାରି ୮ ରାସାତାମାନାତ୍ ଜେ ଏଜ୍ରା ଏଣ୍ତେସ୍ ଆଇ ଇସ୍ରାଏଲ୍ କୁଟୁମ୍ତାନ୍ ଜିରୁସାଲାମ୍ତୁ ଡ଼େସି ୱାତାର୍ ।
୯ ମାରି ୧୦ ରାସାତାମାନାତ୍ ଜେ ଏଜ୍ରା ଏଣ୍ତେସ୍ ଇସ୍ରାଏଲ୍ ଲୋକାଙ୍ଗ୍ ମାପୁରୁଦି ୱାଲେ ରାଜିମାନା ପୁନା କିଦେଙ୍ଗ୍ ଆଗ୍ଡ଼ି ଅତାନ୍ ।
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.