Skip to content
BibleKenya

Konda Porja Bible

ଏଜ୍ରା 2

ବାବିଲ ଦେସ୍‌ତୁ ମାନିକାର୍‌ ଡ଼େସି ୱାତି ଇସାବ୍‌

(ନିହିମିୟା ୭:୪-୭୩)

ଏମେକାର୍‌ ଜଇଲ୍‌ତୁ ୱାଜା ଡ଼ୁଗିତା ମାର୍ହାର୍‌, ୱାରି ଲୋଇରାନ୍‌ ଆଇଦେସ୍‌ତି ଇୟା କଡ଼ର୍‌ ୱିଜେରେ ଜିରୁସାଲମ ନି ଜିହୁଦାଦି ନିଜେ ନିଜେଦି ଗାଡ଼୍‌କାଙ୍ଗ୍‌ ଡ଼େସି ୱାତାର୍‌; ବାବିଲ ଦେସ୍‌ତି ରାଜା ନବୂଖଦ୍‌ନିତ୍ସର ଇୟାୱେରିଙ୍ଗ୍‌ ବାବିଲତୁ ଅତା ମାର୍ହାନ୍‌ । ଇୟାକାର୍‌ ଜିରୁବ୍ବାବିଲ୍‌, ଜେସୁୟ, ନିହିମିୟା, ସରାୟ, ରିୟେଲାୟ, ମର୍ଦ୍ଦକୟ, ବିଲ୍‌ଶନ୍‌, ମିସ୍ପର, ବିଗ୍‌ବୟ, ରହୁମ୍‌ ନି ବାନା ୱାଲେ ଡ଼େସି ୱାତାର୍‌ ।

ଇସ୍ରାଏଲ କୁଟୁମ୍‌ ମେମାର୍‌ଙ୍ଗାଁ ଇସାବ୍‌ ଇକା,

ପରିୟୋଶତି ମାରିନ୍‌କୁ ଦୁଇ ହାଜାର୍‌ ସହେ ସତୁରି ରିଏର୍‌ । ଶପଟିୟତି ମାରିନ୍‌କୁ ତିନିସ ସତୁରି ରିଏର୍‌ । ଆରହଦି ମାରିନ୍‌କୁ ସାତ୍‌ସ ସତୁରି ପାସ୍‌ ଲୋକ୍‌ । ଜେସୁୟ ନି ଯୋୟାବତି ମାରିନ୍‌କୁ ମାଣାନ୍‌ ପହତ୍‌ ମୋୟାବତି ମାରିନ୍‌କୁ ଦୁଇ ହାଜାର୍‌ ଆଟ୍‌ସ ବାର୍‌ ଲୋକ୍‌ । ଏଲମ୍‌ତି ମାରିନ୍‌କୁ ଏକ୍‌ ହାଜାର୍‌ ଦୁଇସ ପଚାସ୍‌ ନାଲ୍‌ଏର୍‌ । ସତ୍ତୁତି ମାରିନ୍‌କୁ ନଅ ସହ ସାଲିସ୍‌ ପାସ୍‌ ଲୋକ୍‌ । ସକ୍କୟତି ମାରିନ୍‌କୁ ସାତ୍ ନମ୍ୱର୍‌ତି ସହ ସାଟେ ଲୋକ୍‌ । ବାନିଦି ମାରିନ୍‌କୁ ସଅ ସହ ସାଲିସ୍‌ ରିଏର୍‌ । ବେବୟତି ମାରିନ୍‌କୁ ସଅ ସହ କଡ଼େ ମୁଏର୍‌ । ଅସ୍‌ଗଦତି ମାରିନ୍‌କୁ ଏକ୍‌ ହାଜାର୍‌ ଦୁଇସ କଡ଼େ ରିଏର୍‌ । ଅଦୋନିକାମଦି ମାରିନ୍‌କୁ ସଅ ସହ ସାଟେ‍ ସୋ ଲୋକ୍‌ । ବିଗ୍‌ବୟଦି ମାରିନ୍‌କୁ ଦୁଇ ହାଜାର୍‌ ପଚାସ୍‌ ନାଲ୍‌ଏର୍‌ । ଆଦିନଦି ମାରିନ୍‌କୁ ସାରି ସହ ପଚାସ୍‌ ନାଲ୍‌ଏର୍‌ । ହିଜକିୟଦି କୁଟୁମ୍‌ ଆଟେରଦି ମାରିନ୍‌କୁ ନବେ ଆଟ୍‌ ଲୋକ୍‌ । ବେତ୍‌ସୟଦି ମାରିନ୍‌କୁ ତିନିସ କଡ଼େ ମୁଏର୍‌ । ଯୋରାହଦି ମାରିନ୍‌କୁ ଏକ୍‌ ହାଜାର୍‌ ବାର ଲୋକ୍‌ । ହଶୁମଦି ମାରିନ୍‌କୁ ଦୁଇ ସହ କଡ଼େ ମୁଏର୍‌ । ଗିବ୍ବରଦି ମାରିନ୍‌କୁ ନବେ ପାସ୍‌ ଲୋକ୍‌ । ବେତଲିହିମ୍‍ ଗାଡ଼୍‌ଦି ଲୋକୁ ସହେ କଡ଼େ ମୁଏର୍‌ । ନଟୋଫା ଗାଡ଼୍‌ଦି ଲୋକୁ ପଚାସ୍‌ ନାଲ୍‌ଏର୍‌ । ଅନାଥୋତ୍‌ ଗାଡ଼୍‌ଦି ଲୋକୁ ସହେ କଡ଼େ ଆଟ୍‌ ଲୋକ୍‌ । ଅସ୍ମାବତ୍‌ଦି ମାରିନ୍‌କୁ ସାଲିସ୍‌ ରିଏର୍‌ । କିରିୟତ୍‌ ଜିୟାରିମ୍‌ ନି କପିରା ମାରି ବେରୋତଦି ମାରିନ୍‌କୁ ସାତ୍ ନମ୍ୱର୍‌ତି ସହ ସାଲିସ୍‌ ମୁଏର୍‌ । ରାମାଦି ନି ଗେବାଦି ମାରିନ୍‌କୁ ସୋସ କଡ଼େ ଅରେନ୍‌ । ମିକ୍‌ମସତି ଗାଡ଼୍‌ଦି ଲୋକୁ ସହେ କଡ଼େ ରିଏର୍‌ ଲୋକ୍‌ । ବେତେଲ୍‌ଦି ନି ଅୟର ଗାଡ଼୍‌ଦି ଲୋକୁ ଦୁଇ ସହ କଡ଼େ ମୁଏର୍‌ । ନବୋଦି ମାରିନ୍‌କୁ ପଚାସ୍‌ ଦୁଇ ଲୋକ୍‌ । ମଗ୍‌ବିସଦି ମାରିନ୍‌କୁ ସହେ ପଚାସ୍‌ ନାଲ୍‌ଏର୍‌ । ଆଇ ଏଲମ୍‌ ଗାଡ଼୍‌ଦି ଲୋକୁ ଏକ୍‌ ହାଜାର୍‌ ଦୁଇସ ପଚାସ୍‌ ନାଲ୍‌ଏର୍‌ । ହାରିମଦି ମାରିନ୍‌କୁ ତିନି ସହ କଡ଼େ ଲୋକ୍‌ । ଲୋଦ୍‌ ନି ହାଦିଦ୍‌ ମାରି ଓନୋଦି ମାରିନ୍‌କୁ ସାତ୍ ନମ୍ୱର୍‌ତି ସହ ପଚିସ୍‌ ଲୋକ୍‌ । ଜିରିହୋଦି ଗାଡ଼୍‌ଦି ଲୋକୁ ତିନିସ ସାଲିସ୍‌ ପାସ୍‌ ଲୋକ୍‌ । ସନାୟା ଗାଡ଼୍‌ଦି ଲୋକୁ ତିନି ହାଜାର୍‌ ସଅ ସହ ତିରିସ୍‌ ଲୋକ୍‌ । ଜାଜକରି ଇସାବ୍‌; ଜେସୁୟ - କୁଟୁମ୍‌ ଯିଦୟିୟଦି ମାରିନ୍‌କୁ ନଅସ ସତୁରି ମୁଏର୍‌ । ଇମ୍ମେରଦି ମାରିନ୍‌କୁ ଏକ୍‌ ହାଜାର୍‌ ପଚାସ୍‌ ରିଏର୍‌ । ପଶ୍‌ହୁରଦି ମାରିନ୍‌କୁ ଏକ୍‌ ଆଜାର୍‌ ଦୁଇସ ସାଲିସ୍‌ ସାତ୍‌ ଲୋକ୍‌ । ହାରିମଦି ମାରିନ୍‌କୁ ଏକ୍‌ ଆଜାର୍‌ ସତର ଲୋକ୍‌ । ଲେବିୟରି ଇସାବ୍‌; ହୋଦବିୟଦି ମାରିନ୍‌କା ଲୋଇରାନ୍‌ ଜେସୁୟ ନି କଦ୍‌ମିୟେଲତି ମାରିନ୍‌କୁ ସତୁରି ନାଲ୍‌ଏର୍‌ । ପାଟାପାର୍‌ନିୱାରି ଇସାବ୍‌; ଆସପତି ମାରିନ୍‌କୁ ସହେ କଡ଼େ ଆଟ୍‌ ଲୋକ୍‌ । ସେର୍‌ଲାକାପ୍‌କିନିୱାରି ଇସାବ୍‌; ଶଲ୍ଲୁମ୍‌ଦି ମାରିନ୍‌କୁ, ଆଟେରଦି ମାରିନ୍‌କୁ, ଟଲ୍‌ମୋନଦି ମାରିନ୍‌କୁ, ଅକ୍‌କୁବଦି ମାରିନ୍‌କୁ, ହଟିଟାଦି ମାରିନ୍‌କୁ, ଶୋବୟଦି ମାରିନ୍‌କୁ, ପୁରାୱିଜେରେ ସହେ ତିରିସ୍‌ ନୋଅ ଲୋକ୍‌ ।

ପାର୍‌ତନା ଇଲୁଦୁ ପାଣିକିନି ଲୋକୁ; ସିହତି ମାରିନ୍‌କୁ, ହସୁପାଦି ମାରିନ୍‌କୁ, ଟବ୍ବାୟୋତଦି ମାରିନ୍‌କୁ; କେରୋସଦି ମାରିନ୍‌କୁ, ସିୟଦି ମାରିନ୍‌କୁ, ପାଦୋନଦି ମାରିନ୍‌କୁ; ଲବାନାଦି ମାରିନ୍‌କୁ, ହଗାବଦି ମାରିନ୍‌କୁ, ଅକ୍‌କୁବଦି ମାରିନ୍‌କୁ; ହାଗାବଦି ମାରିନ୍‌କୁ, ଶମ୍‌ଲୟଦି ମାରିନ୍‌କୁ, ହାନନ୍‌ଦି ମାରିନ୍‌କୁ; ଗିଦ୍ଦେଲଦି ମାରିନ୍‌କୁ, ଗହରଦି ମାରିନ୍‌କୁ, ରାୟାଦି ମାରିନ୍‌କୁ; ରତ୍‌ସିନଦି ମାରିନ୍‌କୁ, ନକୋଦଦି ମାରିନ୍‌କୁ, ଗସମଦି ମାରିନ୍‌କୁ; ଉସଦି ମାରିନ୍‌କୁ, ପାସେହଦି ମାରିନ୍‌କୁ, ବେସୟଦି ମାରିନ୍‌କୁ; ଅସ୍ନାଦି ମାରିନ୍‌କୁ, ମିୟୁନିମଦି ମାରିନ୍‌କୁ, ନଫିସିମଦି ମାରିନ୍‌କୁ; ବକ୍‌ବୁକଦି ମାରିନ୍‌କୁ, ହକୁଫାଦି ମାରିନ୍‌କୁ, ହର୍ହୁରଦି ମାରିନ୍‌କୁ; ବସ୍‌ଲୁତଦି ମାରିନ୍‌କୁ, ମହିଦାଦି ମାରିନ୍‌କୁ, ହର୍ଶାଦି ମାରିନ୍‌କୁ; ବର୍କୋସଦି ମାରିନ୍‌କୁ, ସିସରାଦି ମାରିନ୍‌କୁ, ତେମହଦି ମାରିନ୍‌କୁ; ନତ୍‌ସିହଦି ମାରିନ୍‌କୁ, ହଟିଫାଦି ମାରିନ୍‌କୁ । ଶଲୋମନତି ସାକର୍‌କା ମାରିନ୍‌କୁ; ସୋଟୟଦି ମାରିନ୍‌କୁ, ହସୋପେରତଦି ମାରିନ୍‌କୁ, ପରୁଦାଦି ମାରିନ୍‌କୁ; ଜାଳାଦି ମାରିନ୍‌କୁ, ଦର୍କୋଣଦି ମାରିନ୍‌କୁ, ଗିଦ୍ଦେଲଦି ମାରିନ୍‌କୁ; ଶପଟିୟଦି ମାରିନ୍‌କୁ, ହଟିଲଦି ମାରିନ୍‌କୁ, ପୋକେରତ୍‌ ହତ୍‌ସବାୟିମଦି ମାରିନ୍‌କୁ, ଆମିଦି ମାରିନ୍‌କୁ;

ପାର୍‌ତନା ଇଲୁଦୁ ପାଣିକିନି ଲୋକୁ ନି ଶଲୋମନତି ସାକର୍‌କା ମାରିନ୍‌କୁ ପୁରାୱିଜେରେ ତିନିସ ନବେ ରିଏର୍‌ ।

ମାରି ତେଲ୍‌ ମେଲହ, ତେଲ୍‌ ହର୍ଶା, କଋବ୍‌, ଅଦନ ନି ଇମ୍ମେର, ଇୟା ୱିଜୁ ବାଡିଦାନ୍‌ ଲୋକୁ ୱାତାର୍‌, ମାତର୍‌ ୱାର୍‌ ଇସ୍ରାଏଲିୟ ଲୋକ୍‌ ଇଜି ନିଜେ ନିଜେଦି ବୁବାରି କୁଟୁମ୍‌ ମାରି କୁଟୁମ୍‌ତି ପାର୍‌ମାଣ୍‌ ତର୍‌ତେଙ୍ଗ୍‌ ଆଟ୍‌ଏତାର୍‌; ଆୟା ଲୋକୁ ଇକାର୍‌, ଦଲୟିୟଦି ମାରିନ୍‌କୁ, ଟୋବିୟଦି ମାରିନ୍‌କୁ, ନକୋଦଦି ମାରିନ୍‌କୁ, ସଅସ ପଚାସ୍‌ ରିଏର୍‌ । ଜାଜକରି ମାରିନ୍‌କା ଲୋଇରାନ୍‌ ହବାୟଦି ମାରିନ୍‌କୁ, ହକ୍କୋସ୍‌ଦି ମାରିନ୍‌କୁ, ବର୍ସିଲ୍ଲୟଦି ମାରିନ୍‌କୁ, ଇୟା ବର୍ସିଲ୍ଲୟ ଗିଲିୟଦିୟ ବର୍ସିଲ୍ଲୟଦି ଅରେତ୍‌ ରିପାଦିଙ୍ଗ୍‌ ପେଡ଼ି କିତିଙ୍ଗ୍‌ ଆୟାତାନି ଦର୍‌ଇସାବ୍‌ତାନ୍‌ ୱେଙ୍ଗିଁତାତ୍‌ । ଇୟାକାର୍‌ କୁଟୁମ୍‌ତି ଦାଡ଼ିଦାନ୍‌ ଲେକିସ୍‌କିତି ଲୋକା ଲୋଇରାନ୍‌ ନିଜେଦି କୁଟୁମ୍‌ତି ଆକୁ ସୁଡ଼ୁତାର୍‌, ମାତର୍‌ ପୟ୍‌ଏତାର୍‌; ଇୟାଉଣ୍ତିଙ୍ଗ୍ ‌ଇୟାକାର୍‌ ଅସୁଚି ଆଜି ଲେକିସି କିଆୟ୍‌ଆଜି ଜାଜକ ପଦ୍‌ ଡ଼ିସାତାର୍‌ । ମାରି, ସାସନ୍‌କିନିକାନ୍‌ ୱାରିଙ୍ଗ୍‌ ଇର୍ହାନ୍‌ ଜେ, ଊରିମ୍‌1 ନି ତୁମ୍ମୀମ୍‌ ଆସ୍‌ନିମାନି ଏମେ ଜାଜକ ସଇ ସାନ୍ଧି ୱାର୍‌ ପବିତ୍ର ଜିନିସ୍‌ ତିନ୍‌ଡ୍ରେଙ୍ଗ୍‌ ଆଟ୍‌ଏର୍‌ ।

ମାରି, ଉଡ୍ରେମାନୁ ଉଣ୍ତାତିମାନି ୱିଜୁ କୁଟୁମ୍‌ ସାଲିସ୍‌ ଦୁଇ ଆଜାର୍‌ ତିନିସ ସାଟେ ଲୋକ୍‌ ମାର୍ହାର୍‌ । ଇକା ଡ଼ିସ୍‌ତିଙ୍ଗ୍‌ ୱାରି ସାକର୍‌ ସାକ୍‌ରାଣି ସାତ୍‌ ଆଜାର୍‌ ତିନିସ ତିରିସ୍‌ ସାତ୍‌ ଲୋକ୍‌ ମାର୍ହାର୍‌ । ମାରିବା, ୱାରି ଦୁଇସ ପାଟାପାର୍‌ନିକାର୍‌ ନି ପାର୍‌ନିକେଙ୍ଗ୍‌ ମାର୍ହାର୍‌ । ୱାରି ସାତ୍‌ସ ତିରିସ୍‌ ସଅ ଗୋଟା ଗଡ଼େଙ୍ଗ୍‌; ଦୁଇସ ସାଲିସ୍‌ ପାସ୍‌ ଗୋଟା ତାଡ଼ି ଗଡ଼ା; ସାରିସ ତିରିସ୍‌ ପାସ୍‌ ଗୋଟା ଉଟ୍‌କୁ; ସଅ ଆଜାର୍‌ ସାତ୍‌ସ କଡ଼େ ଗୋଟା ଗଦଙ୍ଗ୍‌ ମାରେଏ ।

ଇୟାୱେନ୍‌କା ବୁବାରି କୁଟୁମ୍‌ ଏସ ପେରି ଲୋକ୍‌ ପ୍ରବୁଦି ଜିରୁସାଲମ୍‌ତି ଇଲୁଦୁ ଇତାର୍‌, ମାପୁରୁଦି ଆୟା ଇଲୁ ନିଜେ ବାଡିଦୁ ତିଆର୍‌ କିନି ଉଣ୍ତିଙ୍ଗ୍‌ ନିଜେଦି ବଦାଦାନ୍‌ ଦାନ୍‌ କିତାନ୍‌ । ୱାର୍‌ ନିଜେ ନିଜେଦି ସାକ୍ତି ଇସାବ୍‌ତାନ୍‌ ଆୟା ପାଣିଦି ଇଲୁଦୁ ସାଟେ ଏକ୍‌ ଆଜାର୍‌ ଡ୍ରାକ୍‌ମା2 ବାଙ୍ଗାରାମ୍‌ ଅଦୁଲି ନି ପାସ୍‌ ଆଜାର୍‌ ପାଉଣ୍ତ ୱେଣ୍ତି3 ନି ଜାଜକରି ଉଣ୍ତିଙ୍ଗ୍‌ ସହେ ଗୋଟା ଆଙ୍ଗିଁପାସିୟା ସିତାନ୍‌ ।

ମାରି, ଜାଜକର୍‌ ମାରି ଲେବିୟର୍‌ ନି ଲୋକା ଲୋଇରାନ୍‌ ଏସ, ମାରି ପାଟାପାର୍‌ନିକାର୍‌ ମାରି ସେର୍‌ଲାକାପ୍‌କିନିକାର୍‌ ମାରି ମନ୍ଦିର୍‌ତୁ ସେବା କିଜିମାନି ଲୋକୁ ନିଜେ ନିଜେଦି ଗାଡ଼୍‌କାଙ୍ଗ୍‌ ନି ୱିଜୁ ଇସ୍ରାଏଲ ନିଜେ ନିଜେଦି ଗାଡ଼୍‌ତୁ ବାସା କିତାର୍‌ ।

Source notes (3)
  1. Footnote ଊରିମ୍‌ ମାପୁରୁଦି ବଦା ନେସ୍‌ନି ଉଣ୍ତିଙ୍ଗ୍‌ ଜାଜକ ବ୍ୟବହାର୍‌ କିଜିମାନି ଉନ୍‌ଡ୍ରି ପବିତ୍ର ଜିନିସ୍‌
  2. Footnote ଡ୍ରାକ୍‌ମା ଗ୍ରିସ୍‌ ଦେସ୍‌ତୁ ଅଦ୍‌ଲି ଆମାତାନି ବଜୁ ୫୦୦ କେଜି
  3. Footnote ୱେଣ୍ତି ପୁରା ୨୮୦୦ କେଜି ୱେଣ୍ତି

Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.