1 করিন্থীয় 5

মন্ডলী রে অসৎ সদস্য়

1সার্তি গে আয়ুমঅ তানা যে আপে কু তালারে হড়মালটম মেনা আ, হেৎদ নেকান হড়মালটম, অকা এটা জাতিকুরে হঅ বাঃআয় না, নেকানাঃআ চি আপেয়া তালারে হঅ হড়কু হড়মালটম নাতিনাং বুল চাবা কানাকু (নেকানাঃআ চি আপেয়া তালারে মিহুড় আয়া বাআ তেৎ রাআ এরা/হিরুম মাইতেৎ লঅ সম্পর্ক দঃহঅ তাৎআয়)1

2অটঃহঅ আপে নিয়া বাবত্তে গর্ব অ তানাপে, বরং চিয়া আ কাপে রদন লাৎআ, যাতে ইনিকে আপেয়া সমাজ হাতেৎ কুদা গিডি হ্যুয়কাআ, অকয় হড় নেকান কামী তাত্যায় মেন্তে!

3ইঞ, হড়মতে কাঞ তাহিলেন্খান চিকেয় না আত্মা তে তাহি কাতে, অকয় হড় নেকান কামী তাত্যায়্, তাহিয়ান হড় লেকা ইনি রাঃআ বিচার তাৎআঞ;

4আবুয়া প্রভু যীশু রাঃআ ঞুতুম তে আপেয়া আ হেৎদ ইঞা আ আত্মা মিৎ ঠাঁওরে তাহিলেন খান,

5আবুয়া প্রভু যীশু রাঃআ দাড়িয়ান লঅ ইনি লেকান হড়কে হড়মো নাসা নাতিনাং বঙ্গা রাঃআ তিহিরে এম উচাড় হ্যুয়া, যাতে প্রভু যিশু রাঃআ মাহারে2 ইনিরাআ আত্মা পরিত্রান নামে কাঃয়ায়্য।

6আপেয়া শ্লাঘা করা বেশ ল্হয়তানা। আপে দ্চি কাপে সারিয়া, ইতিচ তরাং তাড়ী রস গটা সুজি থাড়ি তাড়ি রসতে গাবা চাবাঃআ।

7মারি তাড়ি3 রাসি বাহার দুল গিডি কাতে আপনার কুকে শুচিকূপে; যাতে আপে নামা তাল লেকাপে হ্যুয়ায়্য়, আপে মাত তাড়ীবিহীন তানাপে, চিয়াচি আবুয়া সাকরাৎ পরব4 রাঃআ ভিডিদ বুলি দাড়ি সামাং হুয়ুয়া কানায়, ইনিদ খ্রীস্ট।

8ইন্খান হিজুপে, আবুদ মারি তাড়ি তেদ ল্হয়, হিংসা হেৎদ দুষ্টুমি রাঃআ তাড়ি দ ল্হয়, মেন্খান উদার তে হেৎদ সার্তিমন ভাবতে তাড়িবিনা5 পিঠা তে পরব বু মানায়ায়।

আসৎ রাআ নাতিনাং বিচার

9ইঞ ইঞাঃআ গিরা রে আপেকে নেকা অলালাৎ পেয়াঞ, হড়মালটমিচ কু লঅ জাহান সাগাই আল্পে দহ য়াআয়্য়;

10নিয়া ধার্তি রিঙ্কূ হড়মালটমিচ, চি লোভি, চি এটা হড় রাঃআ সম্পদ হাতা রাঃআ ইচ্ছা হড়কু, চি ধিরি হাসা রিঙ্কূ বানা ঠাকুরকে দেবা সেবা হড়কু লঅ ভিড়া হাতেৎ গাদা সাঙ্গীঙ রে তাহীন হ্যুয়ায়ায়্, এঙ্কা দ ল্হয়, চিয়া চি ইনেইন্কা করা লেনখান ধার্তি হাতেৎ বাহারতে সেন আপেয়ায়্য় লাক্তি হুয়ু দাড়ীয়ায়্য়।

11মেন্খান নাহা আ আপেকে অলাপে তানাঞ যে, পাতিয়ানিচ হাগা হুইকাতে যাহায় হড় যদি, হড়মালটমিচ, চি লোভি, চি ঠাকুর দেবা সেবায়ইচ, চি কু-জাগারিচ, চি বুলিচ, চি এটা হড় রাঃআ দৌলত লুটিচ হ্যুয়আ, এনেখান্ ইনি হড় লঅ সাগাইরে আলপে তাহিনা, এঙ্কান হড় লঅ হঅ আলপে জম নুয়া।

12চিয়াঃচি বাহার রিঙ্কূ হড়কু রাঃআ দরবার রে ইঞাঃআ কিনাআ ফায়দা হ্যুয়আ? আপে দ চি মন্ডলী ভীতির রিঙ্কূ কু হড় রাঃআ কাপে দরবার রাঃআ?

13মেন্খান ঈশ্বর দরবারে আয় বাহার হড়কু রাঃআ। আপে আপেয়া তালা হাতেৎ ইনি দুষ্টু হড়কে উডুং গিডিইপে।6