1 করিন্থীয় 4

খ্রীষ্ট রাঃআ কুলিচ

1হড়কু আবুকে নিয়া লেকা কু মনেৎ বুয়াআ যে, আবুদ খ্রীস্ট রাঃআ সেবক হেৎদ ঈশ্বর রাঃআ উকুয়াকান বাবদ কুরাঃআ কটাল অকয় কু রাঃআ চেতাং রে নেল আতেন রাঃআ জেমি দারি এমা কানা।

2হেৎদ নেথাং রে কটাল গংকে রাঃআ নিয়া গুণ হুয়ু লাক্তি, ইন্খান ইনিকে পাতিয়ানিচ লেকা ঞেল কাআয়।

3মেন্খান আপে লিয়া বাংখান যাহায় মান্মি রাঃআ বিচার আখড়া রে অকা ইঞাঃআ বিচার হ্যুয়ায়্য়, নিয়াদ ইঞাঃআ মতে ইতিচ তরাং রাঃআ বেপার; ইন্খান, ইঞ ইঞাঃআ হঅ কাঞ বিচারেয়া।

4চিয়া চি ইঞ ইঞাঃআ বাব্ত্তে যাহানা কাঞ সারিয়া, তুবুই রহঅ ইঞ বিন্দায়ী মেন্তে কাঞ প্রমাণ তানা; মেন্খান অকয় ইঞাঃআ বিচারেআয়, ইনি প্রভু (দুরাং. 19:12)

5এন্খান আপে অক্ত রাঃআ মাড়াং তে, অকা অব্দি প্রভু কায় হিজুয়ায়্য়, এনা অব্দি যাহান বিচার আল্পে করায়া; ইনি গে লুম্বারে উকুয়া কানা যতচআয়্য় মার্সালতে সদরেয়ায়্য়, হেৎদ রিদয় রাঃআ যত মন্ত্রনা সদরেয়ায়্য়; হেৎদ ইনা হুলাং যত হড় ঈশ্বর রাঃআ হান্ডে হাতেৎ আপান আপিন সাবাসিকু নামেয়া।

যিশু রাআ নাতিনাং মুর্খ

6এ ব্কঞ হেৎদ মিশিঞ তুকু, ইঞ ইঞাঃআ হেৎদ আপল্লো রাঃআ উপমা লিয়া আপেয়া নাতিনাং নিয়া যত জাগারিঞ গাম কেৎআঞ; যেন আলে লিয়া আপে নিয়া চেচেদাঃ নামেপে চি, অকাকু শাস্ত্র রে অল মেনাআ, ইনাকু তাড়ম পারম কাঃআ বেসা, আপে যাহায় যেন মিৎ হড় রাঃআ পক্ষে এটা হড় রাঃআ বিপক্ষে আল্পে গর্ব্ব য়াআয়্য়।

7চিয়া চি অকয় আপেয়া তালারে পক্ষপাতিত্ব1 সির্জন তাৎআয়? হেৎদ অকা কাম নামতাৎআ, এনেইঙ্কা না আ আমাঃ আ কিনা আ মেনা আ? হেৎদ চিন্তং ঞাম তাৎআম; ইন্তং যেন কাম ঞাম তাৎ আ, নিয়া লেকা চিয়া মনে কাতেন গর্ব্বয় তানাম?

8আপে নাহা আ পেরেচা কানাপে! নাহা আ কিসাড়া কানাপে! আলেয়া বিনা রাজত্ব নাম তাৎ আ পে! হেৎদ রাজত্ব নাম লেখান্পে বেশ কআপে হুনাং, আপে লঅ আলে হঅ রাজত্ব নাম্কেয়ালে হুনাং।

9চিয়াচি ইঞাঃআ মনে লেকা তেদ, কুলিচ কু যে আলে, ঈশ্বর আলেকে গজঃঅ রাআ সাজা নামাকান হড়কু লেকা মিছিল রাঃআ মুচাদিজ মেন্তে উদু নাতিনাং দঃহ তাৎলেআয়; চিয়া চি আলে দ ধার্তি রাঃআ হেৎদ নাঙ্গা কু রাঃআ অটঃহঅ মান্মি কু রাঃআ হান্ডে কুকলী রাঃআ জিনিস হুইয়াকানালে।

10আলে খ্রীস্ট নাতিনাং মুর্খ, মেন্খান আপেদ খ্রীস্ট হতেত্তে বুদ্ধিজিবি! আলেদ নিজুরি, মেন্খান আপেদ দাড়িয়ান হড়; আপেদ গৌরবান হড়, মেন্খান আলেদ হেয়ালি হড়।

11নাহা আ রাঃআ নিয়া অব্দি আলেদ রেঙ্গেচাকান, তেতাংয়াকান হেৎদ বিন কিচি সিনিব গেয়ালে, হেৎদ তিহিতে ভুকুড়া কাতে ঘায়েলা কানালে, হেৎদ বরবর রেলে মেনা আ লেয়া অড়া দুয়ার বাআয়না তালেয়া;

12হেৎদ নিজ তিহিতে কামী কাতে কুঠিন খাটাতানালে; নিন্দা নাম নামতে আশিষা কু তানালে, তাড়না নাম নামতে সাহাৎ আলে,

13বদনাম নাম নামতে বিনয়া কু তানালে; তিহিং অব্দি আলে ইহুদি কু যেন ধার্তি রিঙ্কূ আবর্জনা, যত বিষয় নাতিনাং জঞ্জাল হুই কাতে মেনা লেয়া।

যিশু কে অনুসরণ নাতিনাং পৌল রাআ উপদেশ

14ইঞ আপেকে গিয়ু এম নাতিনাং দঅ ল্হয়, মেন্খান ইঞাঃআ প্রিয় হন মেন্তে আপেকে চেতনা এম নাতিনাং নিয়া যত অলাপে তানাঞ।

15চিয়া চি যদিও খ্রীস্টতে আপেয়া গেলেজুলু2 চেচেদিজ কু তাহিনা, ইন্খান আপু দঅ গাদা লেকা ল্হয়; চিয়া চি খ্রীস্ট যীশু রে বুগিন বার্তা লিয়া ইঞগে আপেকে জানাম তাৎ পেয়াঞ।

16ইন্খান আপেয়া হান্ডে নেহর, আপে ইঞাঃ সুতু হড় হ্যুইওপে।

17নিয়া নাতিনাং ইঞ থিম্তিকে আপেয়া হান্ডে কুল্তিঃআঞ; ইনি দ প্রভুতে ইঞাঃআ প্রিয় হেৎদ পাতিয়ানিচ হন; ইনি আপেকে খ্রীস্ট যীশু রাঃআ বাব্ত্তে ইঞাঃআ হরা দিশা যত পাহামাপেয়ায়, অকাকু ইঞ যত ঠাওরে যত মন্ডলীরে চেচেদা আ এম আগু তাৎআঞ।

18ইঞ আপেয়া হান্ডে কাঞ হিজুয়া মেন্তে আপে কথক হড় গরবা কানাপে।

19মেন্খান যদি প্রভু মনেয়ায়, ইন্খান ইঞ ঘিড় মেন্তাংগে আপেয়া হান্ডেঞ হিজুয়া, হেৎদ অক্য়্কু গ্র্বাকান্দুকু, ইঙ্কূয়া জাগার দঅ লহয়, মেন্খান ইঙ্কূয়া ঈশ্বর চিন্তি দাড়িয়ানিচ মেন্তেগে সারি কাঞ।

20চিয়া চি ঈশ্বর রাঃআ পরগনাদ জাগার তেদঅ ল্হয়, মেন্খান ঈশ্বর রাআ দাড়িয়ান্তে।

21আপেয়া আ ইচ্ছা কিনা আ? ইঞ দ চি সাজা এম নাতিনাং হাপা স্যাপ কাতে আপেয়া হান্ডেঞ সেনা? চি দুলাড় হেৎদ মুলুচ মচা সাপা আত্মা তেঞ সেনা ?