1 করিন্থীয় 3

(গাগাম কু ঈশ্বর রাঃআ সহ কামিয়ান কু, ঈশ্বর রাঃআ সম্পদ রিঙ্কূ কটাল) মন্ডলী

1হেৎদ, এ ব্কঞ তুকু হেৎদ মিশি তুকু, ইঞ আপেকে আত্মিক মান্মি লেকা জাগার কাঞ গামা তাৎপেয়া, মেন্খান জাগতিক হড় কু লেকা, খ্রীস্ট রে পাতিয়া আকান হন কুরাঃআ লেকা জাগারে তানাঞ।

2ইঞ আপেকে তয়া নুউ তুকা লাৎ পেয়া, ম্যাডী কাঞ জম তুকা তাৎ পেয়া, চিয়াঃ চি ইন্তং আপেয়া দাড়ি কা হয়ুয়া কানা, এমনকি, নাহা আ হঅ আপেয়া দাড়ি বাআয়না।

3চিয়া চি নাহা আ আপে জাগতিক হড় লেকা মেনা আ পেয়া; বাস্তবিক চিন্তং আপেয়া তালারে ঈর্ষা হেৎদ বিবাদ মেনা আ গেয়া, ইন্তং আপেদ চি জাগতিক হড় ল্হয় তানাপে, হেৎদ মান্মি কু রাঃআ আরি চালি লেকা দ্চি কাপে সেসেন তানা?

4চিয়াঃ চি চিন্তং আপেয়া তালারে মিৎ হড় গামেয়ায় "ইঞ পৌল কে মানায়াঞ, হেৎদ অটঃ মিৎ হড়, ইঞ দঅ আপল্ল কে মানায়াঞ, ইন্তং আপেদ্চি মান্মি সুমুং ল্হয়?

ঈশ্বর রাআ দাস রাআ ভূমিকা

5বেশ, আপল্ল দঅ অকয়? হেৎদ পৌলদ অকয়? ইন্কিন মা ত পরিচারক মাত্র, অকয় লিয়া আপে পাতিয়ান হড় পে হয়ুয়া কানা; হেৎদ মিমিৎ হড়কে প্রভু চিল্কা এমা তাৎ কিনায়।

6ইঞ রহা1 কেৎআ, আপল্ল দাঃ আ দুল2 কেৎ আয়, মেন্খান ঈশ্বর হারা বুরু কেৎআয়্য়।

7তাহলে রহাইচ দ জাহিনিচ ল্হয়, দুলিইচ হঅ জাহিনিচ ল্হয়, হারা বুরুইচ ঈশ্বর দাতা গে সার।

8হেৎদ রহাইচ হেৎদ দুলিইচ বানার হড় রাআ দিশা মিয়াৎ গে, মেন্খান অকয় রাঃআ চিল্কা শ্রম, ইনি এনেঙ্কা আয়ায়্য় কাউডি নামেয়ায়।

9চিয়া চি আলে ঈশ্বর রাঃআ গে গাতি কামিয়ান হড়; আপে ঈশ্বর রাঃআ গে বাইদ, ঈশ্বর রাঃআ গে অড়া3 তানাপে।

10ঈশ্বর রাঃআ অকা অনুগ্রহ দান ইঞ কে এম হয়ুয়া কানা, ইনালেকাগে ইঞ আকিলান গাত্নি বাইয়ান হড় লেকা ভিত্তি বুটা বানা তাৎআঞ; হেৎদ ইনা রাঃআ চেনাং রে এটা হড় কু হঅ গাত্নি তানা; মেন্খান যত হড় সতর্ক আকু, চিল্কা লেকা ইনি ইনা রাঃআ চেতাং রে গাত্নিআয়।

11চিয়াঃ চি অকা স্থাপন হয়ুয়া কানা, ইনা বিনা এটা ভিত্তি বুটা যাহায় কাকু স্থাপন দাড়িয়া তাৎআ, ইনি দঅ যীশু খ্রীস্ট।

12মেন্খান নিয়া ভিত্তি বুটা রাঃআ চেতাং রে সনা, রুপা, গাদা দামী ধিরি, কাট, বুসু, ঘাসাড় লিয়া যদি যাহায় কু গাত্নিয়া, এন্খান যত হড় কু রাঃআ কামী সদর আ।

13কারন ইনা হুলাং গে ঞেলয়া, চিয়া চি ইনা হুলাং রাঃআ সদর সেঙ্গেল তেগে হ্যুয়ায়; হেৎদ জ্ত্চ রাঃআ কর্ম চিল্কা লেকা, ইনা সিঙ্গেল গে বিডা য়ায়্য়;

14অক্য়য় অকা গাত্নি তাত্যায়, হানি রাঃআ ইনা কর্ম যদি স্থির তাহিনা, এন্খান হানিদ কাউদী নামেয়ায়।

15অকয় রাঃআ কর্ম আতার আ, হানি দ ক্ষতিরে তাহিনায়, মেন্খান হানিদ আয়ায়্য় পরিত্রান নামেয়ায়। এনেখান্গে নিয়া লেকা নামেয়ায়, চিল্কা সিঙ্গেল তালাতে জিত্কার হ্যুয়ায়্য়।

16আপে দ চি কাপে সারিয়া, আপেদ ঈশ্বর রাঃআ মুন্দির, হেৎদ ঈশ্বর রাঃআ আত্মা আপেয়া অন্তরে বাসা কানায়?

17যদি যাহায় ঈশ্বর রাঃআ মুন্দির নষ্ট ইয়াকু, ইন্খান ঈশ্বর ইনিকে নষ্ট ইয়ায়্য়, চিয়াঃ চি ঈশ্বর রাঃআ মুন্দির রীলামালান, হেৎদ আপেগে ইনা মুন্দির।

18যাহায় আপনারকে আলয় ঠেকাই কাঃআয়, আপেয়া তালারে যাহায় যদি আপনারকে নিয়া যুগরে আকিলান মেন্তে মনেয়ায়, এন্খান ইনিদ আকিলানআয় মেন্তে মুর্ক কাতে তাহীন কাঃ আয়।

19যেহেতু নিয়া জগত রাঃআ অকা আকেল, ইনাদ ঈশ্বর রাঃআ হান্ডে মুর্ক। কারন রিলামালা শাস্ত্র রে অল মেনা আ 'ইনিদ আকিলান হড়কুকে ইন্কুয়া চালাকিতে স্যাপকুয়ায়্য়।

20অটঃ হঅ গে 'প্রভু আকিলান কু রাঃআ বাক ঝৌড়ি সারিয়ায়্য় যে, ইনা যত অসার।

21ইন্খান যাহায় মান্মি কুকে আলকু শ্লাঘা কুকা আ। চিয়া চি যতয়্যা গে আপেয়া;

22পৌল, চি আপৌল্লো, চি কৈফা, চি জগত, চি জীবন, চি মরণ, চি মেনা আ বিষয়কু, চি হাপেন হুলাং কু রাঃআ বিষয়, যতয়্যা গে আপেয়ায়্য়।

23হেৎদ আপে দ খ্রীস্ট রাঃআ হেৎদ খ্রীস্ট দ ঈশ্বর রাঃআ।