1 করিন্থীয় 6

বিবাদ হেৎদ হড়মালটম বাব্ত্তে থুতি

1আপেয়া তালা কুরাআ হাতেৎ যাহায় রাঃআ সাহস মেনা আ চি, এটা মিহুড় পাতিয়ানিচ্ হড় রাঃআ বিরূদ রে জাহান নালিস তাহি লেন্খান হানি রাঃআ দরবার রীলামালা হড় কু রাঃআ হান্ডে কাঃআ ইদি কাতে অধার্মিক হড় কু রাঃআ হান্ডে ইদিয়াকু?

2আপে চি কাপে সারিয়াপে যে, ঈশ্বর রাঃআ রীলামালা হড় কু ধার্তি রাঃআ কু দরবারেয়া? অটঃহঅ ধার্তি রাঃআ দরবার যদি আপেকে লিয়া হ্যুয়আ, এন্খান আপে চি সাধারণ বাব্ত্ত কু রাঃআ দরবার তে জ্গ্য় ল্হয়?

3আপে দ্চি কাপে সারিয়া যে, আবু সরগ নাঙ্গা কু রাঃআ বু দরবারেয়া? এনা নাতিনাং নিয়া জীউ রাঃআ বাবত মাআ আল্গা গেয়া।

4ইনাখান আপে লিয়া যদি নিয়া জীউ রাঃআ বাব্ত্তে দরবার হ্যুয়আ, ইন্খান মন্ডলীরে অকয় কুরাঃআ বাব্ত্তে লেখা লেকানা জাহানা আ বাআয়না, ইঙ্কূ কেগে দ চিয়া আ দরবার রেপে দুবেৎ কুয়া?

5ইঞ আপেকে গিয়ুঃ তুকা নাতিনাং নিয়া থুতিকু জাগারেপে তানাঞ। নিয়া দ চিল্কা? আপেয়া মন্ডলী তালারে দ্চি এনে এন্কান যাহায় মিৎ হড় হঅ আকেলবান বানুঃ কুয়া যে, অকয় হাগায়া হাগায়া কিন বিবাদ লেন্খান ইন্কিনা আ নিস্পত্তি তুকা কিনায়?

6মেন্খান হাগায়া লঅ হাগা দরবার ঠাওরে নিপিয়া আকিন, ইনাদ অটঃহঅ কাপাতিয়ান হড় কু রাঃআ হান্ডে।

7আপেমাত আপন আপিন রাঃআ দরবারপে আসি তানা, ইনাতে আপেয়া আ গে গাদা ক্ষতি হ্য়ুয়অ তানা। বরং অন্যায় চিয়া আ কাপে সাহাঃৎআ? বরং চিয়া আ কাপে বঞ্চিত তানা ? 8মেন্খান আপেগেপে অন্যায় এৎআ, ঠেকাৎ কুয়াপে, হেঁঃএ নিয়াদ পাতিয়ান হাগা কু লঅ গেপে করাঃআ।

9বাংখান আপে দ্চি কাপে সারিয়া যে, অধার্মিক কুদ ঈশ্বর রাঃআ পরগনা রে আইদারি কাকু নামেয়া? আল্পে ভ্রান্তঃআ, অকয় কু ছিনারী চি, ঠাকুর দেবা সেবায়ইচ চি, বিলাসিতা চি, রান্ডিবাজ চি, পরকিয়া চি, কুঠিয়া চি,

10কুমড়ু চি, লোভী চি, মাতাল চি, কুটুজাগারিচ চি, লুটারী চি, ইঙ্কূদ ঈশ্বর রাঃআ পরগনারে আইদারি কাকু নামেয়া।

11হেৎদ আপে তালারে হঃঅ কথক এনে এন্কান হড় পে তাহিলেনা; মেন্খান আপে প্রভু যিশু খ্রীস্ট রাঃআ নুতুমতে হেৎদ আবুয়া আ ঈশ্বর রাঃআ আত্মাতে আপে জ্ত্চ্ আবুং সাপা কানাপে, রীলামালান কানাপে, ধার্মিক মেন্তে পে লেখা কানা।

হড়মালটম

12জ্ত্যাআঃ গে ইঞাঃআ করনীয়, মেন্খান জ্ত্যাআঃ গে ইঞাঃআ হিত রাআ নাতিনাং, এংকা দ ল্হয়; জ্ত্যাআঃ গে ইঞাঃআ করনীয়, মেন্খান ইঞ জাহানা আ তেগে ভরসা কাতে কাঞ সেসেনাঞ।

13আপেয়া তালারে কথক পে গামেয়া "জমা নুউয়া1 লাহিচ্ নাতিনাং হেৎদ লাহিচ্ নাতিনাং জমা নুউয়া, মেন্খান ঈশ্বর বারানা আ গে লুপ্ত য়াআয়্য়। চিয়াচি হড়ম অ দঅ হড়মালটম নাতিনাং দ ল্হয়, মেন্খান প্রভু রাঃআ নাতিনাং, হেৎদ প্রভু দঅ হড়ম অ রাঃআ নেল আতেন নাতিনাং।

14হেৎদ ঈশ্বর আয়ায়্য় নিজ দাড়িয়ান্তে প্রভুকে জিউত বিরিৎ লিয়ায়্য়, আবু কে হঅ বিরিৎ বুয়ায়্য়।

15আপেদ্চি কাপে সারিয়া? আপেয়াআ হড় ম খ্রীস্ট রাঃআ অঙ্গ? এন্খান ইঞ দ্চি খ্রীস্ট রাঃআ অঙ্গ হুই কাতে রহঅ ছিনারী রাঃআ অঙ্গ কাতেঞ দহ্যয়আ? এঙ্কা দ সাঙ্গিংরে তাহিন্কাঃ আ।

16বাংখান আপেদ্চি কাপে সারিয়া? অকয় হড় হড়মালটমরে তাহিনায়, ইনি হানি লঅ মিয়াৎ হড় মঅ কিন হ্যুয়াআ, কারন শাস্ত্ররে অল মেনাআ "ইন্কিন বার হড় মিয়াৎ হড় ম কিন হ্যুয়াআ।2

17মেন্খান অকয় হড় প্রভুরা ভরসা রে তাহিনায়, ইনি দ হানি লঅ মিয়াৎ আত্মা কিন হ্যুয়আ।

18আপে হড়মালটম হাতেৎ সাসঙ্গিনরে তাহিনঃ পে। মান্মি এটা জাহানা য় কাই লেখানে য়, ইনা ইনি রাঃআ হড় ম রাঃআ বাহার রে, মেন্খান অকয় হড়মালটম য়ায়্য় ইনিদ আয়ায়্য় নিজ হড় ম রাঃআ বিরুধরে কাই য়ায়্য়।

19বাংখান আপেদ চি সারিয়া পে, আপেয়ায় হড় ম রীলামালা আত্মা রাঃআ মুন্দির তানা, অকয় আপেয়ায়্য় অন্তরে তাহিনায়, অকইকে আপে ঈশ্বর রাঃআ হান্ডে হাতেৎ নাম তিৎয়াপে?

20হেৎদ আপেদ আপেয়া ল্হয়, কারণ মূল্য লিয়া কিরিং তুকা কানাপে। এন্খান আপেয়ায় হড় ম তে ঈশ্বর রাঃআ গৌনমানতেপে।