Skip to content
BibleKenya

Dao Ao Dai Literal Text

Ma-tai 18

Toongx wax zanyf, wax đomc stayb sây buz taih stătx zâu Yê-su, naic coong: “Tauv yămz Tênb-toongh côkz six mănv năngx lub têx heh?” Tăng wa Zâu Yê-su êu ah lanh munh sây taih, Nănh phunz wax tauh sây yămz stiz mungh tongx yâuc coong: “Yaz coong senz bux nyâuh, năngđ coong nyâuh max coi wănc cayx năngđ ah lanh munh sây, nyâuh six senz max tuz ninyh nzac Tênb-toongh côkz. Wâyc nây, tinyh phanv laiv lanh nhlimc cănh ayx jenz cayx năngđ nâyx lanh munh sây, yămz wa Tênb-toongh côkz wax lanh six năngx lub têx. Năngđ coong laiv lanh tim yaz nyăngz manyh stipx ah lanh munh sây năngđ nâyx lanh nâyx, wax lanh six stipx yaz. Six laiv lanh ayx phunz nâyx đomc ah lanh munh sây jenz longđ, six zen yaz wax đomc, wax lanh munh six jic tuz điux ah nomz njăuz mac lub ănz nănh nyăngz clangz, yâuc pungx sêmh nzac coiđ stimz ninyh.

Bamh canz zuc zâuđ gôh wâyc naih wax đomc ayx phunz pamf stoif nyăngz jau! Wâyc zuc ayx phunz pamf stoif nyăngz jau stong oix naih, six, laiv lanh coib jau ayx phunz munh pamf stoif senz zuc zâuđ gôh! Max six, năngđ coong nyâuh nyăngz puf max six staux ayx phunz nyâuh pamf stoif, oix zuc zăm nănh quanyf queengx gâyh nyâuh. Nyâuh puf gutc max six staux gutc bix tuz nzac stâyv quâyx săngh nyăngz tinc six năngx gongx têx naih iz saz puf max six iz saz staux bix zuc quanyf ănz wa tâuf coiđ banc stâyv banc đaic. Năngđ coong nyâuh nyăngz mâyc ayx phunz nyâuh pamf stoif, bix ngwâyz nănh quanyf queengx năngx gâyh nyâuh. Nyâuh cungb naih ah nomz mâyc bix tuz nzac stâyv quâyx săngh nyăngz tinc six năngx gongx têx, naih iz nomz mâyc bix zuc quanyf nzac tâuf coiđ. Nyâuh oix zuc năngx cayb bôngh, năngx gâyf mangc stam laiv lanh nâyx đomc munh sây jenz. Yaz coong bux ănz nyâuh, stiz nyăngz wax đomc stinz munh yămz cah zâyc guungh muif dlih phătc yaz nyăngz Pha yămz wa cah zâyc Tênb-toongh. [Wâyc Bamh Munh taih six nongc njâuv ninyh gaih nyăngz munh.] Nyâuh nyâyh mungv jađ? Năngđ coong ah lanh munh naih ah pez tauh pax jiz yuungh, bix ah tauh ninyh gaih, nănh six max zâyf ănz zu săpc zu tauh ănz wa zoongz, bix setb ninyh lov wax tauh pax jiz yuungh ninyh gaih haz? Năngđ coong wax lanh munh lov tuz pongh wax tauh ninyh gaih, yaz coong senz, bux nyâuh, wax lanh munh six nyađ wax tauh ninyh gaih năngx nzongf têx wa zu săpc zu tauh max ninyh gaih. Lauf tinyh năngđ, nyâuh nyăngz cah zâyc Tênb-toongh Pha nyăngz âyx lauf max oix nongc laiv lanh nâyx đomc munh sây jenz zuc gaih ninyh.

Zef, năngđ coong nyâuh nyăngz yâuf pez ô stayx naih tix lanh ayx longđ ănz nyâuh, oix zuc cănh ninyh cloon nănh coong bux ănz nănh cuungv. Năngđ coong nănh mungv nyâuh, nyâuh six năngx tuz nyâuh nyăngz yâuf pez lauf. Six năngđ coong nănh max mungv nyâuh, bix ênz ah lanh max six iz lanh ninyh timb, wâyc tăng iz max six pôz lanh munh nyăngz nzetx ayx zanyx manyf wac six năngx toix têx. Six năngđ coong wax lanh munh lauf aox max mungv stiz, bix taih coong phunz jiux pangx, năngđ coong wax lanh munh lauf max mungv jiux pangx, nyâuh bix stunx wax lanh munh, nănh six năngđ max zen nyăngz munh cloon sâub sôiv munh. Yaz coong senz, bux nyâuh, max cun nyâuh stayb laiv huungđ yămz nây bamh canz, wax huungđ six lauf zuc stayb yămz wa cah zâyc guungh; zef năngđ coong nyâuh pungx max cun laiv huungđ yămz nây bamh canz, six wax huungđ lauf tuz pungx yămz wa cah zâyc guungh. Ah hâyđ timb, yaz coong senz bux nyâuh coong năngđ coong yămz nyâuh naih iz lanh munh hoopđ stimz tongh âyx yămz nây bamh canz max cun stiz joođ laiv huungđ, wax huungđ six tuz yaz nyăngz cah zâyc Tênb-toongh Pha ayx săngh phunz stiz. Wâyc laiv nomz tinc naih iz max six pôz lanh munh tim yaz nyăngz bux căpx dlonf, yaz six yămz stiz wa mungh tongx.”

Tăng wa, Pi-tê taih tauv stătx, naic Zâu Yê-su: “Zâu lex, yaz năngđ naih ah lanh yâuf pez ayx longđ ănz yaz, yaz six quanyf phunz nănh sax hâyđ heh? Tauv nhlic hâyđ tuz max?” Zâu Yê-su coong ănz nănh: “Yaz max zâyf coong ănz mâyh tauv nhlic hâyđ cuungv, six jetb săpc nyăngz nhlic hâyđ. Wâyc năngđ nâyx, Tênb-toongh côkz six lauf pây cayx năngđ ah tauh huungh nâyx, nănh songđ oix ayx năngx soongb nănh nyăngz zaix tanz cloon nănh wax đomc pâuz. Wax zanyf, huungh ah yac stunx zaix tanz, munh ênz ah lanh sămv huungh săpc tinb panc zaix taih phunz huungh. Six wax lanh munh max naih luungđ nongc clao, huungh songđ êu nănh zuc maic au sây cloon nănh naih nyăngz muif huungđ jax toongx, nongc clao zaix. Naz wax lanh pâuz songđ glinyf wa nib. Quâyc nzac huungh nyăngz cah đangc ninyh, coong: ‘Zâu lex, joođ mâyh nyangc phunz yaz, yaz cănh clao mâyh năngx soongb nzuf.’ Tăng wa, wax tauh pâuz nyăngz zâu numđ hâuđ lênh, songđ quanyf zaix phunz nănh yâuc pungx nănh muf. Six tauv setb cungh ngwaic ninyh, wax tauh pâuz pongh ah lanh cloon nănh ayx pâu wax đomc munh, wax lanh munh sămv nănh ah pez panc nyanh, nănh toopz wax lanh munh taih, neeng clangz, yâuc coong: ‘Mâyh sămv yaz zaix bix clao zef gôh.’ Tăng wa, waz lanh munh songđ quâyc nzac, jab joođ nănh, coong: ‘joođ mâyh nyangc phunz yaz, yaz cănh clao phunz mâyh.’ Six nănh max mungv. Nănh zef năngx zoz wax lanh munh, ênz ninyh ănz nzauh, zu tauv laiv zanyf nănh clao zaix soongb nzuf. Six, phătc nâyx đomc dlayc setb taih, wax đomc lêpc nănh ayx pâuz nyăngz munh numđ munz stimz. Songđ ninyh lănv wax đomc muif huungđ dlayc setb taih bux ănz stiz nyăngz zâu. Tăng wa, wax lanh pâuz nyăngz zâu êu wax lanh pâuz taih, coong ănz nănh: ‘Mâyh okx nzongf nyăngz pâuz lex, yaz quanyf nzuf zaix phunz mâyh wâyc mâyh jab joođ yaz. Mâyh max zâyf lauf hoopđ zuc hâuđ lênh ayx naz phunz mâyh nyăngz pâuz toic, cayx năngđ yaz hâuđ lênh mâyh nâyx haz?’ Nănh nyăngz zâu numđ nhlenx nzongf, songđ jaoz nănh phunz cun nzauh munh tuz tauv laiv zanyf nănh clao zaix soongb nzuf. Yaz nyăngz Tênb-toongh Pha six lauf ayx năngđ nâyx ănz nyâuh, năngđ coong nyâuh laiv lanh max naih stimz nyâuđ quanyf stoif phunz nyâuh nyăngz yâuf pez.”

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.