Ma-tai 17

1Joz noib cah đangz, Zâu Yê-su ênz Pi-tê cloon Nănh nyăngz yâuf Ya-coopc cloon Yô-hanx, Nănh lanyc ênz stiz lêpc staox ninyh tauv ah nomz zoongz njăngb. 2Zâu Yê-su nyăngz stinb sangc pyênv wav toongx stiz nyăngz cah đangc, Nănh nyăngz minb yâuc gwăngz cayx năngđ bah noib, Nănh nyăngz guyz yâuc pec nzomz staox taih năngđ gwăngz eeng. 3Six phanv mangc, Mô-sê cloon Ê-li-ya hinđ setb taih yămz stiz cah đangc cloon Zâu Yê-su coong wac. 4Wax zanyf, Pi-tê songđ coong ănz Zâu Yê-su: “Zâu lex pănh yămz nây senz gongx nzongf. Năngđ coong stayb pha oix, yaz six ayx pôz sênz njiuh ănz nây — ah sênz phunz stayb pha, ah sênz phunz Mô-sê, cloon ah sênz phunz Ê-li-ya.” 5Nănh năngx jinh coong wac wax zanyf, six phanv mangc, naih ah tungđ vănx pec taih sêmz stiz, phanv mungv, naih ah zâux wac yămz wa vănx, coong: “Nây six Yaz stăngz nyăngz Toonz, Yaz senz numđ nyađ nâyx tauh sây. Oix zuc mungv Nănh bex.” 6Numđ wax zanyf, wax đomc stayb sây songđ glinyf buc wa yâuc cumh nzav nzongf. 7Tăng wa Zâu Yê-su songđ taih stătx lumz stiz, yâuc coong: “Nyoongz quef gôh, năngx gâyf cumh nzav.” 8Six tauv stiz cany pyây mangc wax zanyf, stiz max phătc naih mănv cungb naih Zâu Yê-su ah lanh.

9Stiz tăng wa zoongz nzac lauf wax zanyf, Zâu Yê-su setb lanyf zăpx stiz, coong: “Năngx gâyf lănv nyâuh phătc nyăngz ănz mănv zu tauv laiv zanyf Bamh Munh tăng tayc ninyh tuz săngh taih blătc.” 10Wax đomc stayb sây naic Nănh, coong: “Ha săngh laix wax đomc nzaox gâyf stênx steengb, coong six Ê-li-ya oix zuc taih đangc heh?” 11Wax zanyf, Zâu Yê-su tauz, coong: “Manyf senz Ê-li-ya zuc taih đangc bênc săngh muif huungđ. 12Six yaz bux ănz nyâuh coong Ê-li-ya taih nzof gôh, six stiz max saz tuz nănh. Plănc taih, stiz âyz stimz ayx muif huungđ huđ ănz nănh. Lauf tinyh năngđ, Bamh Munh six cayx zuc tanyđ zâuđ tăng stiz.” 13Wax zanyf, wax đomc stayb sây songđ pâyz coong Zâu Yê-su coong tauv Yô-hanx Quaix-gâyf ănz stiz.

14Lauf tauv songx munh wa wax zanyf, naih ah lanh munh pha taih tauv stătx Zâu Yê-su, quâyc nzac Nănh nyăngz cah đangc ninyh 15yâuc coong: “Zâu lex, joođ hâuđ lênh yaz nyăngz toonz, wâyc nănh săngh tungf nyâyf gumc niđ nzongf, nănh hayh glinyf nzac tâuf ninyh, yâuc hayh glinyf nzac womz. 16Yaz ênz nănh taih phunz Mâyh nyăngz stayb sây buz, six stiz max hayh zany gongx phunz nănh.” 17Wax zanyf, Zâu Yê-su tauz coong: “Nâyx stâyv max zen yâuc cux quaiz nyăngz munh lex, yaz cayx căn nyâuh yămz tuz tauv laiv zanyf? Cayx nyangc nyâuh tuz tauv laiv zanyf heh? Ênz wax lanh sây taih nây phunz yaz.” 18Zâu Yê-su mađ manđ, manđ songđ setb gâyh wax lanh toonz jenz, nănh yâuc toongx wax nomz săngx huđ tuz zany gongx.

19Tăng wa, stayb sây buz cănh lanyc taih cloon Zâu yê-su, naic coong: “Wâyc săngh laix buz bix max luiđ tuz manđ setb heh?” 20Tăng wa Nănh coong ănz stiz: “Wâyc nyâuh nyăngz zen stimz sâub yongb. Yaz coong senz bux nyâuh, năngđ coong nyâuh naih zen stimz lomc ah nomz njayz jaix nhlimb, nyâuh six setb lanyf êu nâyx nomz zoongz: ‘Oix zuc stuyđ nâyx cuyb tinc quaix wa ninyh,’ nănh six stuyđ ninyh, yâuc max naih laiv huungđ coong nyâuh bix mayv ayx.” 21[Six nâyx huungđ manđ năngđ coong max zâyf njif nhlinc cloo Zâu six max hayh luiđ tuz setb.]

22Wax zany, stiz jinh đangh căpx dlonf yămz Ga-li-lê, Zâu Yê-su coong ănz stiz: “Bamh Munh cayx zuc zoz jaoz phunz munh nyăngz puf, 23stiz six tayx Nănh tayc, six tauv wax noib pôz Nănh zef năngx tuz săngh taih.” Wax đomc stayb sây buz songđ taux wa numđ stauh.

24Wax zanyf, stiz ninyh tauv Ca-bê-na-um dlanyh, Yămz bongc Zâu Tênb-Huungh nyăngz pyau wax đomc sâub sôiv munh taih naic Pi-tê, coong: “Mâyh nyăngz stayb pha max setb sôiv nyanh ănz bongc Zâu Tênb-Huungh nyăngz pyau haz?” 25Pi-tê coong: “Setb lêc.” Tauv nzac pyau njaf ninyh, Zâu Yê-su naic ănz nănh quaix đangc, coong: “Si-môn lex, mâyh nyâyh ayx laix heh? Nây bamh canz nyăngz huungh tăng mănv zoz sôiv nyanh? Tăng stiz nyăngz sây max six tăng cungh ngwaic munh heh?” 26Nănh tauz: “Tăng cungh ngwaic munh”, Zâu Yê-su coong ănz nănh: “Năngđ nâyx sây six max zuc setb. 27Six pănh max oix ayx phunz stiz longđ, mâyh bix ninyh wa coiđ, ănz tiux tekb tuz zetx tauh byauf. Mâyh bix watz byauf nzetx taih, cănh phătc ah leepz nyanh pec. Zoz tuz wax leepz nyanh, bix nzâyz ninyh setb phunz stiz caux yaz cloon mâyh nyăngz phănc.”