Ma-thi-ơ 7

1Óóq xêi lơt, buôn adhi anó yươq bâân xêi lơt. 2Ơi kalóóng rau tabóq patu hơq adhi anó xêi lơt, adhi anó e đơơp xêi lơt, lơq tââq chadhaq dhanang hơq adhi anó đang bang, chadhaq dhanang achêk e bâân đang bang nek palơq adhi anó. 3Hơq hau adhi anó tabâân lêi nanah kađaq kalóóng mat manưih adhi anó ađêi, bơơi adhi anó kah ve lêi khal n'lóóng kalóóng mat ađêi. 4Môôiq palơq n'đó kơi hơq amei e móón manưih adhi anó ađêi: ‘Nek lơơi aku pei nanah kađaq pagluh tââq mat amei,’ hơq lêi tôôh, khal n'lóóng dyơq tơơt kalóóng mat adhi anó? 5Manưih têêng paliêm galơơk tôôh! Laloom kơ, nek pei khal n'lóóng pagluh tââq mat ađêi, nek tatun ađek, adhi anó e lêi drêh buôn pei nanah kađaq pagluh tââq mat manưih adhi anó ađêi. 6Adhi anó óóq đóng kabhuh anuq rau liêm, kung óóq m'peq ngok-traai ưng ađêi toom mat kabhuh adhââk. E vaaih piđó đâq kadhaat nôôq rau ađek dhiq dyung piđó, lơq xong xók palâh lóóiq nek piđó kap tech adhi anó xar ting paleh.

7Phaai nhan, lơq rau ađek e bâân đóng leq adhi anó. Phaai tabâân, lơq adhi anó e lum. Phaai takóq, lơq palóng e bâân lóng đóng adhi anó. 8Ơi dhơ ngaai nhan nek bâân; ngaai chik-chêk nek lum; lơq, palóng e bâân lóng đóng ngaai takóq. 9Môôiq, ve ngaai dhiq kalóóng adhi anó, nek manưih hơq akóón ađêi nhan beng — ve kơq manưih ađek e đóng panong akóón khuk dhơl? 10Môôiq panong akóón kung nhan kadhóóng — ve kơq manưih ađek e đóng ađó kaxênh? 11Kơi achêk, la adhi anó, nek môôp, n'nal đóng akóón anaaq ađêi nôôq kaliim kliim kre liêm, nek Ama ưng adhi anó dhiq katiêk pleng e đóng leq nôôq ngaai nhan Ađó bơk rau kre liêm lơh n'nal n'đơq mơ? 12Taai ađek, kalóóng dyóp rau tarnêêng, la adhi anó kiêng bhơt dhơ dharau buôn palââng têêng đóng ađêi, nek adhi anó kung phaai têêng kơi achêk đóng piđó, ơi ađek nek gani lơq nôôq paraaq đââng taruuih.

13Phaai vôôiq mót hót palóng jeet, ơi palóng bhươh lơq kalơng thuông gamak đââng tơk rau chêt bil, lơq ve bơk manưih vôôiq mót hót ađó. 14Achêk nek taai palóng jeet lơq kalơng bâân têêng đóng jeet đââng tơk parmông, hơq ve m'bưưiq manưih bâân lêi ađó.

15Phaai hêch lêi leq nôôq manưih đââng taruuih galơơk, nek nôôq đu xơp gróh trưưu tơk palơq adhi anó, bơơi hót kalóóng, piđó nek dhong axing n'thaam đah. 16Adhi anó e bâân n'nal piđó tââq dhiq pale ưng piđó. Palââng kah ve mơ leh nho tââq tââm axông, môôiq pale tarung tââq tââm atóch? 17Tarvaai kơi ađek, dyóp n'lóóng liêm nek bóóng pale liêm, dyơq n'lóóng môôp nek bóóng pale môôp. 18N'lóóng liêm kah chóóm bóóng pale môôp, n'lóóng môôp kung kah chóóm bóóng pale liêm. 19Dyóp n'lóóng kah bóóng pale liêm nek bâân takươl lơq m'peq leq óih. 20Kơi achêk hayơq, bhơt kah nek adhi anó e phaai n'nal piđó tââq dhiq pale ưng piđó. 21Eh rau dyóp ngaai praaq palơq thêi: ‘Kakoh Chuôq, kakoh Chuôq’, e mót kalóóng katiêk pleng, bơơi nek manưih đu têêng karnóq kiêng ưng Ama thêi dhiq pleng. 22Kalóóng tangêi ađek, bơk ngaai e móón palơq thêi: ‘Kakoh Chuôq, kakoh Chuôq, kah alua nôôq yi ơi vơn dhanóók Amei loom đââng taruuih, ơi vơn dhanóók Amei viêng abhưi lơq ơi vơn dhanóók Amei têêng bơk tarnêêng karơ mataai alua?’ 23Lơq bhêêl ađek, thêi e praaq karơ drêh palơq piđó kơi ađô: ‘Aku kah ve glêh n'nal nôôq pe mơ! Kabhuh têêng aak tôôh, phaai yuur xooq tââq Aku!’

24Taai ađek, ting chanak, hơq nek dhơ dhangaai tameng xâng nôôq paraaq ađô ưng thêi lơq yuur têêng ađó e bâân m'priing kơi mưi manưih tabech galang, nek manưih têêng đong ađêi dhiq hóng dhơl. 25Bó n'toh, đơơk tuh chô, adhiiq pruung lơq kabhrung pakhơp leq đong achêk, hơq ađó yươq hachươp taai ađó ơi bâân têêng dhiq hóng dhơl. 26Lơq dyóp đu tameng xâng nôôq paraaq ađô ưng thêi hơq kah yuur têêng ađó nek e bâân m'priing kơi mưi manưih đu ngôôk, nek đu têêng đong ađêi dhiq xuôr. 27Bó n'toh, đơơk tuh chô, adhiiq pruung lơq pakhơp leq đong achêk, nek ađó kalơm hachươp lơq rau preh jir ưng ađó nek lóng gamak.”

28Tarnêêng yuur vaaih ađek nek bhêêl Chuôq Jê-su truuih xong nôôq paraaq ađô, tanóói dhanuôr lóng chrih xâng tââq rau truuih pachóóm ưng Ađó, 29Ơi Ađó pató pachóóm palââng kơi ve mataai raman, hơq yươq thê nôôq manưih pachóóm gani ưng piđó.