Katu Bible Literal Text
Ma-thi-ơ 8
Xók achêk, xong xók Ađó tư tââq bôôl vôôiq dhaluônh, nôôq tanóói dhanuôr ganơr vôôiq ting Ađó. Lêi tôôh, mưi manưih ka-ai tơơt bhơơi xong xók vôôiq tơk, ơi chakoh toom Ađó, móón: “Kakoh Chuôq, la Amei iêm lóóm, Amei ve mataai buôn têêng aku chóóm sek.” Hayơq xók ơi hayuur têi charó, Chuôq kadhâng leq ađó, praaq: “Aku iêm lóóm. Phaai sek aq.” N'drươh ađek, ađó ađek bâân sek bhơt ka-ai tơơt bhơơi ưng ađêi. Chuôq Jê-su praaq palơq ađó: “Phaai chagơn, amei óóq chêk praaq palơq ngaai, bơơi phaai vôôiq pakah ađêi kala palơq takóh kadhâng bhanuôih lơq tapôông bhanuôih hơq Môôi-se ơi truuih pachóóm, kơi mưi paraaq truuih đóng piđó.”
Xók achêk, xong xók Ađó vôôiq mót kalóóng kanóón Ka-bê-na-um, mưi bhalơng linh ơi tơk palơq Ađó, gavơh nhan Ađó kơi ađô: “Kakoh Chuôq, dhơn ratơơq ưng aku bêch ligleng dhiq đong, đơơp ka-ai karuôq kah kơi bhlơng.” Chuôq praaq palơq ađó: “Xók ơi tơk, aku e payươh đóng ađó achêk.” Xók ââi lóóiq, bhalơng linh móón: “Kakoh Chuôq, aku nek kah chóóm đaang đóng Amei ve kơq vôôiq mót leq parlóng đong aku, dhơ kơi ađek nhan Amei chapiên praaq mưi paleh, nek dhơn ratơơq ưng aku e bâân yươh. Ơi aku kung nek mưi manưih bâân patơơt raal kataai đu lââng, ve nôôq kabhuh linh dhiq raal ađêi. Aku praaq palơq manưih ađô: ‘vôôiq aq,’ nek ađó yuur vôôiq, palơq manưih lââng: ‘Phaai tơk,’ nek ađó ađek tơk, lơq palơq dhơn ratơơq ađêi: ‘Phaai têêng rau ađô,’ nek ađó têêng.” Bơơi xók xâng kơi achêk, Chuôq Jê-su chrih xâng lơq praaq palơq nôôq manưih xók vôôiq ting Ađó: “Alua, thêi praaq palơq adhi anó, thêi kah glêh lêi lóóm huuiq gamak kơi achêk tââq mưi nak ngaai kalóóng I-sơ-ra-êên. Palâh lóóiq, thêi móón adhi anó kơi bơk manưih e bhral tââq charhóóng mat blo lơq charhóóng mat blót, hayơq piđó e bâân tơơt cha nek palơq Ap-ra-haam, I-saak lơq Ja-kôôp kalóóng katiêk pleng. Bơơi nôôq akóón ưng katiêk e bâân m'peq leq bóng kanam kadhiiq hót nguôi, nek dhiq e ve rau kalau nhiim lơq takachênh kaniêng.” Hayơq Chuôq Jê-su praaq palơq bhalơng linh: “Nek chô aq! Kơi amei ơi huuiq, tarnêêng achêk phaai bâân têêng paxong đóng amei.” Lơq manưih dhơn ratơơq achêk ơi chóóm bâân yươh xók bhêêl ađek.
Xong xók Chuôq Jê-su mót kalóóng đong ưng Phi-e-rơ, Ađó lêi akan kađiêl ưng Phi-e-rơ bêch dhiq dharââng lơq xók ka-ai kahiir. Ađó kadhâng leq têi ưng amooq, lơq ka-ai kahiir yươh tââq amooq, hayơq amooq yuur tơơt lơq nek ting yaauq Ađó. Xók achêk, bhêêl ơi tơk habu blót, palââng đââng tơk leq Ađó bơk manưih đu abhưi bóq, Ađó viêng pagluh nôôq yaang achêk palơq mưi paraaq praaq lơq payươh đóng bhơt dyóp nôôq ngaai mơk ka-ai, ng'kơi đóng tarnêêng achêk bâân tajaap paraaq ơi bâân praaq tââq Ê-saai manưih đââng taruuih kơi ađô: “Chênh Ađó ơi pei gưi nôôq rau ka-ai dhuôr ưng nôôq he lơq ơi đơơp geng ka-ai karuôq ưng nôôq he.”
Xók achêk, bhêêl xók lêi tanóói dhanuôr xirvir praang ađêi, Chuôq Jê-su nek kayua yuur vôôiq chaang tóór hót tôôh. Hayơq mưi manưih pachóóm gani, xong xók tơk đan, ơi móón palơq Ađó: “Thêi ơơi, aku e ting thêi dhơ dhaleq thêi vôôiq.” Chuôq Jê-su praaq palơq ađó: “Axing ve bóng, lơq achim pleng ve xaruh, bơơi Akóón Manưih kah ve dhiq hơq Ađó ve chóóm ta-ââih akoq.” Kơi achêk hayơq, mưi chanak lââng kalóóng nôôq môôn-đô móón palơq Ađó: “Kakoh Chuôq, nhan đóng pheep aku laloom kơ nek yuur chô lơq tơp ama aku” Bơơi Chuôq Jê-su praaq palơq ađó: “Bhiêk ting thêi, lơq nek lơơi manưih chêt tơp manưih chêt ưng piđó.”
Xók Ađó ơi mót leq kalóóng bhuông, nôôq môôn-đô ưng Ađó vôôiq ting Ađó. Lêi tôôh, mưi ganơt adhiiq lóng gamak yuur vaaih dhiq taxiiq, tơk mơ bhuông bâân ga-uul đơơk dhuum. Bơơi Ađó xók bêch. Hayơq xók tơk đan, piđó payuur Ađó, móón: “Kakoh Chuôq, nhan Amei paq jóói; nôôq he ravang chêt aq!” Lơq Chuôq praaq palơq piđó: “Nôôq manưih m'bưưiq lóóm huuiq tôôh, hau adhi anó kakhin kapơn?” Xong ađek, xók ơi yuur, Ađó katah adhiiq lơq taxiiq, nek yuur vaaih pat parngau liglia. Dyơq nôôq manưih achêk hêq lêi, móón: “Manưih ađô nek ng'kơi dhơq, taai patơk mơ adhiiq lơq taxiiq maar xâng bóóp Ađó?”
Hayơq bhêêl Ađó ơi vôôiq chaang tóór hót tôôh, tơk parah Ga-đa-ra, bơơr chanak bâân abhưi bóq nek tơk lum Ađó, xong xók vôôiq gluh tââq dham ping xaal, nhiđó lóng tagah kakhin lêi tơk mơ kah ngaai ve khin buôn vôôiq hót kalơng ađek. Lêi tôôh, nhiđó yuur treeh, kơi ađô: “Kakoh Akóón Yaang Pleng, Nôôq yi palơq Amei ve rau dhơq? Amei tơk leq ađô buôn têêng janah nôôq yi laloom ganah kơq?” Bhêêl achêk, ve mưi kanan adhââk lóng bơk xók tatưưk tââq piđó yươq rau changaai. Kơi achêk hayơq, nôôq abhưi mââl nhan Ađó, kơi ađô: “La Amei pagluh nôôq yi, nhan đóng nôôq yi jaq leq kanan adhââk tôôh.” Chuôq yua piđó: “Vôôiq aq!” Kơi achêk nek xong xók ơi gluh, kabhuh piđó jaq leq kanan adhââk; lơq nek lêi tôôh, tabhơt kanan yuur n'tôq tââq dharluônh traan tanjơt tơk leq taxiiq, hayơq piđó chêt dhiq đơơk. Bhêêl achêk, nôôq manưih jư adhââk xooq mut, lơq xong xók chô tơk kanóón, piđó truuih lóóiq dyóp rau, tabhơt nôôq chiên ve pâng tơk nôôq manưih bâân abhưi bóq. Lơq nek lêi tôôh, bhơt kanóón karu gluh buôn lum Chuôq Jê-su. Xók ơi lêi Ađó, piđó mââl nhan ng'kơi đóng Ađó yuur xooq leq lââng lơh tââq xưưq xaang ưng piđó.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.