Ma-thi-ơ 6

1Phaai chagơn leq tarnêêng bhơt liêm ưng ađêi ng'kơi đóng óóq têêng toom mat palââng đóng bâân palââng lêi giêl, bơơi la kah kơi achêk, nek e kakhin adhi anó kah ve kaliim haanh kalóóng rau pakah mat ưng Ama ađêi dhiq pleng. 2Taai ađek, bhêêl adhi anó pađơơp ưng poor đóng, óóq plong keeng toom mat ađêi dhiêp kơi nôôq đu têêng paliêm galơơk têêng kalóóng nôôq đong gươl lơq dhiq chóók kalơng bơk manưih, ng'kơi đóng piđó bâân bhi haanh tââq palââng. Alua thêi praaq palơq adhi anó, piđó ve dyóp kaliim haanh ưng ađêi. 3Bơơi xók adhi anó pađơơp ưng poor đóng, óóq lơơi đóng têi ađaai ưng adhi anó n'nal tarnêêng têi atươm ađêi xók têêng, 4ng'kơi đóng tarnêêng poor đóng ưng adhi anó ve chóóm tơơt kalóóng dhiq đu lââp, lơq Ama ưng adhi anó, Yaang đu lêi dhiq kalóóng đu lââp, e đóng kliim leq adhi anó.

5Lơq bhêêl adhi anó gavơh nhan, nek óóq kơi đu pathê paliêm galơơk, ơi piđó kiêng gavơh nhan xók ơi dyương dhiq nôôq đong gươl lơq dhiq nôôq tóór kalơng, ng'kơi đóng piđó ve chóóm bâân palââng dhamơn lêi. Alua, thêi praaq palơq adhi anó, piđó ve dyóp kaliim haanh ưng ađêi. 6Dyơq adhi anó, xók adhi anó gavơh nhan, phaai mót kalóóng buông n'tua ưng adhi anó, lơq xók ơi kađơp palóng buông ađêi lóóiq, nek gavơh nhan palơq Ama ađêi, kalóóng dhiq đu lââp achêk, lơq Ama ưng adhi anó, Yaang đu lêi kalóóng dhiq đu lââp, e đóng kliim leq adhi anó. 7Lơq dyơq xók gavơh nhan, adhi anó óóq praaq palâh palaang vil kơi kah malơơi i kơi nôôq dhanuôr manưih nguôi, ơi piđó ngóq kơi đươi rau bơk praaq ưng ađêi, piđó e bâân tameng xâng. 8Taai ađek, adhi anó óóq hayơq thê kơi piđó, ơi Ama ưng adhi anó n'nal adhi anó ve kiêng hau rau xók kah ơi adhi anó gavơh nhan Ađó. 9Kơi achêk, adhi anó phaai gavơh nhan nô kơi:

‘Kakoh Ama nôôq akóón dhiq pleng,

nhan Dhanóók Amei bâân bhi liêm.

10Nhan katiêk Amei đâh tơk,

nhan karnóq kiêng Amei bâân yuur vaaih

dhiq katiêk kung kơi dhiq pleng.

11Nhan đóng leq nôôq akóón mađôk tarmông dyóp tangêi ưng nôôq akóón;

12lơq nhan lơơi lơt nôôq akóón leq nôôq matu lơt ưng nôôq akóón,

kơi nôôq akóón kung ơi lơơi lơt nôôq đu matu lơt palơq nôôq akóón;

13lơq nhan óóq đââng nôôq akóón leq dharơơl galơơk,

bơơi jóói paq nôôq akóón tââq đu aak.’

14Ơi la adhi anó lơơi lơt đóng palââng nôôq rau lơt ưng piđó, nek Ama dhiq pleng ưng adhi anó kung e lơơi lơt đóng adhi anó. 15Dyơq la adhi anó kah lơơi lơt đóng palââng, nek Ama ưng adhi anó kung e kah lơơi rau nôôq têêng lơt ưng adhi anó.

16Kơi lââng, xók adhi anó điêng cha, óóq têêng lóng kơi nôôq đu ranguôq mat têêng paliêm galơơk, ơi piđó kachrik kachrââq moh mat ưng ađêi buôn piđó ve chóóm pakah đóng palââng lêi nek xók drơng cha. Alua, thêi praaq palơq adhi anó, piđó ve dyóp kaliim haanh ưng ađêi. 17Dyơq adhi anó, xók điêng cha, phaai xut dhơu dhiq akoq ađêi lơq buôch mat ađêi, 18ng'kơi đóng adhi anó óóq ve pakah đóng palââng lêi nek xók điêng cha, bơơi nek đóng Ama ađêi kalóóng dhiq kiêr lââp; lơq Ama ưng adhi anó, Yaang đu lêi kalóóng dhiq đu kiêr lââp, e kliim haanh đóng adhi anó.

19Óóq karong ha-ơu đóng ađêi kala drươp karvaan dhiq katiêk, nek dhiq hơq kamuôr akóót palơq ateet aróóq pahư tabil, kung nek dhiq hơq manưih tatông tông mót lơq tông pei. 20Bơơi phaai karong ha-ơu đóng ađêi drươp karvaan dhiq pleng, nek dhiq yươq ve kamuôr akóót môôiq ateet aróóq pahư tabil, lơq nek dhiq hơq manưih tatông yươq tông mót môôiq tông pei. 21Ơi drươp karvaan ưng adhi anó tơơt n'dhiq, nek lóóm ưng adhi anó kung e dhiq ađek. 22Kaliêng mat nek dhơu ưng achak araang. Taai ađek, la mat adhi anó nek liêm, hơq tabhơt achak araang adhi anó e bâân bhlaai xưa brương braang. 23Bơơi la mat adhi anó nek môôp, nek tabhơt achak araang adhi anó e bâân bing bhlaai bóng kanam. Kơi achêk, la kalaaq brương kalóóng adhi anó nek bóng kanam, nek bóng kanam achêk tagah gamak n'nal mơ! 24Kah ngaai ve chóóm têêng yaauq bơơr kala, ơi manưih ađek môôiq e geet kala ađô hơq nh'nhơr kala tôôh, môôiq e bhơt lóóm palơq kala ađô hơq lêi kađiq kala tôôh. Adhi anó kah ve chóóm têêng yaauq Yaang Pleng palơq jêên karvaan. 25Ơi taai rau ađô, thêi praaq palơq adhi anó, óóq karaang leq parmông ưng adhi anó, leq hau rau ađêi cha môôiq hau rau ađêi ơm, môôiq leq achak araang ưng adhi anó, leq hau rau ađêi xơp. Kah alua parmông nek đu kiiq lơh tarmông, lơq achak araang đu kiiq lơh rau n'đóh xơp eh alua? 26Phaai chamet lêi dhiq nôôq dhong achim pleng, kơi piđó kah chóói, kung kah xóót, môôiq karong ha-ơu leq póóm jơơng, hơq Ama dhiq pleng ưng adhi anó ban piđó. Adhi anó kah ve kiiq liêm lơh piđó eh alua? 27Kơi lââng, ngaai đu dhiq m'pơng adhi anó xók karaang kakhin nek ve chóóm tatrul mưi ganah leq đơơi ưng ađêi? 28Lơq ng'kơi adhi anó karaang leq kun aau? Phaai chamet lêi padrêh leq nôôq pô dhalôôm dhiq hare, n'đó kơi hơq piđó yuur chat. Piđó kah gleh nhok, kung kah bhliiq hangươn. 29Bơơi thêi praaq palơq adhi anó kơi dhơ nek bhua Sa-lô-môôn, kalóóng tabhơt rau liêm kra ưng ađó, kung kah bâân xơp kun aau đóng ađêi thê kơi mưi kalóóng nôôq pô ađek. 30Hayơq la Yaang Pleng lơơi kơi achêk đóng bhơơi dhiq klung, nek rau ađôk dyơq, lơq rayiiu bâân m'peq leq óih, nek nôôq đu m'bưưiq lóóm huuiq tôôh, vil Ađó kah chóóm têêng bơk lơh môôiq kơq? 31Taai ađek, adhi anó óóq karaang hơq móón: ‘Nôôq he hau cha?’ môôiq nek ‘nôôq he hau ơm?’ môôiq nek ‘Nôôq he hau xơp?’ 32Ơi nôôq dhanuôr manưih nguôi chêk-tabâân tabhơt nôôq rau ađô; lơq ơi Ama dhiq pleng ưng adhi anó n'nal kơi adhi anó kơng tabhơt nôôq rau achêk. 33Bơơi laloom tââm phaai chêk tabâân katiêk lơq rau bhơt liêm ưng Ađó nek tabhơt nôôq rau ađek e bâân đóng kơơq leq adhi anó. 34Taai ađek, adhi anó óóq chóóm karaang leq tangêi rayiiu, ơi tangêi rayiiu e gamang đóng tangêi rayiiu. Ve dyóp đóng mưi tangêi chiên kadhaap nhok ưng tangêi ađek.