Skip to content
BibleKenya

Katu Bible Literal Text

2 Kô-rin-tô 5:17

Verse 17 is marked below, with the whole chapter around it. Read from the start

Taai nôôq he n'nal kơi la dhanong đong dhiq katiêk ưng nôôq he, hơq nek ưng pơơq pađơ ađôk, bâân rơh pahư, nek nôôq he ve mưi tarnêêng yuur têêng gluh tââq Yaang Pleng, nek đong tơk nh'chró dhiq nôôq klaang pleng, eh tââq têi manưih he yuur têêng. Lơq alua, nôôq he xaxih kagôh kalóóng dhanong đong ađô, dyơq xók đương rââm bâân xơp kơơq leq dhiq dham tơơt ưng ađêi tââq dhiq pleng, lơq bhơt m'bưưiq la nek ơi xơp, nôôq he e yươq bâân lêi nek lalôh lalut. Lơq alua, nek nôôq manưih xók tơơt kalóóng pơơq pađơ ađô, nôôq he xaxih kagôh taai đơơp nhưh nhok, ơi taai rau ađek hơq nôôq he kah kiêng bâân lôh xalun, bơơi bâân ng'guôk thêêm kơơq, buôn nôôq ting xâng rau akan chêt ve chóóm bâân galuôn tabil tââq rau mamông. Mat lââng, Yaang ơi ravang nôôq he đóng chênh rau ađô nek Yaang Pleng, nek Yaang ơi đóng leq nôôq he rau karnal ưng Yaang Liêm. Taai ađek, dhơ taluôn luôn nhóól lóóm nek biêh n'nal kơi xók tơơt kalóóng đong dyaang achak ađô, nôôq he xók changaai tââq Chuôq, ơi nôôq he bhadyaang vôôiq tââq lóóm huuiq, eh tââq mat chóóm lêi. Hayơq nôôq yi bhiêk nhóól lóóm lơq bhuui lóóm nh'jang changaai tââq dyaang achak ađô lơq tơơt đong palơq Chuôq nek lơh. Đóng hayơq nôôq yi bhơt lóóm tabhlơng buôn bâân bhuui lóóm Chuôq, dhơ nek tơơt kalóóng đong môôiq changaai bhlưa. Ơi rau pa-eep nek palơq tabhơt nôôq he nek phaai bâân gluh pakah toom tanơơt praaq xêi ưng Chuôq Paq Manưih, hơq đóng ting chanak ve chóóm đơơp lóóiq nôôq rau ađaang glap palơq nôôq tarnêêng hơq ađêi ơi têêng tapâng dhiq dyaang achak, ve nh'jau nek liêm môôiq môôp.

Taai ađek, ơi n'nal rau ađaang bhi kakhin ưng Chuôq, nôôq yi praaq pakah đóng palââng. Hayơq nôôq yi bâân Yaang Pleng n'nal drêh, hơq aku kung rââm lóóm bâân n'nal drêh kalóóng lóóm karnóq ưng adhi anó. Eh rau nôôq yi vil xók tư pakah ađêi kala palơq adhi anó, bơơi nek xók đóng adhi anó mưi kapươk tarhơơnh ơi taai nôôq yi, buôn adhi anó ve chóóm ve paraaq tar-ââi đóng leq nôôq manưih laach jơơr dhiq parliêm hót nguôi hơq eh rau kalóóng lóóm. Ơi la nôôq yi ve vaaih xươl, achêk nek taai Yaang Pleng; la nôôq yi ve chagơn kajơq, achêk nek taai adhi anó. Tââq lóóm nh'nhơr ưng Chuôq Paq Manưih pa-eep nôôq yi, xong xók chamet lêi rau ađô: ađek nek mưi chanak ơi chêt klóóih đóng dyóp ngaai; đóng hayơq, dyóp ngaai ơi chêt. Ađó ơi chêt klóóih đóng dyóp ngaai, buôn nôôq ngaai xók mamông kah dyơq mamông taai chênh ađêi dyơq, bơơi nek taai Yaang ơi chêt klóóih piđó lơq ơi bâân têêng mamông lóóiq. Kơi achêk hayơq, tââq xók ađôk, nôôq yi kah dyơq n'nal ngaai ting manưih ti. Patơk mơ dhơ nôôq yi ơi glêh đơơp n'nal Chuôq Paq Manưih ting manưih ti, bơơi bhêêl ađôk, nôôq yi kah dyơq đơơp n'nal Ađó ting kơi achêk dyơq. Kơi achêk, la ngaai tơơt kalóóng Chuôq Paq Manưih hơq nek mưi manưih vaaih tame. Nôôq rau ti ơi lơh bil; lêi tôôh, nôôq rau tame ơi vaaih bhral. Dhơ kơi ađek, pabhơt nôôq rau ađô gluh tââq Yaang Pleng, nek Yaang ơi paliêm lóóiq nôôq he palơq chênh Ađó đươi Chuôq Paq Manưih lơq ơi pajaau đóng nôôq he tarnêêng têêng paliêm lóóiq ađô, kơi ngóq nek Yaang Pleng tơơt kalóóng Chuôq Paq Manưih, xók paliêm lóóiq akóón manưih hóng katiêk palơq Ađó, kah yaap xêi nôôq matu lơt ưng piđó huông palơq piđó, lơq ơi patơơt lơơi kalóóng nôôq he taruuih paliêm lóóiq achêk.

Taai ađek, nôôq yi nek nôôq manưih xal mat Chuôq Paq Manưih, kơi ngóq Yaang Pleng xók dhaloong tađaang tapâng dhiq nôôq yi: nôôq yi mââl nhan xal mat Chuôq Paq Manưih: “Phaai bâân paliêm lóóiq palơq Yaang Pleng!” Ađó ơi têêng Yaang ơi kah bâân n'nal matu lơt val kơi matu lơt klóóih đóng nôôq he, buôn nôôq he chóóm val kơi rau bhơt liêm ưng Yaang Pleng kalóóng Yaang achêk.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.