Skip to content
BibleKenya

Kaike Standard Traslation

मर्क 12

अङ्‌गुरन खेः स्याई वप्पा सिमिवन द्रिस्तान्त

(मत्ती २१:३३-४३; लुक २०:९-१२)

येसुई ख्युकाङ्मोः द्रिस्तान्तग र्‌वाम जाबो “सिमिदीजै अङ्‌गुरन भारि पाह्पा मन्न धेँवछोँ राह्ः कह्बो, रे मेलन भिह्तु ल्हुमदी ख्वाबो। आलै ततरिदी दोङ्दोङ् नुई अङ्‌गुरन खेः सिमिकाङ्मोः स्याईग पाह्फाम्बो, रे जेँ चन परदेस होई। अङ्‌गुर मिन्मी नुई अङ्‌गुरन भारि स्याई वन्नान्न सिमिवलम तये फल‌ दर्म तीपा राङ्पा फेप्पो। जेङ्नै ख्युई नू जुङजुङ फ्याङ्बो रे ल्हा होङ फेप्पो। ह्‌याङ नुई ख्युकाङ्मोः ङ्याबो घङ राङ्पा फेप्पो, जेङ्नै ख्युई नुन थोप्पा फ्याङ्बो रे नुन माबी पप्पो। तापोई हेँ घङग फेप्पो, जेङ्नै नू ख्युई सप्पो, रे घङ लैग फेप्पो, जेङ्नै ख्युई काङ्ग फ्याङ्बो रे काङ्ग सप्पो।”

“ता फेच्‌चेन भिह्तु तीबाःदि ह्‌याजन ङ्याह्, कन नुन स्याङ्पान ङोह्जो। ‘ख्युई ङन ङोह्जो ता सम्मान खेदरा’ र्‌वार्‌वा सोची खेखे पुरून खेरे ङिक नुई ङोह्जोः ख्युन ङ्याबो फेप्पो।” “जेङ्नै मन खेः स्याई वन्नान्न सिमिवजै राह्ङराङ्साः र्‌वाबो, ‘अन ता तापोन ङोह्जो जेङ्पा। स्वा, ङी अनग सह्‌म्मता, रे क्यु ङिनै राह्‌नान ङ्याह्।’ आलै ख्युई नू जुङजुङ सप्पो, रे अङ्‌गुरन भारिन खोलोः पप्पो।”

तब अङ्‌गुरन भारिन ताःपोई तै खेनान ङ्याह् र्‌वार्‌वा येसुई लोप्पो? नू स्वानन ङ्याह्, रे मन खेः स्याई वन्नान्न सिमिकाङ्मोः मीपा दोङ्नान ङ्याह्, रे अङ्‌गुरन बारी घङकाङ्मोः बिन्नान ङ्याह्। तै ङेनजै पबित्रसास्त्रग सर्पान अन ल्होई तोअपा मीपाऊ? “कन लुङ खार्बावजै फान मत्वानान र्‌वार्‌वा पप्पो अनै कोप्चान धुर दोङ्पान-लुङ रह्बो,1 अन परमप्रभुलम रह्पा जेङ्पा, आलै ङिन सेन्ताँग अन हालाईपा जेङ्पा।”

येसुई र्‌वापान अन द्रिस्तान्त येहूदी अगुवावजै ङिनै बिरोधग र्‌वापा जेङ्पा र्‌वार्‌वा हाकोबो। अन्नकारन ख्युई नू जुङ्चे फाप्पो, जेङ्नै ख्युई सिमिन मोह्ङग ङिन्पान कारनजै नू ख्योवाख्योवा होई।

कैसरग कर बिन्नान्न भिह्तु प्रस्‌न

(मत्ती २२:१५-२२; लुक २०:२०-२६)

ङाइलै येसू ल्होईवग फसाई ख्या र्‌वार्‌वा ख्युई फरिसीव रे हेरोदीव बर्गन कान सिमिकाङ्मोः नुन ङ्याबो फेप्पो। ख्यु स्वास्वा येसू र्‌वाबो, “गुरुज्यू, ङी क्युई ङिह्पा, ङेन तेम्मा जेङ्पा, रे सुईन वास्ता मखेँ। तैङर्‌वाङिन ङेन ध्वा सेनसेन धोन मखेँ, जेङ्नै परमेस्वरन लम् लः खेखे लह्ङ्‌ङ। र्‌वा, कानुन्न अन्सार कैसरग कर फाःचे लः ङ्याह् कि मह्‌या?”

ङि कर फाचे कि मफा? येसुई ख्युन ख्वा क्युई राह्‌राह्‌ ख्युकाङ्मोः र्‌वाबो, “ङेनकाङ्मोः तैङ ङा छोए सेन्नान? ती मोरन सिक्‌का सर्‌हा, रे ङा थना।” ख्युई ती मोरन सिक्‌का सप्पो। नुई ख्युकाङ्मोः र्‌वाबो, “अन फुता रे मिह्‌न सुन जेङ्पा?” ख्युई नु र्‌वाबो, “कैसरन।”

तब येसुई ख्युकाङ्मोः र्‌वाबो, “कन कैसरन जेङ्पा अन कैसरग भिना, रे कन परमेस्वरन जेङ्पा अन परमेस्वरग भिना।” येसुन झाम झब ताह्ताह् ख्यु हालाईबो।

सिह्पालै सम्पु राह्‌राह्‌ च्याङ्चेन भारेः प्रस्‌न

(मत्ती २२:२३-३३; लुक २०:२७-३८)

सिह्पालै सम्पु ग्युर्चेन ल्होई बिस्वास मखेनान्न सदुकीकाङ्मोः येसुन स्याह् स्वाबो, रे नू लोप्पो,2 “हे गुरुज्यू, मोसान कानुनग ङिन भिह्तु सर्पान निम अन्सार कान्न धाज्यु वैचा मराह्‌रे सिङिन धाज्युन भिह्तु वैचा रायो र्‌वार्‌वा भाइजै च्योङ्‌ग नानत्वानान।”3 पयारदीग थिक्‌कोव नेह् ङ्याह्। ङोह्जो किस्योवाजै मिह्जी खेबो, आलै मन सिमि वैचा मराह्‌रे सिह्बो। ता बर्म भाइजै मन चिमिचा नाह्‌म्बो, रे नु रे वैचा मराह्‌रे सिह्बो। आलै घङजै र्‌वार्‌वा उजुई खेबो। आलै थिक्‌कोव नेह्पानै वैचा मरह्बो। पुरून खेरे ङिक मन चिमिचा यङ सिह्बो।

“ता सिह्पाव सम्पु ग्युर्तौ ख्युन बर्ग मन चिमिचा सुन मिसा राह्‌नान? तैङर्‌वाङिन ख्यु थिक्‌कोव नेपाजै नुन ङ्याबो मिह्जी खेपा ङ्याह्।”

येसुई ख्युकाङ्मोः र्‌वाबो, “ङेनकाङ्मोः सङ्‌का ताप्पान कारन अन नङ्पा तै, कि ङेनकाङ्मोः न ता पबित्रसास्त्र स्योनन, न परमेस्वरन सक्ति स्योनन? तैङर्‌वाङिन जब सिह्पालै ख्युन सिसी ह्‌याङ च्याङ्नन, ख्यु न ता भ्या खेँ, न ख्युन भ्या राह्‌नान, जेङ्नै ख्यु पान्नाङग रह्पा दुतव लैम राह्‌नान। सिह्पाव सम्पु राह्‌राह्‌ च्याङ्चे ल्होईन भारेः तै ङेनजै मोसान किताबग तोअपा मीपाऊ? कि कुजुई पोथ्रान भारेः सर्पान पाठग परमेस्वरजै मोसा र्‌वाबो, ‘ङा अब्राहामन परमेस्वर, इसहाकन परमेस्वर रे याकूबन परमेस्वर जेङ्पा।’4 परमेस्वर सिह्पावन परमेस्वर नङ्पा, जेङ्नै सम्पुवन जेङ्पा। ङेनकाङ्मोः मिह्दा भ्रमग ताह्पा ङ्याह्।”

पुरून खेखे किम आग्या

(मत्ती २२:३४-४०)

कानुन लन्नान्न सिमिव बर्ग ती स्वाबो, रे ख्युकाङ्मोः राह्ङराङ्साः र्‌वाचे खेपा ताह्बो। येसुई सिमिकाङ्मोः झब ल बिम्पा रङरङ नुई नू लोप्पो, “पुरू आग्यावग महान आग्या कन जेङ्पा?”5 येसुई झब बिम्बो, “पुरून खेरे महान आग्या चन अन जेङ्पा: ‘हे इस्राएल ङ्याना, परमप्रभु ङिन परमेस्वर तीबाःदि परमप्रभु जेङ्पा।6 नाई परमप्रभु जेँन परमेस्वरग नान पुरू समजे, नान पुरू परानजै, नान पुरू नावाई, रे नान पुरू सक्तिजै मया ख्या।’ ङे आग्या अन जेङ्पा, ‘नाई जेँन खिम्जेःग जेँग लैम मया ख्या।’ अन ङे आग्यालै घङ किम आग्या मया।”7

मन कानुन लन्नान्न सिमिजै येसू र्‌वाबो, “गुरुज्यू, नाई तेम्मा र्‌वापा, परमेस्वर तीबाःदि जेङ्पा, नुनङ्म घङ सुई परमेस्वर मह्‌या।8 रे परमेस्वरग सम पुरूजै, नावा पुरूजै, सक्ति पुरूजै मया ख्याःयो, रे खिम्जेःग जेँग लैम मया ख्याःयो अन परमेस्वरग तैस्याङ पुरून होमबलि रे भोका फुल्पान खेरे लैः ङोत्वाखाईमे जेङ्पा।”9

नुई बुद्धिमानी ङ्याबो झब बिम्पा रङरङ येसुई नु र्‌वाबो, “ना परमेस्वरन राज्यलै ग्याङम मीपा।” अन्न ङिक नु प्रस्‌न खेनान सुई हिम्मत मरह्बो।

मसिहन भारेः प्रस्‌न

(मत्ती २२:४१-४६; २३:१-३६; लुक २०:४१-४७)

येसु आराधनालयग लनतौ नुई प्रस्‌न खेबो, “कुजु मसिह दाऊदन ङोह्जो जेङ्पा र्‌वार्‌वा कानुन्न कानुन लन्नान्न सिमिव र्‌वाङ?” तैङर्‌वाङिन दाऊद जेँजै पबित्र आत्मालम र्‌वापा ङ्याह्, परमप्रभुई ङन प्रभू र्‌वाबो, “ना ङन याईपा लाक्याँ छ्योवा, जबथाल ङा नान बैरिकाङ्मोः नान लेह्‌न तिङ्पान पोँ मनान।”10

“जब दाऊद जेँजै नु ‘प्रभु’ र्‌वाङ, रे खालै नू येसुन ङोह्जो रह्बो?” आलै स्याह्‌न किम मोह्ङजै नुन बचन स्याङस्याङ ताह्बो।

येसुई कानुन गुरुवन बिरोध चेतावनी बिङ्ङ

(मत्ती २३:१-३६; लुक २०:४५-४७)

तब छोए बिन्तौ येसुई र्‌वाबो, “कानुन लन्नान्न सिमिवलम सापसाप छ्योवा। ख्यु घोलाङ र्‌याङ्म गोनगोन धेँवछोँ तूह्‌मः रे बजारवग सम्मान देम्म, रे आराधनालयवग प्रमुख ठाउँ रे भत्यारोग सम्मान्न ठाउँ देम्म सम खेँ। ख्यु लम्मावन फाइदा वङ्‌ङ रे ख्युन यिम खूँ, जेङ्नै घङग थन्चेन भिह्तु र्‌याङ्म-र्‌याङ्म सोअताप्ङ। झाःमन सिमिवजै झन ह्‌याल्म धल देन्नान ङ्याह्।”

लम्मान भेती

(लुक २१:१-४)

आलै येसु आराधनालयन भेती कानन ठाउँन ङू छ्युङ्बो, रे मोह्ङजै बकासग भेती कपा सेम्बो। आलै लै रेम्पा सिमिवजै किम-किम सोङ कबो। आलै बिखारी लम्मादीजै स्वास्वा पलेङन सिक्‌का ङेह् कबो, कन्न मोल सोह्ङदी ङ्याह्। तब जेँन चेलाकाङ्मोः जेँन स्याह् घ्वाघ्वा नुई ख्युकाङ्मोः र्‌वाबो, “तेम्माई ङा ङेनकाङ्मोः र्‌वाचे, बकासग फुल्नानवन बर्ग अन बिखारी लम्माई पुरून खेरे किम कबो। तैङर्‌वाङिन घङवजै जेँन लाःमा रह्पान क्युलम कह्बो, जेङ्नै अन लम्मा चिमिचाई चन बिखारी राह्‌राह्‌ यङ नुई सोन्चेन भिह्तु जेँन ङ्याबो रह्पान क्यु पुरू कह्बो।”

Source notes (10)
  1. Cross-reference भजन ११८:२२-२३
  2. Cross-reference प्रे २३:८
  3. Cross-reference कानुन २५:५
  4. Cross-reference प्रस ३:६
  5. Cross-reference लुक १०:२५-२८
  6. Cross-reference कानुन ६:४-५
  7. Cross-reference लेवी १९:१८
  8. Cross-reference कानुन ४:३५
  9. Cross-reference होसे ६:६
  10. Cross-reference भजन ११०:१

Kaike Standard Traslation. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.