भजन 46

परमेस्वर हमरो सरण जगा

प्रधान बजावनवाला हुन को लाने, कोरहवंसी हुन को, अलामोत को राग पर एक गीत

1परमेस्वर हमरो सरणस्थान अऊर ताकत है,

संकट म जादा सहज से मिलनवालो सहायक।

2यू वजे से मी कोई डर नी चाहे धरती उलट जाए,

अऊर पहाड़ समुंदर को बीच म डाल दियो जाहे।

3चाहे समुंदर गरजन अऊर फेस उठाए,

अऊर पहाड़ ओकी बाढ़ से काँप उठे।

(सेला)

4एक नद्दी है जे नहर हुन से परमेस्वर को सहर म

अनेकी परमप्रधान को सुध्द रहवन वाली जगह म खुसी होय है

5परमेस्वर ऊ सहर को बीच म है, वह कभी टलन को नी;

पैहेट होते ही परमेस्वर ओकी सहायता करा है

6राज्य-राज्य को इंसान घुस्सा से उठिया,

सासन करन वालो इंसान हुन डगमगान लगिया;

ऊ बोल उठो, अऊर धरती पिघल गयी।

7सेना हुन को यहोवा हमरो संग है;

याकूब को परमेस्वर हमरो ऊँचो गढ़ है।

(सेला)

8आव, यहोवा को बडो करम देखो,

कि ओ न धरती प कसो कसो उजाड़ कियो है।

9ऊ धरती को छोर लक की लड़ई हुन ख मिटावा है;

ऊ धनुस ख तोड़ा, अऊर भाला हुन ख दो टुकड़ा हुन कर डाला है,

अऊर रथ हुन ख आगी म झोक देवा है!

10चुप हो जाव, अऊर जान लेव की मी च परमेस्वर हूँ।

मी जाति हुन म महान हूँ। मी धरती भर म महान हूँ।

11सेना हुन को यहोवा हमरो संग है;

याकूब को परमेस्वर हमरो ऊँचो गढ़ है।

(सेला)