भजन 47

सबसे बड़ो राजा

प्रधान बजावनवाला हुन को लाने कोरहवंसी हुन को भजन

1हे देस-देस ख सबरा इंसान हुन, ताली हुन बजाव!

ऊँचो सब्द से परमेस्वर को लाने जयजयकार करो!

2काहेकि यहोवा परमप्रधान अऊर डर को लायक है,

वी सबरी धरती को ऊपर महाराजा है।

3वी देस-देस को इंसान हुन ख हमरो जोने नीचू करह,

अर राज्य राज्य ख हमरो पाय हुन को नीचू कर देवा है।

4ओ न हमारो लाने बाप दादा की जमीन ख चुनी जे म हम रवा है

जे ओ ख प्रिय याकूब को प्रेम को वजे से है।

(सेला)

5परमेस्वर जयजयकार को संग,

यहोवा नरसिंगा1 को सब्द को संग ऊप्पर गयो है।

6परमेस्वर को भजन गाँव, भजन गाँव!

हमरो महाराजा को भजन गाँव, भजन गाँव!

7काहेकि परमेस्वर सबरो धरती को महाराजा है;

समझ बूझ कर बुद्धी से भजन गावो।

8परमेस्वर राज्य राज्य प सासन करा है;

परमेस्वर अपनो सुध्द सिंहासन प विराजमान है

9अब्राहम को परमेस्वर को प्रजा बनन को लाने

राज्य राज्य को सासक इकट्ठे भया है।

काहेकि धरती को ढाल हुन परमेस्वर को है,

ऊ सबसे जादा उपजाऊँ है।