भजन 45

राजा को लाने बिहाव गाना

प्रधान बजावनवाला हुन को लाने सोसन्नीम राग म कोरहवंसी हुन को मस्कील प्यार को गीत

1मोरो मन एक सुन्दर भाव की उमंग से उमंड रयो है,

जे बात मी न राजा को बारे म रची है ओ ख सुनाऊ है;

मोरी जीभ परिपक लेखक को पेन बनीयो है।

2तू इंसान हुन की खानदान हुन म परम सुन्दर है;

तोरो होठ हुन म दया भरो हुओ है;

एकोलाने परमेस्वर न तो ख हमेसा को लाने आसीस दियो है।

3हे वीर, तू अपनो तरवाल ख जे तोरो महिमा अऊर प्रताप है,

अपनी कमर प बाँध!

4सच्चई, नम्रता अर धरम को निमित अपनो सब कही होनो से

अऊर प्रताप प सफलता से सवार हो;

तोरो दाहिनो हात तो ख अचरज को काम सिखाया!

5तोरो तीर तो तेज है, तोरो नजिक राज्य राज्य को इंसान गिरेगो;

राजा ख दुस्मन हुन को मन उन से छिदेंगो।

6हे परमेस्वर, तोरो सिंहासन हमेसा हमेसा बनो रहेगो;

तोरो राजदंड न्याय को है

7तू न धरम से प्रेम अर दुस्टता से दुस्मनी रखा है।

यू वजे से परमेस्वर न हाँ, तोरो परमेस्वर न तो ख

तोरो साथी हुन से जादा खुसी को तेल से अभिसेक करयो है।1

8तोरो सबरो कपड़ा गन्धरस, अगर, अऊर तेजी से मेहका है,

तू हाथी दाँत को महल हुन म तारवालो बाजा हुन को वजे से मगन होयो है।

9तोरी मानीजानी ओरत हुन म राजकुमारी हुन भी है;

तोरो दाहीनी तरफ पटरानी, ओपीर को सोना से विभूसित खडी है।

10हे राजकुमारी सुन, अऊर कान लगा ख ध्यान दे;

अपनो इंसान हुन अऊर अपनो बाप को घर ख भूल जा।

11अर राजा तोरो रूप ख चाहेगो। काहेकि ऊ तो तोरो प्रभु है,

तू ओ ख दन्ड़वत् कर।

12सोर सहर को राजकुमारी भी उपहार ला ख मिलन को लाने उपस्थित होयगो,

जनता ख धनी इंसान तो ख खुस करन को लाने भेट लेखा आएगो

13राजकुमारी महल म सोला सिंगार कर ख है

ओको कपड़ा म सुनहरा बूटा हुन कढ़ी हुयो है।

14वा रंगबिरंगा कपड़ा पहिनो हुओ राजा को जोने पहुँचई जाएगी

जो कुमारी हुन ओकी सहेली हुन है,

वी ओको पीछु चलती हुई तोरो जोने पहुँचायी जाएँगो।

15वी आनन्दित अऊर मगन हो ख पहुँचायी जाएगो,

अऊर वी राजा को महल म प्रवेस करेगो।

16तोरो बापदादा हुन की जगह पर तोरो पोरिया होएगो;

जिनका तू सबरो धरती पर हाकिम ठैरायगो।

17मी असो करूंगो, की तोरो नाम की चर्चा पीढ़ी से पीढ़ी लक होती रहेगी;

यू वजे से देस देस को इंसान हमेसा हमेसा तोरो धन्यवाद करतो रहेगो।