Skip to content
BibleKenya

Gedeo Bible

Faarotikaa Maxaafa 46

Magen No'onni Welti Hedheen

Faarsaaleeyyetike Sooresi'a Dubarri Faarsammake Meelinni Faarsendeexxa Qorexxe Hortexxa Faaro

Mageni no'oke dalla'anna no'oxxe hunnan;

rakko no'o'ni geltaxxee duuchcha'n no'oke shiqike gargarsanjon.

Tennexxee buttinni lele'moole

koobuwwatinna abbayyaatixxe dhi'mo'n lixxoole sodantabe'non.

Wode'uwwi luula'n honboolenna

koobuwwatinna wodi'uwwiinxe daganaa'n kexxeexxa linqisoolenna allannabe'non.

Dada Duuchchika Duuchchi Woddike Goottika Mageniink qachcha,

woyyichcha galduma gammachchiisaak yaa'aak wodi'i hedheen.

Mageni ookkone qachchi giddo hedheemmaxxee'e iikki qachchi lele'mabaan;

Mageni gorsa soodimaro isoo gargaaraan.

Gosa gosak ardi fuggoxxen ke'e;

moottumuwwatinna ibbe;

Mageni hafuura gikki asse'e haaso'e; buttatinna baqqe.

Dada Duuchcha Ajajak Duuchch Woddik Gootti no'onni hedheen;

Ya'iqoobik Mageni golla no'oken.

Amme Duuchchi Woddike Goottixxa huje uudde,

isi buttaa duwwi gatiseexxa uudde.

Isi butta duuchcha'n hedheek bagedi uurrashsha assaan;

gabetanna enqaan; bagedokanna buttuchchaan;

sarageelakanna giirate'n gubaan.

Sammi hitineexxi ani Magenoke kadennexxa ege'ne;

gosa gosake arda'n saadeemannon;

buttate'ninna saadeemannon.

Dada Duuchcha Ajajak Duuchchi Woddik Gootti no'onni hedheen;

Ya'iqoobik Mageni golla no'oken.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.