Skip to content
BibleKenya

Gedeo Bible

Faarotikaa Maxaafa 23

Duuchchii Woddik Gootti Anke Allalsanjon

Daawwitixxa Faaro

Duuchchi Woddik Gootti allalsanjo anke kadeemmaxxee

mitteechchonna gophannochchi hedhebaan.

Quffeexxi badda'a hexxeeba anee geessiseexxi hafuura adhdhannoshsha assaan;

eloke wodi'ibaa'aanna anee akeekaan.1

Hedho anxee haaroxxa hedho huuwwaan;

ifiinke summi'aanna hiyyee'e qullummatike ora'ni anee akeekaan.

Dimma dukkana giddo

reyotike gaadisixxe dhooqa'ni me'oonolenna midde

ati aninni welti hexxeettaxxee

Mittiichchi elobaachchi anee geyaan hiyyee sodaatabe'no;

kuti atikinna siqqichcho atixxi anee jajjabeessitaan.

Naaphi ank uuda'naan jila ani'a jildette;

umo anke'n ejersiinxa zayite hariirtete;

ha'waannexxi buudanna wo'mite duunedaa qico'ni xuphphi hita.

Dhugaaten, baro anke duuchcha'ni,

elle atixxinna shaqqunte atixxi anxa duuka me'itaan;

baro anke duuchcha'n aninna Duuchchi Woddike Goottike mine'n hedhaannon.

Source notes (1)
  1. Cross-reference Wal. 7:17.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.