Skip to content
BibleKenya

Gedeo Bible

Faarotikaa Maxaafa 24

Lumoka Moyanjo

Daawwitixxa Faaro

Buttatinna buttate'n hedheechchi duuchchi,

Duuchchi Woddike Goottiken;

buttatinna buttate'n hedheeek ardi duuchchi isiken.1

Isi butta abbayyati hana ugge;

wode'uwwii iimi darrenna jabeesse isee uurriseek isoten.

Duuchchi Woddike Goottixxa kooba ayyete qabbata?

Isixxe woyyitte bakka'n uurraaki ayyete?

Ca'itte angakenna qullite qalbeke,

fakkuwwa maganoofatabaakenna,

dharik kakatabaaken.2

Isi Duuchchi Woddike Goottanaa'n eebba,

anjirallo Magenonaa'n qullumma alfaani.

Isoo halsitaaxxi ila

Ee, Ya'iqoobike Magenoo tinni ila atee halsitaaxxen.

Ulfeesemeek moyanji e'yaashsha,

tee dalla'iinxe hulluwwa duuchchiinbaa'n banemme;

koo olmike cufanuwwa banemme.

Kunni ulfeesemeek moyanji isi ayyete?

Isi jabakenna hunnameessa Duuchchi Woddike Goottaan;

isi lolik injifateeke Duuchchi Woddike Goottaan.

Ulfeesemeek moyanji e'yaashsha,

tee dalla'iinxe hulluwwa duuchchiinbaa'n banemme;

koo olmike cufanuwwa banemme.

Kunni ulfeesemeek moyanji isi ayyete?

Kunni ulfeesemeek moyanji,

Dada Duuchcha Ajajaake Duuchchi Woddike Goottaan!

Source notes (2)
  1. Cross-reference 1 Qor. 10:26.
  2. Cross-reference Mat. 5:8.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.