Skip to content
BibleKenya

Gedeo Bible

Faarotikaa Maxaafa 21

Injiffachchootixxee Shiqeeka Galata

Faarsaleeyyetike Sooressi'a Daawwitixxa Faaro

Ee, Duuchchi Woddik Goottaa moyanji hunna atixxe'ni gammade'een;

naapha ifika injiffatashsha assittettaxxeenna illillisa'neen.

Godobik hedeexxa duuchchiinxa isi'a uuttetten;

atee soodateexxanna hoyyexxeebexxon.

Isoo ora qophexxe'e lumoxxe eebbanni isibaa daggeten;

eloxxe worqeka kallachchanna isike umi hana uggittette.

Hedho isi'a uuttottaa atee soodate;

atinna qeeraka baro duuchchi woddi'a isi'a uuttetten.

Ati isi'a uuttettexxe injiffachchonaa'n kexxeexxa gura fule;

ulfaate gaachchakanna alfe.

Ati isi'a duuchchi woddixxa eebba uuttetten;

atixxi isinni welti hedhanna isoo gammachchiisseen.

Duuchchi Woddike Gootta'n addate'een;

Dada Duuchchik duuchchi woddik Gootti isoo eeyyeemmaxxee lele'mabaan.

Hirre atixxenni diinna atika duuchchiinga gandatton;

atee jibbaaka middixxe atixxe anganninna abiddatton.

Daggatoxxa yanna giira boosixxishsha insa'nee gubbaton;

Duuchchi Woddik Gootti mufe ifixxenni insanee balleessaan;

giiratinna insanee ittaan.

Ila ila insa'neexxa buttatenaa'ni balleessittaton;

sanne insa'neexxanna manjiinxe sanne giddii'n balleessittaton.

Ate'n fuggoxxa assatee'e hendeexxi

mari'antoolenna haranga insane'a qajeeldabaan.

Gabe atixxanna insa'ne'ni darbittaton;

udumi'aanna hinge'e baanjaashsh assittaton.

Ee, Duuchchi Woddike Goottaa! Jabeenna atikee'e lummedhi!

Lumoxxe hunna atixxee faaroti atee galateeffanta'eennen.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.