Skip to content
BibleKenya

Gedeo Bible

Faarotikaa Maxaafa 20

Injiffachchotee Shiqqeexxa Soodachcho

Faarsaalleeyyetike Sooressi'a Daawwitixxa Faaro

Duuchchi Woddiki Gootti rakkotixxa barra soodachcho atixxa laqowwaal! Ya'iqoobiki

Mageninna summa ifikenni atee heqqowwaal!

Galma isike Tsiyoonixxe koobanaa'n dageexxi

atee gargaarowwaal. Isi'aa uuttettexxa uwwa duuchchanna dedhoqqe'e; ciinceesiteteke ciiniccatike tolcha'ni

gammadowwaal.

Qalbeti heddattoxxa duuchcha ati'a uuwwowwaal;

heduma atika duuchanna ati'a muuxowwaal.

Injiffattettaxxee ilili hina'eennen;

no'oka Magenonna farisina'n galatiinxa jila jillannon.

Duuchchi Woddik Gootti soodattettexxa duuchcha ati'a muuxowwaal.

Duuchchi Woddik Gootti hariire moyaashsha asseeka gargaaraaxxa ta'a ane'ni aagge;

woyyichcha iimike ifike galma'n hedhe'e sooddachcho laqeexxi injiffato'a isi'a hunna

lummoxxa uwwaan.

Mitti mitti ifixxe gaare'ni adata;

no'o kinni Duuchchi Woddike Gootta no'oke Magenixxe hunna'ni addantannon.

Inssa'ne guggufantee inbaan;

no'o kinni qophphi hine ke'nee jabante uurrinnannon.

Duuchchi Woddike Goottaa! Moyanjo naaphiinxe anganaa'ni gatisi;

no'onna atee soodantanno wodda hee hite'e laqi.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.