Gedeo Bible
Faarotikaa Maxaafa 129
Tsiyoonixxe Koobaaba'aa Alalle Me'ati woddixxa Faaro
Isira'eelika Naapha Injifatatee'e Shiqqeexxa Soodachcho
Isira'eeli oosummatenaa'ni ta'a qico'ni naaphi anee rakkiseen;
Naaphi anee oosummatenaa'ninni lumo qico rakkiseen;
yaane kinni anee injiffatebaan.
Fichcha daddare ko'ammake manjishsha
dudduro anka daddarre;
ba'linsenna madeesine.
Duuchchi Woddik Gootti kinni qullichchaken;
isi fuggaaleeyyetixxa wodaro anenaa'n kukkute'een hitowwaal.
Tsiyooni gibaaki duuchchi
shookeexxi udumi'a higowwaal.
Nophphitebaang baggaammaxxe
minii hanixxe
arso kandowwaal.
Tinni arso haamake manjixxa anga,
hanqafo isixxanna wo'mitabaan.
Ora ookkone sa'aamak manninna insa'nee'e,
«Duuchchi Woddik Gootti ha'noo anga lekka tiko'o;
Duuchchi Woddike Goottike summinni ha'noo eebbinseennen» hiyyoqqe'e.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.