Gedeo Bible
Faarotikaa Maxaafa 128
Tsiyoonixxe Koobaaba'aa Alalle Me'ati woddixxa Faaro
Manji Magenokee'e Ajajemati Alfaaka Hira
Duuchchi Woddika Gootta sodaataakeerixxa
ora isike'ninna me'aake manjixxa wodo.
Eloote alfitetteelcho itatton;
eebbisendatton; ati'anna qajeeldaan.
Are atixxi mine atik giddo gumma callixxe woyineshsha kaddaan;
oose atixxinna atixxe qoreke qarqara'ni ejersiinke golqishshaten.
Duuchchi Woddika Gootta sodaataak manj
iitta eebbisemaan.
Duuchchi Woddik Gootti Tsiyoonii'ni atee eebbiso'o!
Hedho atixxike baro duuchcha'ni Iyyerusaalemixxa danaanumma uuddi!
Atixxe oosexxa oose uudatoke
atee asso'o!
Nage'i Isira'eeli'a kadowwaal.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.