Faarotikaa Maxaafa 127

Mageniinxe Arjummexxee Shiqqeexxa Saadino

Tsiyoonxe Koobaaba'aa Alalle Me'ati Woddixxa Faaro

Solomoonixxa Faaro

1Duuchchi Woddik Gootti mine ijaara gophoole,

mine ijarammak manni tolange elo'aan;

Duuchchi Wooddik Gootti qachcha heqqa gophoole,

qachcha heqqaak manni tolange elo'aan.

2Duuchchi Woddik Gootti eeyyaaka manna hafuura adhdhisaammaxxee

gorsa ke'a,

hashshi qico'ni tura ha'noxxinna toliinxen.

3Oosse Duuchchi Woddike Goottixxe uwwan;

tinni godobiinxi gumma isixxe eebban.

4Dargageessummati i'linaaxxi labbaxxi oose

loliinke manjixxe anga'ni hedheeke gabetike mogidishshaten.

5Konne Gabetike mogiduwwishsha hexxeexxa heddo labbaxxa oose

afeeke manijchchixxa wodo;

ifike naaphinni qachchiinke dalla'ixxe hula'n falamaa wodda isi shookabaan.