Angaramɔ 10

Hio kandɔ ka tɛa nɛ wal pɛ hio bewei pɛ Noe

1Hapata gasa mbengli, ling hio be ata pɛ Noe ka Sem Ham nɛ Zafet bhɛa nɛ ɛngɛ: 2Hio bem pɛ Zafet nɛ: Gomer, Magog, Madai, Yavan, Tubal, Mesek, hinɛ Tiras. 3Hio bem pɛ Gomer nɛ̂: Asekenaz, Rifat, hinɛ Togarma. 4Hio bem pɛ Yavan nɛ̂: Elisa, Tarsis, Kittim, hinɛ Dodanim. 5Yo nɛ wal mbwa, ka ɛ gbaa nɛ soko hio wi mɔ hio kandɔ ka dungɔ ha ɔa ha hio kisi mɔ hio li. Mbwa ndang ndang fɛt nɛ hio le pɛ mbwa lɛm nɛ nûle ka mbwa tɔ, hinɛ nû gala mɔ hio kandɔ pɛ mbwa.

6Hio bem pɛ Ham dungɔ nɛ̂: Kus, Misraim, Put, nɛ Kanaan. 7Hio bem pɛ Kus nɛ̂: Seba, Havila, Sabta, Raema, nɛ Sabteka. Hio bem pɛ Raema: Saba hinɛ Dedan. 8Kus bhɛa fin Nemrod ka dungɔ nɛ̂ bosi nga wan-bibulo ha zu nu. 9A dungɔ nɛ̂ ma gasa wan-gbɛsari ha lî Wankpoo. Yo dungɔ ha wen ɛngi ka hio wi ha tɔa nde: «Tuka Nemrod, gasa wan-gbɛsari ha lî Wankpoo.» 10Wɛnɛ dungɔ kongapora ha zu hio le tuka: Babel, Erek, Akad, hinɛ Kalne, ha kongakandɔ mɔ Sinear. 11Nemrod gu tɛ ha le ɛngi nɛ̂ nɛ̂ ha le Asiri. A bhɔngara le Ninive, nɛ le Reobot-Ir hinɛ Kela, 12hinɛ Resen, le ka dung ha soko Ninive hinɛ Kela. 13Misraim nɛ̂ ngbabafa mɛ hio wi mɔ kandɔ Lud, Anem, Lehab, Naftu, 14Patros, Kaslu. Ɛ bhɛ hio wi mɔ Filisti hinɛ hio wi mɔ le Kaftor ha Kaslu.

15Kanaan bhɛa Sidon, kaya bem pɛa, hinɛ Het. 16Het nɛ̂ ngbabafa mɛ hio wi mɔ Yebus, hio wi mɔ Amori, hio wi mɔ Girgasi, 17hio wi mɔ Hivi, hio wi mɔ Arki, hio wi mɔ Sini, 18hio wi mɔ Arvad, hio wi mɔ Samari hinɛ hio wi mɔ Hamat. Hio wi mɔ nûgala pɛ Kanaan kɛtana soko ndang ndang. 19Hio lingia pɛ mbwa angiri ha Sidon nɛ̂ nɛ̂ hɔ ha Gerar, gbo ha Gaza, nɛ̂ nɛ̂ hɔ ha Sodome, Gomor, Adma, hinɛ Seboim, gbo ha Lesa. 20Yo dungɔ nɛ̂ hio bem pɛ Ham ka wesara may ha zang hio nûgala pɛ mbwa, nɛ nûle pɛ mbwa, ha zang hio le pɛ mbwa, nɛ kandɔ pɛ mbwa.

21Sem, gasa ya mɛ Zafet, bhɛa fin hio bem. Wɛnɛ nɛ̂ ngbabafa mɛ hio wi mɔ Heber, nɛ hio bezang hio bem pɛa fɛt. 22Hio bem pɛ Sem nɛ̂: Elam, Asur, Arpaksad, Lud, nɛ Aram. 23Hio bem pɛ Aram nɛ̂: Outs, Hul, Geter, hinɛ Mas. 24Arpaksad bhɛa Sela, nɛ Sela bhɛa Heber. 25Heber bhɛa hio bewei bwa: ling kay bema nɛ Pelega. Hazu yo dungɔ ha ngimɔ pɛa, ka hio wi kɛtana nɛ soko ha zu nu. Ling ya wa nde Yoktan. 26Yoktan bhɛa Almodad, Selef, Hatsarmavet, Yera, 27Hadoram, Uzal, Dikla, 28Obal, Abimael, Saba, 29Ofir, Havila,Yobab. Hio wi ndɔng fɛt nɛ̂ hio bem pɛ Yoktan. 30Mbwa dea le ha soko Mesa nɛ wal kandɔ nu Sefar gbo ha hio ngarî mɔ wal guotɛ-swe. 31Ɛngi nɛ̂ hio bem pɛ Sem ka wesara may nɛ wal nûgala pɛ mbwa, nɛ hio nû le pɛ mbwa, nɛ wal hio le pɛ mbwa hinɛ hio kandɔ pɛ mbwa.

32Ɛngi nɛ̂ hio nû gala pɛ hio bem pɛ Noe nɛ ling mbwa, nɛ pɛlnam pɛ mbwa. Yo dungɔ nɛ wal hio nû gala ndɔng, ka ɛ kapana nɛ hio wi fɛt ha zu nu hapata gasa mbengli.