Mech
কলসীয় 3
যেহেতু নৗংছৗরৗ খ্রীষ্টজৗং বৗখাং ফিনজাবায়, নৗংছৗরৗ স্বৗর্গৗনি বিষয়ৈ গৗসৗফ্রাও সানদৗ, জেরাও খ্রীষ্টআ ঈশ্বৗরনি আগ্ডা ঠিঙৈ জিরাইনানৈ দং। নৗংছৗরনি গৗসৗফৗরখৌ স্বৗর্গৗনি বিষয়ৈ সানদৗ, সংসারনি জিনিসফৗরনি বিষয়ৈ দাসান। মানৗনা নৗংছৗরৗ থৈখাবায়, আরৗ নৗংছৗরনি জীবননা খ্রীষ্টজৗং লৗগৗছে দা ঈশ্বৗরনিয়াও দৗনখৗমানানৈ দং। জেব্লা খ্রীষ্টআ নুজায়ৗ, জাইয়া নৗংছৗরনি জীবন, অব্লা নৗংছৗরবৗ বিজৗং লৗগৗছে বিনি মহিমায়াও নুজানায়।
খ্রীষ্টিয়ানফৗরনি আখল আখু
বিনিখাইনৗ, নৗংছৗরৗনি সংসারনি জিনাহারি খৗলামনায়, গৗথারগৗয়ি অবস্থা, গাজ্রি সান্নায়, লুবৈনায়, আরৗ লোভ, জেয়া মূর্তি পূজাফৗর বাদি, বেফৗরখৌ সিথাৎদৗ। মানৗনা বেফৗর পাপফৗরনি থাখৈ, ঈশ্বৗরনি রাগ'আ ফৈগৌ।1 নৗংছৗরবৗ সিগাঙাও বেফৗরবাদি লামায়াও থাবায়দৗং মৗন বৈ সমাও নৗংছৗরৗ বেবাদিনৗ থাদৗংমৗন। নাথায় দা নৗংছৗরৗ থারৈনৗ বেফৗরখৌ নাগারদৗ, রাগ জৗংনায়, রাগজৗং হজ্রিখাওনায়, হিংসা, নাম থাংনায় নৗংছৗরনি খৌগানিফ্রায় লেথ্রা গৗনাং রাও অৗংখাৎনৗ। গাওজৗং গাও দাছৗলৈজ্লাই, মানৗনা নৗংছৗরৗ গৗজাম আখলখৌ গারনানৈ গৗদান মানসি জাবায়। আরৗ নৗঙৗ বি গৗদান মানসিখৌ গানবায়, জেয়া সৗরজিগিরি গাওনি মহর বাদি জ্ঞানাও নৗংছৗরখৌ গৗদান খৗলামফিনবায়। গ্রীক আরৗ যিহূদিয়ারি, ত্বকছেদ খৗলামজানায় কিন্বা ত্বকছেদ খৗলামজায়ি, কিন্বা অসুর, হাগ্রানি স্কুথীয়2, গলাম কিন্বা গহৗজানায় হৗন্নানৈ বিহা জেবৗ গৈয়া, নাথায় খ্রীষ্টআনৗ গাছেনবৗ আরৗ বিয়ৗ বয়নিয়াওবৗ।
বিনিখাইনৗ, জৗরৈ ঈশ্বৗরনি সাইখ'জানায় মানসিফৗরখৌ, গৗথার আরৗ অনসুলা অনজাগ্রাফৗর, নৗংছৗরৗ গৗসৗমানিজৗং অন্নায়, অনখাংনায়, গুরৈ জানায়, মাহি আরৗ সহায়নায় বেফৗরখৌ গাওছৗরনৗ গানদৗ। গাওছৗরনি গেজেরাও সৈজ্লাই, আরৗ নৗংছৗরনি ছৗরবায়া ছৗরনিবা বিরুদ্ধ দাই মৗনব্লা নিমাহা হৗজ্লাই। ফৗরবুআ জেরৈ নৗংছৗরনি দাইফৗরখৌ নিমাহা হৗদৗং, বেবাদিনৗ নৗংছৗরবৗ গাওছৗরনি গেজেরাও নিমাহা হৗজ্লাই। আরৗ বেফৗরনি গাছেন গৗজৌসিননা অন্নায়; জায়খৌ লৗগৗছে খাজৗবনানৈ বিছৗরখৌ ফুরা এক খৗলামৗ।
খ্রীষ্টনি শান্তিয়া নৗংছৗরনি গৗসৗয়াও শাসন খৗলামথৗং, জৗরৈ মৗনছে মৗদৗমনি অজ্ঞফৗর, শান্তিয়াও থানৗ লিংহৎদৗং মৗন। আরৗ ধন্যবাদ জাথৗং। খ্রীষ্টনি বাথ্রায়া নৗংছৗরনি গৗসৗফৗরাও বুংজাছে থাথৗং। গাছৈ জ্ঞানজৗং গাওছৗরনি গেজেরাও আরৗ সাবধান ফৗরৗঙৗ; আরৗ গৗসৗমানিজৗং নৗংছৗরৗ গৗসৗফৗরাও ঈশ্বৗরখৌ ধন্যবাদ হৗন্নায়নি গীতফৗর, আরজ মেথায়ফৗর আরৗ জিউনি দেংখৗফৗর খনদৗ। নৗংছৗর জেখিয়া বুং, ববেখৌ মাওয়া মানৗ, গাছেনবৗ ফৗরবু যীশুনি মুংঙৈ মাওদৗ, আরৗ বিনি গেজেরজৗং বিফা ঈশ্বৗরখৌ ধন্যবাদ হৗদৗ।
খ্রীষ্টিয়ান ন্ব'খর
বিহিফৗর, নৗংছৗরৗ বয়বৗ গাও গাওনি হৌয়াফৗরনৗ গথাইদৗ, মানৗনা বে ফৗরবুনিয়াও যোগ্য।
হৌয়াফৗর, নৗংছৗরৗ গাও গাওনি বিহিফৗরখৌ অনদৗ, বিছৗরৗখৌ গৗরা দাবাহায়।
গথ'ফৗর, নৗছৗরৗ বিমা-বিফানি আজ্ঞাকারি জা, মানৗনা বেবাদিখৌ ফৗরবুআ হামজায়ৗ।
বিফাফৗর, নৗংছৗরৗ গাওনি বিসাফৗরখৌ দাবৗরাবহৗ, কিন্বা বিছৗরৗ গৗসৗয়া নিরাসা জানায়।
গলামফৗর, গাছৈ খৗথায়াও নৗংছৗরৗ গাও গাওনি বৈগৗমানি আজ্ঞাকারি জা, বৈগৗমাজৗং হামজাজানৗ বিনি মৗখাঙাও বান অৗঙা নাথায় নংগুবৈ গৗসৗজৗং আরৗ ফৗরবুনি সনমানি থাখৈ।
খ্রীষ্টিয়ানফৗরনি থাবায়নায়
নৗঙৗ জেখিয়া মাওয়ামানৗ, গৗসৗমানিজৗং মাওদৗ, সান্নানৈ লা ফৗরবুনি থাখৈ মাওদৗং, মানসিনি থাখৈ অৗঙা।
মানৗনা নৗংছৗরৗ মিথিগৌ, নৗংছৗরনি উত্তরাধিকারা ফৗরবুনিফ্রায় বান্থাখৌ মৗন্নায়। মানৗনা নৗংছৗরৗ ফৗরবু খ্রীষ্টখৌ সেবা খৗলামৗ। ছৗরবাফৗর জাইয়া গৗরৗন্ঠি মাওগ্রা সাফ্রৗমবৗ গাওছৗরনি গৗরৗন্ঠিফৗরনি থাখৈ বিচারখৌ মৗননায়, মানৗনা ঈশ্বৗরা রাওখৌবৗ সাইখয়াজাছে।
Source notes (2)
- Footnote সিগাংনি আখাইজৗং লিৎনাইয়াও দং, জাইফ্রা মানিয়ৈ বিছৗরনি ছায়াও রাগ'আ ফৈগৌ
- Footnote স্কুথীয়নি মানেয়া জাবায় বিবাদি মানসিফৗর জাইফ্রা অন্নায় গৈয়িনি থাখৈ মিথিজায়ৗ
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.