Mech
কলসীয় 2
আঙৗ নৗংখৌ মিথিনৗ লুবৈয়ৗ যে নৗংছৗরনি থাখৈ লায়দিকিয়া নৗগৗরাও জাইফ্রা আরৗ জাইফ্রা আংজৗং ব্যক্তিগত লৗগৗ লায়াখৈ, বিছৗরনি থাখৈ আঙৗ বেছেগ্রাব গৗব্রাব প্রতিবাদী খৗলামদৗং মৗন। আংনি উদ্দেশ্যয়া বেনৗ যে, জেন বিছৗরৗ গৗসৗয়াও উৎসাহ মৗন্নায় আরৗ অনজ্লাইনায়াও খৌছে জায়ৗ, জাহাথে বিছৗরনি ফুরা ভরসায়া বুজিনায়নিফ্রায় ফৈয়ৗ। জাহাথে বিছৗরৗ ঈশ্বৗরনি রহস্যখৌ ফুরায়ৈ মিথিনৗ হায়ৗ, জেয়া খ্রীষ্টআনৗ। জাইহা জ্ঞান আরৗ বুদ্ধি ধৗন সম্পত্তি গাছেনবৗ দৗনখৗমানানৈ দং। আঙৗ বে খৗথাখৌ বুঙৗ, নৗংছৗরনি যে বে যুক্তিফ্রা মৗজাং শব্দ খৗনায়ৗ নাথায় বিফৗরৗ নংখাই। মানৗনা মৗদৗমাও আঙৗ নৗংছৗরনিফ্রায় গৗজানাও দংব্লাবৗ, জিউয়াও নৗংছৗরজৗং লৗগৗছে, আরৗ নৗংছৗরৗ মৗজাং নিয়মাও খৌছেয়ৈ থানৗ আরৗ খ্রীষ্টনিয়াও গৗগৗম ফৗথাইনায়খৌ মিথিনানৈ আঙৗ খুশি জায়ৗ।
খ্রীষ্টনি আত্মায়াও বুংফাওনায়
অব্লা নৗংছৗরৗ যীশু খ্রীষ্টখৌ ফৗরবু হৗন্নানৈ নাজাওনাইখায় নৗংছৗরনি জীবনফ্রা বিনিয়াও খৌছেয়াও থা। নৗংছৗরৗ বিনিয়াও রৗদা বাদি লুখাংজা, ফৗথাইনায়াও বৗলৗগ্রা জা, জেরৈ ফৗরৗংজাবায়, আরৗ ধন্যবাদ হৗনায়জৗং লৗমসাও।
নাই, দর্শনবিদ্যা ছৗলৈনায়জৗং নৗংছৗরৗ রাওবৗ যেন বন্দি খৗলামনানৈ লাঙা, বিয়ৗ মানসিনি গৗডৗ গৗডানি চলিবৗনায় আরৗ সংসারনি নিয়মফৗর বাদি বান, খ্রীষ্ট বাদি অৗঙা। মানৗনা খ্রীষ্টনিয়াও ঈশ্বৗরা ফুরায়ৈ মৗনছে মানসিনি মৗদৗমাও গৗঠাঙৈ থায়ৗ; আরৗ নৗংছৗরৗ খ্রীষ্টনি জীবনাও ফুরায়ৈ মৗনবায়, বিয়ৗ গাছেন একথিয়ার গৗনাং আরৗ শাসন খালামগ্রা দেৎসিন খর'। নৗংছৗর খ্রীষ্টজৗং খৌছে জানায়াও ত্বকছেদ খৗলামজানায়, নাথায় বে ত্বকছেদ খৗলামজানায়া মানসিনি মৗদৗমজৗং অৗঙা, খ্রীষ্টজৗংসৗ, বেজৗংনৗ নৗংছৗরৗ পাপনি বৗলৗনিফ্রায় গবায়। মানৗনা বাপ্তিস্মা হৗজানায়জৗং, আরৗ জাইয়া খ্রীষ্টজৗং ফবফাজাবায়, আরৗ জাইয়া খ্রীষ্টখৌ থৈনায়নিফ্রায় ফৗঠাংফিন্দৗং, বে ঈশ্বৗরনি বৗলৗখৌ ফৗথাইনায়জৗং নৗংছৗরবৗ খ্রীষ্টজৗং লৗগৗছে ঠাংখাংফিনহৗজাবায়।
জেব্লা নৗংছৗরৗ গাওছৗরনি পাপফৗরনি থাখৈ গৗথৈ মৗন আরৗ ঈশ্বৗরনি মানসি অৗঙা মৗন, ঈশ্বৗরা নৗংছৗরখৌ খ্রীষ্টজৗং গৗঠাং খৗলামবায়। বিয়ৗ জৗংনি গাছেন পাপফৗরখৌ জৗংনৗ নিমাহা হৗবায়। জৗংনি বিরুদ্ধ ধার লিৎনানৈ দৗন্নায়খৌ আরৗ মৗননাংগৌ সাজাখৌ বিয়ৗ ক্রুশাও গাজালজৗং দৗখ্ঠাবজানানৈ গৗজানাও খৗলামবায়। আরৗ শাসানগিরিফৗর একথিয়ার গৗনাংফৗরনি নিরস্ত্র খৗলামনানৈ ছুখবায় আরৗ বিয়ৗ বিছৗরখৌ ক্রুশনি গেজেরজৗং বিজয় জানানৈ বিছৗরখৌ রৗখায়ৈ দিন্ঠিনান হৗবায়।
বিনিখাইনৗ নৗংছৗরৗ জানায়-লৗংনায় কিন্বা গৗথার সানফৗর কিন্বা অখাফৗর গৗগ্লৈনায়নি ফরব সাব্বাথনি দিনাও ফালিনায়নি আইনফৗর খানানৈ দাহৗথৗং বেনি বিষয়ৈ নৗংছৗরখৌ বিচার দাখৗলামথৗং। বেফৗরৗ ফৈখানায় জিনিসফৗরনি মৗনছে সাইখং; নাথায় সত্যয়া, খ্রীষ্টনিয়াও মৗনবায়। জাইফ্রা নম্রয়ৈ নংখাই খৗলামৗ আরৗ আরফ'ফৗরখৌ খুলুমনানৈ খুশি মৗন্নৗ বিছৗরখৌ নৗংনি বান্থাজৗং লৗগৗছে দাছৗলৈ। বেবাদিনৗ মানসিআ জেব্লাইবৗ গাওনি নুনায় দর্শননি খৗথা বুঙৗ আরৗ অআত্মিক সাননায়জৗং বিনা কারণ ডুগায়ৈ ডুয়ৗ। বিছৗরৗ খ্রীষ্টখৌহায় খর' হিসাবমৈ মৗদৗমাও জরাইনৗ খৗমাদৗং। গাছেন মৗদৗমা জাইনিফ্রায় আরৗ অজ্ঞফ্রা গান্ঠি রৗদাজৗং গৗরৗবজ্লাইনানৈ লৗগৗছে মদদ আরৗ গৗহৗ হৗয়ৗ, আরৗ ঈশ্বৗরা জেরৈ জাহৗনৗ সান্নৗ বিবাদিনৗ বারাইলাঙৗ।
নৗংছৗরৗ খ্রীষ্টজৗং থৈফাবায় আরৗ সংসারনি নিয়মফৗর বাদি জাবায়, অব্লা দা মানৗ নৗঙৗ বেবাদি ঠাংনানৈ, যে নৗংছৗরৗ দা সংসারনি নিয়মফৗরখৌ মানিনাংনায়? “বেখৌ দাবাহায়, বেখৌ দাছাখি, বেখৌ দাদাং!”? বে নিয়মফ্রা, জেবাদি বি মৗঙাফ্রা সিগাংনৗ বাহায়জানানৈ আদ্রি জানায়নি থাখৈ খৗলামৗ, বেফৗরৗ একমাত্র উপায়া মানসিনি আদেশফৗর আরৗ ফৗরৗংনায়ফৗর। গাওনি বৗনায়নায়খৌ খুলুমনানৈ, নম্রয়ৈ নংখাই খৗলামৗ আরৗ মৗদৗমনি গৗব্রাবমৈ চিকিৎসা বেফৗর নিয়মফৗরখৌ জ্ঞানজৗং ফছংজানায় বাদি নুয়ৗ, নাথায় বেফৗরৗ দেহানি লুবৈনায়ফৗরখৌ হমথানৗ হায়া।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.