Mech
কলসীয় 1
আং পৌল, ঈশ্বৗরনি গৗসৗ বাদি যীশু খ্রীষ্টনি প্রেরিত আরৗ জৗংনি ফংবায় তীমথিয়,
কলসীয় নৗগৗরাও থানায় ঈশ্বৗরনি মানসিফৗর আরৗ খ্রীষ্ট যীশুখৌ ফৗথাইগ্রা বিদা-ফংবায় আরৗ বিবো-বিনানাওফৗর,
জৗংনি বিফা ঈশ্বৗরনি অনুগ্রহ আরৗ শান্তিয়া নৗংছৗরনি ছায়াও থাথৗং।
ধন্যবাদ হৗন্নায়
জৗঙৗ জেব্লাইবৗ প্রার্থনায়াও ধন্যবাদ হৗয়ৗ, জৗংনি ফৗরবু যীশু খ্রীষ্টনি বিফা ঈশ্বৗরখৌ, জেব্লা জৗঙৗ নৗংছৗরনি থাখৈ প্রার্থনা খৗলামৗ। মানৗনা যীশু খ্রীষ্টনিয়াও নৗংছৗরনি ফৗথাইনায় আরৗ গাছেন ঈশ্বৗরনি মানসিফৗরনি ছায়াও নৗংছৗরনি অন্নায়নি খৗথা জৗঙৗ খৗনাদৗং, ফৗথাইনায় আরৗ অন্নায়া আশানিফ্রায় ফৈয়ৗ আরৗ স্বৗর্গৗয়াও নৗংছৗরনি থাখৈ জমা খৗলামখাবায় আরৗ জেনি সৗমৗন্দৈ জেয়া নংগৌ মৗজাং খবরনি বাথ্রা বেখৌ নৗংছৗরৗ খৗনাখাবায়। নৗংছৗরৗ মৗজাং খবরখৌ খৗনাজেন্নায় আরৗ ঈশ্বৗরনি নংগৌ অনুগ্রহয়াও মিথিনায় দিননিফ্রায় জেরৈ নৗংছৗরনি গেজেরাও বৗররা ফৈফ্লাইবায় থাদৗং আরৗ জৌগাখাংদৗং, বেবাদিনৗ গাছেন সংসারাও একই মাওনায় জায়িন দং। নৗংছৗরৗ জৗংনি আংগৗ মাওফাগ্রা লৗগৗ ইপাফ্রানিফ্রায় মৗজাং খবরনি খৗথাখৌ ছৗলৗংবায়, বিয়ৗ জৗংনি জানানৈ নৗছৗরনিয়াও সেবা খৗলামনৗ থৗনহৎজানায় খ্রীষ্টনি ফৗথাইগ্রা সাছে দাস। আরৗ নৗংছৗরনৗ জিউনি হৗখানায় অন্জালইনায়খৌ বিয়ৗ জৗংনৗ খৗথাদৗং।
বিনি জুনৈনৗ নৗংছৗরনি খৗথা খৗনানায় সমনিফ্রায়নৗ জৗঙৗ নৗংছৗরনি থাখৈ প্রার্থনা খৗলামনৗ বন্ধ খৗলামাখৈ। ঈশ্বৗরনি জিউয়া নৗংছৗরখৌ জ্ঞানী জানৗ আরৗ বুজিনৗ কারণ খৗলামৗ যেন নৗংছৗরনেও বিনি ইচ্ছানি ফুরা জ্ঞাননা থানায় হৗন্নানৈ জৗঙৗ ঈশ্বৗরনেও প্রার্থনা খৗলামৗ। জাহাথে নৗংছৗরৗ ফৗরবুনেও যোগ্য জীবন জাফন খৗলাম গাছেননাও ফৗরবুনি খুশি খৗলামনৗ মাওনৗ হানায়, মৗজাং খামানি মাওনানৈ বিথাই থাইনৗ আরৗ ঈশ্বৗরনি জ্ঞানাও বারায়নৗ। বিনি মহিমানি ফুরা বৗলৗয়া নৗংছৗরখৌ বৗলৗগ্রা খৗলামৗ জাহাথে নৗংছৗরৗ সৈছৗনৗ আরৗ সহায়নৗ হায়ৗ।, আরৗ বিফাখৌ রংজানায়জৗং লৗগৗছে ধন্যবাদ হৗদৗ, জাইয়া গুনগৗনাং স্রাংনি রাইজৗনি বিনি মানসিফৗরনে উত্তরাধিকারনি ভাগৗ দং। মানৗনা বিনৗ জৗংখৌ খৗমসিনি বেংথেনায়নিফ্রায় খাৎগহৗনানৈ গাওনি একথিয়ারজৗং অনজাগ্রা বিসাজ্লানি রাইজৗয়াও লাবৗবায়, জাইজৗং জৗঙৗ বাইখজানায়, পাপনিফ্রায় নিহামা মৗনবায়।
ঈশ্বৗরনি বিসাহৌয়ানৗ দেৎসিন
খ্রীষ্টয়া নুনৗ মৗনজায়ি ঈশ্বৗরনি মহর বাদি, সৗর্জিনায়নি সিগাং বিয়ৗ দংখায়ৗ মৗন। মানৗনা স্বৗর্গৗনি জিনিসফৗর আরৗ বুহুমাও নুনৗ হানায় আরৗ নুনৗ হায়ি আরৗ সিংহাসন কিন্বা রাইজৗনি শাসনগিরি আরৗ একথিয়ার গৗনাং, বে গাছেন জিনিসফৗরখৌ বিনি গেজেরজৗং সৗর্জিবায় আরৗ বিনি থাখৈ। গাছেনবৗ সৗর্জিনায়নি সিগাং খ্রীষ্টআ দংখায়ৗ, আরৗ বিজৗংনৗ গাছেন মৗঙাফ্রা গাও গাওনি জাইগায়াও হমথানানৈ দৗনজাদৗং। আরৗ বিয়ৗ গাওনৗ মৗদৗমনি খর, মন্ডলী, বিনৗ জাজেন্নায়, থৈনায়ফৗরনিফ্রায় প্রথম বিসা, জাহাথে গাছেননিবৗ ছায়াও বিনৗ দেৎসিন। মানৗনা ঈশ্বৗররা গাওনি গাছেন পুর্ণতা বিনিয়াও থানাইয়াও খুশি মৗন। আরৗ ঈশ্বৗরা ক্রুশাও বিনি থৈখৌ বুলি হৗনানৈ শান্তি খৗলামনৗ থাখৈ খুশি মৗন, জাহাথে স্বৗর্গৗ আরৗ বুহুমাও গাছেনবৗ ঈশ্বৗরনেও মিলায়ফিনায়খৌ।
ঈশ্বৗরনিফ্রায় গৗজানাও দংমৗন আরৗ বিনি বিসারুফৗর মৗন, মানৗনা নৗংছৗরৗ গাজ্রিখৌ বান সাননৗ আরৗ মাওয়ৗ মৗন। নাথায় দা, নৗংছৗরখৌ খ্রীষ্টনি মৗদৗমনি দেহাও থৈনায়জৗং নৗংছৗরখৌ মিলাইহৗবায়, গৗথার গৗজৗং আরৗ দায় গৈয়ি খৗলামনানৈ দোষারোপনিফ্রায় স্বাধীন খৗলামবায়। যদি নৗংছৗরৗ ফৗথাইনায়াও গৗম গৗম আরৗ স্থির থায়ৗ, আরৗ বি মৗজাং খবরখৌ খৗনানানৈ নৗংছৗরৗ আশা নাগারালাবা ফৗথাইনায়াও গৗগৗমৈ থানাংনায়। নখ্রাংনি গাহায়াও থানায় সাফ্রৗমবৗ সৃষ্টিনি গেজেরাও সুসমাচার প্রচার খৗলামা জাবায়, আরৗ আং, পৌল বে সুসমাচারনি দাস জাবায়।
মণ্ডলীনি থাখৈ পৌলনি মাওনায়
দা, নৗংছৗরনি থাখৈ সৈনাংনায়নি জুনৈ আং রংজায়ৗ, মানৗনা খ্রীষ্টনি মৗদৗম, মন্ডলীনি থাখৈ খ্রীষ্টনি কষ্টয়াও জেয়া দাসিমবৗ আদ্রা থাবাওদৗং বেখৌ ফুরা খৗলামনৗ আংনি দেহাও আঙৗ হেফাজাব হৗদৗং। ঈশ্বৗরা গাওনি গাছেন সৗদৗবখৌ নৗংছৗরনৗ প্রচার খৗলামনৗ মণ্ডলীনি দাসনি বিবানখৌ বিয়ৗ আংনৗ হৗবায়। বিয়ৗ রহস্যখৌ দৗনখৗমাবায় ফিরি ফিরি আরৗ জৗলৈফৗরনি থাখৈ, নাথায় দা বিনি মানসিফৗরনিয়াও নুজাহৗবায়। গুবুনহারিফৗরনি গেজেরাও গাওনি মানসিফৗরনৗ বে রহস্যনি মহিমা গৗনাং ধৗনখৌ মিথিহৗনৗ লুবৈনায়ানৗ, বে রহস্যয়া বেনৗ যে খ্রীষ্টনি ঠাংনাইয়া নৗংছৗরনিয়াও, বে আশা ঈশ্বৗরনি মহিমাও ভাগীজাফানায়।
জৗঙৗ বিখৌ ঘোষণা খৗলামৗ যে গাছেন জ্ঞানাও সাফ্রৗমখৌবৗ গুরৈ রাইনান আরৗ ফৗরৗংনান, জাহাথে খ্রীষ্টনি সিগাঙাও লাবৗনৗ থাখৈ জৗঙৗ বিনিয়াও ফুরায়ৈ গৗরৗং গৗরা খৗলামনৗ। বিনিখাইনৗ খ্রীষ্ট হৗনায় আরৗ আংনিয়াও মাওনায় গেদেৎ বৗলৗখৌ বাহায়নানৈ বেখৌ জাফুংহৗনৗ আঙৗ হাজাছে মাওখ্রুবদৗং।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.