Mech
ফিলিপীয় 4
ফৗরৗংনায়ফৗর
বিনিখাইনৗ, ও আংনি বিদাফংবায় আরৗ বিনানাওফৗর, আং জায়খৌ অন্নৗ আরৗ নাইনৗ থাখৈ জৗবৗদ গৗসৗ, আংনি রংজানায় আরৗ মুকুট বাদি, ফৗরবুনি লামায়াও গৗমগৗমৈ গছংনানৈ থা লৗগৗফৗর।
আঙৗ ইবদিয়াখৌ খাওলায়ৗ আরৗ সুন্তুখীখৌ খাওলায়নানৈ বুংদৗং, ফৗরবুনিয়াও নৗংছৗরৗ গাওজৗং গাও গৗরৗবজ্লাইদৗ। আঙৗ নৗংখৌ সৗঙৗ, আংজৗং ফৗথাইসুলা মাওফাগ্রা নৗংছৗরবৗ বে হিন্জাওফৗরখৌ হেফাজাব হৗনৗ আং হাস্থাইয়ৗ; মৗজাং খরবখৌ খৗথাবায়নৗ ক্লীমেন আরৗ আংনি গুবুন মাওগ্রাফৗরজৗং লৗগৗছে বে হিন্জাওফ্রাবৗ আংজৗং মাওছৗফাদৗং মৗন। বিছৗর বয়নিবৗ নাময়া ঈশ্বৗরনি গৗঠাংনি বিজাবমাও লিৎজাখাবায়।
নৗংছৗরৗ জেব্লাইবৗ ফৗরবুনিয়াও রংজা। আরবাও আঙৗ বুংবাওয়ৗ রংজা! নৗংছৗরনি বয়নিবৗ গুরৈ আখললা মানসিফৗরনি থাখৈ রৗখা রৗখা নুজাথৗং। ফৗরবুআ খাঠৈছৈ। মৗঙা মৗনছেনিবৗ চিন্তা দাখৗলাম, নাথায় জেব্লাইবৗ প্রার্থনা আরৗ খাওলাইনায়, ধন্যবাদজৗং লৗগৗছে, বর্তমান নৗংছৗরনি ঈশ্বৗরখৌ মিথিহৗদৗ। আরৗ ঈশ্বৗরনি শান্তিয়া নৗংছৗরনি গাছৈবৗ বুজিনায়নিফ্রায় জৌসিন, নৗংছৗরনি গৗসৗ আরৗ নৗংছৗরনি চিন্তাফৗরখৌ যীশু খ্রীষ্টয়া রক্ষা খৗলামনায়।
জৗবনায়াও, ও বিদাফংবায় আরৗ বিনানাওফৗর, জাইখিয়াজায়া নংথারগৌ, জাইখিয়াজায়া গৗগৗ আখলনি মানসি, জেয়া ঠিক, জাইখিয়াজায়া খাটি, জাইখিয়াজায়া সমায়না, জাইখিয়াজায়া মান হৗথাও, মৗজাং বাখ্নায়জাথাও, সান্নায় জিনিসফৗরনি সৗমৗনন্দৈ। নৗংছৗরৗ আংনিফ্রায় যে যে ছৗলৗংবায়, নাজাওবায়, খৗনাবায়, আংনেও নুখাবায় আরৗ বিফৗর গাছৈখৌ মাওয়ৗ; বিহা শান্তিনি ঈশ্বৗরা নৗংছৗরজৗং লৗগৗছে থায়ৗ।
দাননি থাখৈ ধন্যবাদ হৗনায়
ফৗরবুনিয়াও আঙৗ গেদেৎ রংজাবায়, গৗবাও সমনি উনাও নৗংছৗরনি চিন্তা খৗলামনায়া নংথারগৌয়ৈ আংনি থাখৈ গৗদান খৗলামফিনবায়, থারৈ নৗংছৗরৗ চিন্তা খৗলামজাদৗং মৗন নাথায় নৗংছৗরৗ সুযোগ মৗন্নাখৈ মৗন। আঙৗ বে খৗথাখৌ বুঙা মানৗনা আঙৗ নাংগৌ যে অবস্থায়াও থায়ৗ, বিয়াওনৗ সন্তুষ্ট থানৗ ছৗলৗংবায়। আঙৗ নাংগৌখৌবৗ মিথিগৌ আরৗ গৗবাং থানৗবৗ মিথিগৌ, গাছৈ হালচালয়াও থানৗ, আরৗ আঙৗ ভোগ খৗলামনৗ ছৗলৗংবায়, থৗজাছে মৗনব্লাবৗ কিন্বা উখৈনানৈ থানাংলাবৗ আরৗ গৗবাং থা কিন্বা এছে বান থা। জাইয়া আংখৌ বৗলৗ হৗয়ৗ, বিনি গেজেরজৗং আঙৗ গাছৈখৌবৗ মাওনৗ হায়ৗ।
দাসিমবৗ নৗংছৗরৗ আংনি কষ্টফৗরাও ভাগৗ জানানৈ মৗজাং মাওবায়। ও ফিলিপীআরি, নৗংছৗরৗ মিথিগৌ, সিগাংনি দিনফ্রাও মৗজাং খবরখৌ খৗথাবাইনায়াও, জেব্লা আঙৗ ম্যাসিডোনিয়াখৌ নাগারবৗয়ৗ, নৗংছৗরখৌ বান বাদ হৗনানৈ, মৗনছেবৗ মন্ডলী হৗনায় আরৗ নাজাওনায়নি বিষয়ৈ আংজৗং ভাগৗ জায়াখৈ।1 বেবাদিনৗ জেব্লা আং থিষলনীকীয়াও দংমৗন, নৗংছৗরৗ খনলে খনলে নাংগৌ জিনিসফৗর হৎদৗং2। আঙৗ নৗংছৗরনিফ্রায় দানফৗর মৗন্নৗ লুবৈয়াখৈ, নাথায় নৗংছৗরনি বে মাওনায়নি থাখৈ নৗংছৗর মৗনদেৎনায়নি হিসাবখৌছৗ আং লুবৈদৗং। আংনিয়াও গাছেনবৗ দং, আরৗ আংনে আগলাই বিগ্লাই দংখায়ৗ, দা জেখৌ আং ইপাফ্রাদীতনিফ্রায় মৗনবায় নৗংছৗর হৎনায় দানফ্রা গৗজৗনহৗবায় বিয়ৗ দামগৗছৗ মৗদৗমফ্রু নাজাওথাও থাও বলি বাওনায় মৗঙা, ঈশ্বৗরখৌ গৗজৗন হৗয়ৗ। আরৗ আংনি ঈশ্বৗররা মহিমাজৗং গাওনি ধৗনসম্পদনি অনুজায়ৈ যীশু খ্রীষ্টনিয়াও নৗংছৗরনি গাছেন নাংগৌ মানিখৌ হৗয়া জানায়।
জৗংনি ঈশ্বৗর আরৗ বিফানি মহিমায়া জেব্লাইবৗ যুগ যুগ জাথৗং। আমেন।
জৗবনায়নি গৗজৗন্নায়
নৗংছৗরৗ যীশু খ্রীষ্টনিয়াও গাছৈ ঈশ্বৗরনি মানসিফৗরখৌ গৗজৗন্নায় লাহৎ। আংনি ফংবায়ফৗর আরৗ বিনানাওফৗর নৗংছৗরখৌ গৗজৗন্নায় লাহৎদৗং। গাছৈ ঈশ্বৗরনি মানসিফৗরখৌ গৗজৗন্নায় লাহৎদৗং বিশেষ জাইফ্রা কৈসরনি রাজমহলনি মানসি, বিছৗরৗ নৗংছৗরখৌ গৗজৗন্নায় লাহৎদৗং।
ফৗরবু যীশু খ্রীষ্টনি অনুগ্রহয়া নৗংছৗর বয়নিবৗ জিউয়াও লৗগৗছে থাথৗং।
Source notes (2)
- Cross-reference 2 করিন্থীয় 11:9
- Cross-reference প্রেরিত 17:1
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.