কলসীয় 4

1বৈগৗমাফৗর, নৗংছৗরৗ গাওছৗরনি গলামফৗরনৗ ববে ঠিক আরৗ মৗজাঙৈ বাহায়দৗ, মানৗনা নৗংছৗরৗ মিথি যে নৗংছৗরনিবৗ স্বৗর্গৗয়াও সাছে বৈগৗমা দং।

ফৗরৗংনায়

2নৗংছৗরৗ সাংগ্রাং জা আরৗ ধন্যবাদজৗং লৗগৗছে, গৗসৗ মৗদৗম হৗহাবনানৈ প্রার্থনাও নাংখ্ঠাবনানৈ থা। 3আরৗ জৗংনি থাখৈবৗ প্রার্থনা খৗলাম, জাহাথে ঈশ্বৗরা জৗংনি থাখৈ বাথ্রানি দুয়ারখৌ গেওনান হৗয়ৗ, আরৗ জাহাথে খ্রীষ্টনি রহস্যখৌ প্রচার খৗলামনৗ হায়ৗ, জায়নি থাখৈ আঙৗ খাজানানৈ দং। 4প্রার্থনা খৗলাম জাহাথে আঙৗ স্রা স্রায়ৈ প্রচার খৗলামনৗ হায়ৗ, বিবাদি আঙৗ খৗলামথারনাংগৌ। 5বাইরানি মানসিফৗরজৗং জ্ঞানজৗং লৗগৗছে থাবায় আরৗ জ্ঞানজৗং নৗংছৗরৗ মৗনফ্রৗম মৌখাখৌ বাহায়। 6নৗংছৗরনি বুংনায় খৗথাফ্রা জেব্লাইবৗ অনুগ্রহজৗং লৗগৗছে, সৗংখ্রৈ বাদি জা আরৗ সাফ্রৗমবৗ মাব্রৈ বুংফিন্নাংগৌ বেখৌ নৗংছৗরৗ রৗংনাংগৌ।

জৗবথানায় গৗজৗন্নায় লাহৎনায়

7ফৗরবুনিয়াও আংগৗ ফংবায়, ফৗথাইজাগ্রা দাস আরৗ মাওফাগ্রা লৗগৗ তুখিকআ, আংখৗ নৗংছৗরনি সমাচার সৗমৗন্দৈ মিথিহৗনায়। 8আঙৗ বিখৌ নৗংছৗরনিয়াও থৗনহৎদৗং, নৗংছৗরৗ জাহাথে জৗংনি বিষয়ৈ মিথিনৗ হায়ৗ আরৗ বিয়ৗ নৗংছৗরনি গৗসৗয়াও উৎসাহ হৗয়ৗ। 9বিজৗং লৗগৗছে ওনীষিমখৌ থৗনহৎবায়, জৗংনি বিশ্বস্ত আরৗ আংগৗ ফংবায়, জাইয়া নৗংছৗরনি সাছে মৗন। বেছৗরৗ বেহানি মা জাদৗং, বেফৗর গাছেনখৌবৗ বিছৗরৗ নৗংছৗরনৗ খৗথানায়।

10আংনি লৗগৗ জৗবথেসালিয়াও জৗবফাজানায় আরিষ্টর্খআ নৗংছৗরনৗ গৗজৗন্নায় হৎদৗং, আরৗ বার্ণবানি বিব্নায় মার্কআবৗ গৗজৗন্নায় হৎদৗং। (বিনি বিষয়ৈ নৗংছৗরৗ ফৗরৗংথায়ফৗরনি আদেশ মৗনখাবায়, যদি বিয়ৗ নৗংছৗরনিয়াও ফৈয়ৗব্লা, বিখৌ নৗংছৗরৗ নাজাও।) 11আরৗ যুষ্ট মুঙৈ লিংজাগ্রা যীশুআবৗ নৗংছৗরখৌ গৗজৗন্নায় লাহৎদৗং। যিহূদীফৗরবান ফৗথাইজানায় বে সাথাম বান ঈশ্বৗরনি রাইজৗনি খামানিয়াও আংজৗং মাওফাদৗং, আরৗ বিছৗরৗ গৗজৗননায়নি প্রমাণ হৗবায়।

12ইপাফ্রাআ খ্রীষ্টখৌ ফৗথাইগ্রা, নৗংছৗরনি সাছেয়াও, বিয়ৗ যীশু খ্রীষ্টনি দাস, বিবৗ নৗংছৗরনৗ গৗজৗন্নায় হৎদৗং। নৗংছৗরৗ গৗনৗ গৗথৗ খৗলামালাবা ঈশ্বৗরখৌ ফৗথাইনৗ আরৗ ঈশ্বৗরনি গৗসৗ বাদি মাওগ্রা গৗম গৗম আরৗ গৗরৗং গৗরা জানৗ হানায় বাদি, বিয়ৗ জেব্লাইবৗ গৗসৗমানিজৗং নৗংছৗরনি থাখৈ প্রার্থনা খৗলামৗ। 13ইপাফ্রাআ নৗংছৗরনি থাখৈ আরৗ লায়দিকিয়া আরৗ হিয়রাপলিত নৗগৗরাও থাহৈনায় বিশ্বাসিফৗরনি থাখৈ বেছেবাং মাওখ্রুববায়, বেখৌ আং সাক্ষী হৗনৗ হাগৌ। 14জৗংনি আংগৗ ডাক্তার লূক আরৗ দীমাসআবৗ নৗংছৗরনৗ গৗজৗন্নায় হৎদৗং। 15লায়দিকিয়া নৗগৗরাও থানায় খ্রীষ্টখৌ ফৗথাইগ্রা বিদা-ফংবায়ফৗর আরৗ জৗংনি বিনানাও নিম্ফাখৌ আরৗ বিনি ন্ব'য়াও জথুমগ্রা মন্ডলীয়ারি ফৗরনৗবৗ আংনি গৗজৗন্নায় হৎনায়খৌ হৗদৗ।

16আরৗ বে লাইজামখৌ নৗংছৗনিয়াও ফরাইখাংনায়নি উনাও, লায়দিকিয়া নৗগৗরনি মন্ডলীয়ারিফৗরনৗবৗ ফরাইঠিনানৈ খৗনাছংহৗথার, বেজৗং লৗগৗছে লায়দিকিয়ানি বিদা-ফংবায়ফৗরনি লিথহৎনায় লাইজামখৌবৗ ফরাইদৗ।

17আরৗ আর্খিপ্পখৌ রাইঠিদৗ, “ফৗরবুখৌ সেবা খৗলামনৗ থাখৈ বিনৗ বিবান হৗনায়খৌ বিয়ৗ মাওফুংথারনাংনায়।”

18আং পৌল, গাও আখাইজৗংনৗ বে গৗজৗন্নায় লাহৎনায়নি লাইজামখৌ লিৎহৎদৗং। আঙৗ জৗবথেসালিয়াও দং, বেখৌ নৗংছৗরৗ আংখৌ জিনজ্রিজৗং খানাইখৌ গৗসৗখাং। ঈশ্বৗরনি অনুগ্রহআ নৗংছৗরজৗং থাথৗং।