Mech
প্রেরিত 4
আফাৎগিরিফৗরনি সিগাঙাও পিতর আরৗ যোহন
পিতর আরৗ যোহননা মানসিফৗরখৌ বুংফুনায়াওনৗ যাজকফৗর, মন্দিরনি পাহাড়া হৗগ্রাফৗরনি সান্ত্রি গাহায় আরৗ সদ্দূকীফ্রা সৗংহৈদৗং। বিছৗরৗ বিরাঠ বিরক্ত জাদৗং, মানৗনা বে সানৈ প্রেরিতফ্রা মানসিফৗরখৌ ফৗরৗংদৗংমৗন, আরৗ যীশুনিয়াও থৈনায়নিফ্রায় ঠাংখাংফিন্নায় দং বেখৌ মিথিহৗনৗ প্রচার খৗলামদৗং মৗন। বিনিখাইনৗ পিতর আরৗ যোহনখৌ হমনানৈ নখা নাইজাছে জৗবথেসালিয়াও জৗবনানৈ দৗনদৗং, মানৗনা বেলাছি জাখাবায় মৗন। নাথায় জাইফ্রা বিনি বাথ্রাখৌ খৗনাছংদৗংমৗন বিছৗরনিফ্রায় গৗবাঙানৗ ফৗথায়দৗং, আরৗ ফৗথায়নায়ফ্রা এরলাংনানৈ হাজারবাছৗ জাদৗং। নখা নায়ৈ শাসনগিরিফৗর, প্রাচীনফৗর আরৗ আইন গুরুফৗর যিরূশালেমাও জ'জাদৗং। আন্নাসআ বিয়াওনি গাহায় যাজক মৗন, বেবাদিনৗ কায়াফাস, যোহন, আলেকসান্দর, আরৗ গুবুন গাহায় যাজকফৗরনি ন্ব'খরনেবৗ দংফায়ৗমৗন। বিছৗরৗ পিতর আরৗ যোহনখৌ বিছৗরনি সিগাঙাও লাবৗদৗং আরৗ বিছৗরখৌ প্রশ্ন সৗংদৗং, “নৗংছৗরৗ ছৗরনি বৗলৗজৗং এবা ছৗরনি মুংজৗং বেখৌ মাওখৗ?” পিতরা গৗথার জিউজৗং বুংফবনানৈ বিছৗরখৌ বুংফিনদৗং, “ও মানসিফৗরনি শাসনগিরি আরৗ প্রাচীনফৗর, জৗঙৗ দিনৈ বে লেংগ্রা মানসিনি ছায়াও মৗজাং মাওনায়নি থাখৈ মাব্রৈ বিখৌ গৗখ্রৗং খৗলামখৗ হৗন্নানৈ হিসাব হৗনাংগৌব্লা, নৗং মা কি মিথিনৗ লুবৈয়ৗ যে বিয়ৗ মাব্রৈ ছৗখাজাখৗ? অব্লা বেখৌ নৗংছৗর বয়বৗ আরৗ ইস্রায়েলনি সাফ্রৗমবৗ মিথিদৗ, বে জাবায় নাসরৎনি যীশু খ্রীষ্টনি মুংনি, জাইখৌ নৗছৗরৗ ক্রুশাও হৗয়ামৗন নাথায় জাইখৌ ঈশ্বৗরা গৗথৈনিফ্রায় ঠাংখাংহৗফিনহৗদৗং, বে মানসিয়ানৗ গৗখ্রৗং জানানৈ নৗংছৗরনি সিগাঙাও গছংনানৈ দং। যীশুআ জাবায়,
‘ন্ব' লুগ্রা রাজমিস্ত্রিফৗরজৗং গারজানায় অন্ঠাই,
জাইয়া গাইজেন্নায় খণানি অন্ঠাই জাবায়।’ 1
আরৗ রাওনিয়াওবৗ উদ্ধার মৗন্নৗ হায়া, মানৗনা নখ্রাংনি গাহায়াও মানসিনি থাখৈ গুবুন মুং হৗনায় গৈয়া, জায়নি গেজেরজৗং জৗং পাপনিফ্রায় উদ্ধার মৗনথারনাংগৌ।” জেব্লা পিতর আরৗ যোহননি গৗহৗখৌ নুয়ৗ আরৗ বিছৗরখৌ গৗথৌয়ৈ লেখা রৗঙি আরৗ সানজাথাওয়ি হৗন্নানৈ সৗমৗ নাংবায় নাথায় বিছৗরৗ যীশুজৗং লৗগৗছেমৗন হৗন্নানৈ মিথিনৗ হাদৗং। অব্লা বিছৗরৗ মৗংবৗ বুংনৗ হায়াখৗছৈ, মানৗনা ছৗখাজানায় বি মানসিআ পিতর আরৗ যোহনজৗং লৗগৗছে গছংনানৈ দংমৗন। বিনিখাই আফাৎগিরিফ্রা2 বিছৗরখৌ থৗনহৎনানৈ বিছৗরৗ গাওজৗং গাও জ'সান্জলাইনানৈ হৗন্দৗং, “বে মানসিফৗরখৌ জৗঙৗ মা খৗলামৗব্লা গাহাম জানায়? যিরূশালেমাও থানায়ফ্রা বয়বৗ মিথিগৌ, বিছৗরৗ মৗনছে সৗমৗ গৗনাং চিহ্নখৌ মাওবায়, আরৗ জৗঙৗ বিখৌ অস্বীকার খৗলামনৗ হায়া। নাথায় বে বাথ্রায়া গৗসাৎনি বাদি আরৗ মানসিফৗরনি গেজেরাও যীশুনি খৗথা বুংবাওয়ি বাদি, জৗঙৗ বিছৗরখৌ সাবধান হৗথারনাংগৌ রাওনিবৗ সিগাঙাও বিনি নামখৌ বুঙা বাদি।” বিনি উনাও বিছৗরৗ আরবাও পিতর আরৗ যোহনখৌ লিংহৎনানৈ যীশুনি মুঙৈ ফংছেবৗ খৗথা বুংনৗ এবা ফৗরৗংনৗ নাংলে হৗন্নানৈ আদেশ হৗবায়। নাথায় পিতর আরৗ যোহননা বেবাদি বুংফিনদৗং, “জৗঙৗ নৗংছৗরনি হুখুমখৌ মানিনৗ না ঈশ্বৗরনি থৗন্নায়খৌ মানিনৗ? ঈশ্বৗরনি সিগাঙাও ববেয়া ঠিক, বেখৌ নৗংছৗরৗ গাওছৗরনৗ বিচার খৗলামদৗ। মানৗনা জৗঙৗ জেখৌ নুদৗং আরৗ খৗনাদৗং, বেখৌ খৗথায়ামাৎনিন থানৗ হায়া।” অব্লা আরবাও বিছৗরৗ পিতর আরৗ যোহনখৌ সিগিনানৈ হগারহৎদৗং। বিছৗরৗ মাব্রৈ সাজাই হৗনায় বেনি মৗংবৗ লামা মৗন্নাখৗছৈ, মানৗনা গাছেন মানসিফ্রা ঈশ্বৗরখৌ বাখ্নাইদৗং মৗন। জাই মানসিআ সৗমৗ গৗনাং চিহ্নয়ৈ ছৗখাজাদৗংমৗন, বে মানসিনি বৈসৗআ চল্লিশ বৗছৗরনিবৗ বাংসিন জাবায় মৗন।
বিশ্বাসিফৗরনি প্রার্থনা খৗলামনায়
বিছৗরখৌ হগারনাইনি উনাও, পিতর আরৗ যোহননা বে জায়গানিফ্রায় গাওনি মানসিফৗরনিয়াও থাংফিন্নানৈ গাহায় যাজক আরৗ প্রাচীনফৗরনি বুংনায়খৌ বিছৗরনৗ খৗথাদৗং। জেব্লা বিছৗরৗ বেখৌ খৗনায়ৗ, অব্লা বিছৗরৗ জ'জানানৈ ঈশ্বৗরনিয়াও বেবাদি প্রার্থনা খৗলামদৗং। “ও বয়নিফ্রায়বৗলৗগ্রাসিন ফৗরবু, নৗঙৗ স্বৗর্গৗ, বুহুম, লৈথৗ আরৗ বেফৗরাও দংনায়মানিখোনৗ নৗঙৗ সৗরজিদৗং। গৗথার জিউজৗং নৗঙৗ গাওনি দাস, জৗংনি বিফা দায়ূদনি খৌগাজৗং বেখৌ হৗন্দৗং,
‘জাতিফ্রা মানৗ রাগ জৗংফ্রুদৗং?
বিছৗরৗ মানৗ নংবাং জাবাং খাইদা সুজুদৗং?
সংসারনি রাজাফ্রা খৌছেয়ৈ জিংখাংবায়
আরৗ শাসনগিরিফ্রা লৗগৗছে জ'জাবায় ফৗরবুনি বিরুদ্ধনাও
আরৗ অভিষেক খৗলামজানায় মসিহনি বিরুদ্ধনাও।’3
নৗংনি গৗথার দাস যীশু জাইখৌ নৗঙৗ নৗংথারগৌয়ৈ মসিহ অভিষেক খৗলামদৗং বিখৌ ফানদায়নৗ বিনি বিরুদ্ধনাও হেরোদ আরৗ পন্তীয় পীলাতনাবৗ গুবুনহারি আরৗ ইস্রায়েলফৗরজৗং বে নৗগৗরাও লৗগৗ লাজ্লাইদৗংমৗন। নৗংনি বৗলৗ আরৗ নৗংনি ইচ্ছায়া জেখৌ জানাংগৌ হৗন্নানৈ সিগাঙাওনৗ ঠিক খৗলামখাদৗংমৗন, বিছৗরৗ বিখৌনৗ মাওদৗং। আরৗ দা, ও ফৗরবু বিছৗরনি সিগিনায়খৌ নৗঙৗ নাইহৎদৗ, আরৗ নৗংনি গেদেৎ গৗহৗজৗং বৗচৗনখৌ খৗথানৗ নৗংনি দাসফৗরনৗ বৗলৗ হৗদৗ। নৗংনি আখাইখৌ ফৗলাওদৗ ছৗখানৗ থাখৈ আরৗ নৗংনি গৗথার দাস যীশুনি নামমৈ সৗমৗ গৗনাং চিহ্নফৗরখৌ দিন্ঠিনৗ বৗথিয়া গৗনাং হাবাফৗরখৌ মাওনৗ বৗলৗ হৗদৗ।” জেব্লা বিছৗরৗ প্রার্থনা খৗলামখাঙৗ, অব্লা জেরেও বিছৗরৗ জ'জাদৗং মৗন, বে জায়গায়া মাওগ্লুবদৗং, আরৗ বিছৗরৗ গৗথার জিউজৗং ছুফুংজানানৈ ঈশ্বৗরনি সৗদৗবখৌ গৗহৗজৗং খৗথানৗ হমদৗং।
বিশ্বাসিফৗরনি সম্পত্তি রানজ্লাইনায়
গাছেন বিশ্বাসীফ্রা গৗসৗ আরৗ জিউয়াও মৗনছেমৗন। গাও গাওনি দংনায়মানিখৌ গাওনি হৗন্নালাবমানৗ গাছেনখৌবৗ বিছৗরৗ লৗগৗছেয়ৈ বাহাইজ্লাইদৗংমৗন। প্রেরিতফ্রা বৗলৗগ্রায়ৈ ফৗরবু যীশুনি ঠাংখাংফিনায়খৌ সাক্ষ্য হৗদৗংমৗন, আরৗ বিছৗরনি ছায়াও ঈশ্বৗরনি গেদেৎ অনুগ্রহয়া দংমৗন, বিনিখাইনৗ বিছৗরনি গেজেরাও রাওহাবৗ ঠৗয়ি জায়াখৈ। জাইফৗরহা হুহ্বাফৗর এবা ন্ব'বাংফৗর দংমৗন, বেফৗরখৌ ফাননানৈ মৗননায় টাকা পায়সাখৌ প্রেরিতফৗরনি আখাইয়াও গথায়ফৈদৗং আরৗ নাংগৌ বাদি সাফ্রৗমনৗবৗ রান্নানৈ হৗদৗং। সাইপ্রাসনিফ্রায় ফৈনায় সাছে লেবীয়ারি যোষেফআ, জাইখৌ প্রেরিতফ্রা বার্ণবাস মুংখয়ৗমৗন (বিনি অৗংথিয়া জাবায়, “উৎসাহহৗগ্রানি বিসা হৌয়া”), গাওনি হ্বা দাখাছে ফাননানৈ টাকা পয়সাখৌ প্রেরিতফৗরনি আঠেঙাও দৗনফৈদৗং।
Source notes (3)
- Cross-reference গীতফৗর 118:22
- Footnote আফাৎগিরি এবা সানসুমৈ এবা সেনহেড্রিন
- Cross-reference গীতফৗর 2:1–2
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.