भजन 11

भगवान हे बिस्वास

परधान बजामै बालेन कर निता दाऊद कर भजन

1मोर भरोसा भगवान हे हबै,

तै कसना मोर परान लग कहि सकथस,

“चिरइया के जसना अपन डोंगर हे उड जा।

2काखे देखा, दुस्ट अपन धनही चढाथै, अउ अपन तीर धनुस के डोरी हे रखथै,

इहैनिता कि सीधा मनबालेन हे अंधियार हे तीर चलाय।

3अगर नीह ढा दय जाय

ता धरमी काहिन कर सकथै?”

4भगवान अपन पवितर भवन हे हबै,

भगवान का सिंहासन स्वरग हे हबै,

ओखर आंख मनसे के लरका के रोज देखत रथै,

अउ उन जउन कुछ करथै ऊ जानथै।

5यहोबा धरमी के परखथै, पय ऊ उनखर लग जउन दुस्ट हबै

अउ उपदरव लग माया रखथै, अपन आत्मा हे घ्रना करथै।

6ऊ दुस्टन हे अंगरा बरसाही, आगी अउ गंधक

अउ तेज गरम हवा लग सजा दइ।

7काखे यहोबा धरमी हबै, ऊ धरम के कामन लग खुस रथै,

नेक मनसे ओखर दरसन पइहिन।