भजन 12

मदत कर निता पराथना

परधान बजामैबाले कर निता खर्ज कर राग हे दाऊद के भजन

1हे भगवान बचाय ले,

काखे एक्कोठे बिस्वासओग नेहको रहिन,

मनसेन मसे बिस्वासओग मनसे मर मिटे हबै।

2सगलू मनसे अपन परोसी लग झूठ बात कथै,

उन चापलूसी कर बात करथै।

3परभु सगलू चापलूसी बिबडा के

अउ ऊ चीभ के जेखर लग बडा बोल निकडथै काट डारी।

4हमर सब्दन लग हमके ऊ मिलथै, जउन हम चाहथन,

हम उहै कहब, जउन हम चाहथन,

अउ कउनो हमके रोक नेहको सकथै।

5परभु कथै, पीडित मनसे लुटर गइन,

दालिद बिलाप करथै,

हइ कारन अब मै उठहुं,

मै उके सुरक्छित रखहुं, जउन सुरक्छा चाहथै।

6भगवान कर बचन पवितर हबै, ऊ चांदी कर जसना हबै

जउन भट्ठी हे ताय गय हबै,

अउ सात बेर सुध्द करे गय हबै।

7तहिन हे परभु उनखर मदत करहे,

हइ जुग के मनसेन लग हरमेसा के निता बचाय रख।

8जब मनसेन हे बुराई के आदर होथै,

ता दुस्ट मनसे चउगिरदा पल्ला अकडत फिरथै।