भजन 10

नियाव कर निता बिनती

1हे यहोबा, तै काखे दुरिहां ठाड रथस?

मुसीबत कर टेम हे काखे लुके रथस?

2दुस्टन के घमंड के कारन दीन मनसे सताय जथै,

उन अपनै निकडे हर साजिस हे फंस जाय।

3काखे दुस्ट अपन अभिलासा हे घमंड करथै,

अउ लालची भगवान के छांड देथै अउ ओखर इंकार करथै।

4दुस्ट अपन घंमड के कारन कथै कि ऊ हिसाब नेहको लेही,

ओखर पूर सोच हइ हबै, कि कउनो भगवान हइये नेहको।

5ऊ अपन रास्ता हे मजबूत लग बने रथै, तोर नियाव कर बिचार असना ऊंच हे होथै,

कि ओखर नजर उहै तक नेहको पहुंचथै, जेतका ओखर बिरोधी हबै

उनखर उप्पर ऊ गुस्सा करथै।

6ऊ अपन मन हे कथै, “मै कबहुं टलै के नेहको,

मै पीढी-पीढी तक दुख लग बचे रइहों।”

7ओखर मुंह सराप अउ धोखा अउ अतियाचार लग भरे हबै,

उदुम अउ बेकार बात ओखर मुंह हे हबै।

8ऊ गांवन हे घात लगायके बइठे करथै,

अउ गुप्त जिघा हे बेकसूर के घात करथै,

ओखर आंख कमजोर के घात हे लगे रथै।

9जसना बाघ अपन पुडरा हे ओसनेन उहो लुकके घात हे बइठे करथै,

ऊ दीन के पकडै कर निता घात लगाय रथै,

ऊ दीन के अपन जाला हे फंसाय के घसीट लानथै, तब उके पकड लेथै।

10ऊ झुक जथै अउ ऊ दुबक कर बइठथै,

अउ कमजोरन मनसे ओखर महाबली हाथन लग पटके जथै।

11ऊ अपन मन हे सोचथै, भगवान बिसर गइस,

ऊ अपन मुंह लुकाय लइस, ऊ कबहुं नेहको देखही।

12उठ, हे यहोबा, हे भगवान, अपन हाथ बढा

अउ दीनन के झइ बिसर।

13भगवान के दुस्ट काखे बेकार जानथै,

अउ अपन मन हे कथै, तै हिसाब नेहको लइहे?

14तै देख लय हबै, काखे तै उत्पात अउ परेसानी हे नजर रखथै,

ताकि ओखर बदला अपन हाथ हे धर,

कमजोर अपन के तोर हाथ हे सउपथै,

अनाथन के तै सहायक रहे हबस।

15दुस्ट के बल के टोर डारे,

अउ दुरजन के दुस्टता के खोज-खोज के निकार

जब तक कि सगलू ओहमा लग दुरिहां झइ हुइ जाय।

16यहोबा सब रोज कर निता महाराजा हबै,

ओखर देस हे राज-राज कर मनसे नास हुइ गय हबै।

17हे यहोबा, तै दीन मनसेन के इक्छा के जाने हबै,

तै उनखर मन तइयाड करिहे, तै कान लगाय के सुनही।

18कि अनाथ अउ दुखी मनसेन के नियाव करै,

ताकि मनसे जउन माटी लग बने हबै

फेर डर झइ देखा पामै।